PILIPI 2:13 - Rengah Jian

¹³ Uban Allah éh kereja' dalem kenin ka'ah, avéé' ka'ah keloo' maneu' ngan pu'un maneu' kekat-kekat éh pengeloo' Néh.

PILIPI 2:13 Iomraidhean Croise

LUKAS 12:32

Ka' ha' Yésus kepéh, O kekat bakéh ké' éh barei' jah vun domba éh kerat awah, amai keh medai, uban Tamen keh iah éh pengeja'au keh ngan mihau keh.

LUKAS 2:14

Matek maren néh Allah éh tong seruga, petunuk tong tana' ngan kekat kelunan éh payoo' tong ta'an Néh, ha' réh.

YOHANES 3:27

Ka' ha' Yohanes mipa réh, Bé' pu'un jah usah péh éh omok alaa' ineu'-ineu' hun Allah bé' mena' éh ngan néh.

YOHANES 6:45

Irah nabi pu'un réh nyurat bara', Kekat kelunan adang Allah juk nebaraa' réh. Siget kelunan éh menéng ha' Tamen Ké' ngan éh nesen tong tebaraa' Néh, pu'un éh tuai tavin Akeu'.

YOHANES 6:65

Ka' ha' Yésus kepéh, Kenat ha' Ké' ngan keh ri', Jah-jah usah péh bé' éh omok tuai tavin Akeu' hun Tamen Ké' bé' ngusii' kenin néh, ha' Néh.

PENGANEU' LAWAH 11:21

La'ah penyukat Tuhan pu'un ngan réh avéé' kelunan pinaa' tavin Tuhan ngan ngelan tong Néh.

SURAT PAULUS NGAN SIDANG RUM 12:3

Uban neu' pengena' Allah éh lepah nena' Néh ngan ké', inah akeu' bara' ngan ka'ah, mai keh bau kenin ngan ulak juk maneu' ineu'-ineu' hun Allah bé' mena' éh ngan keh. Kenat péh mai keh seruh ka'ah kelunan éh ulak sa'at awah, ngan Tuhan bé' keloo' pakai keh, bang jian siget usah keh petuneng tong kenin keh tengéé', pekua' jalan keh ngelan keh omok pakai pengena' Allah ngan keh.

SURAT PAULUS NGAN SIDANG RUM 9:11

Bang uban Allah juk ngevéléé' jah usah awah jin rawah inah kivu pengeloo' Néh tengéé', Allah pu'un bara' ngan Ribkah, ha' néh, Anak ko' éh tuken, iah éh ngerera' tong padéé' néh éh tadin ha' Allah ngan Ribkah. Pu'un Allah pané kenat ngan Ribkah hun rawah anak inah bé' jak pelohoo', to bé' jam maneu' jian ngan maneu' sa'at péh. Inah Allah ngevéléé' ngan tebai jah usah jin rawah kivu pengeloo' kenin Tuhan tengéé', bé' makat uban ineu'-ineu' éh penganeu' rawah.

SURAT PAULUS NGAN SIDANG RUM 9:16

Hun néh kenat, inah Allah ngevéléé' kelunan kivu kenin Tuhan tengéé', bé' éh kivu pengeloo' kenin kelunan ngan bé' éh neu' ineu'-ineu' éh penganeu' réh, bang neu' penika Allah awah.

1 KORINTUS 12:6

Pu'un kuraa'-kuraa' pengena' Tuhan ngan kelunan ke' réh maneu' kereja' Tuhan, bang jah awah Tuhan, Iah éh mena' kekat néh béé lem kenin kelunan.

1 KORINTUS 15:10

Bang neu' penika Allah awah akeu' ngelan tong Iah hun iteu', tong penika Néh ngan ké', bé' akeu' bet éh awah, bang akeu' kereja' mutau mu'un pelapah muruh jin kekat lawah éh jah, éh mu'un bé' éh akeu' tengéé' éh kereja', bang penika Allah éh kereja' lem kenin ké'.

2 KORINTUS 3:5

Bé' mé' ngelan tong ineu'-ineu' penganeu' mé' ngan bé' mé' seruh neu' pengejam mé' tengéé' améé' omok maneu' éh, uban kekat pengejam mé' pu'un éh jin Allah,

ÉPESUS 1:11

Allah ngelayau maneu' ineu'-ineu' éh payoo' kivu pengeloo' kenin Néh. Avéé' Néh ngevéléé' améé' dalem Kristus dokoo' mé' omok anah Néh, kivu pengeloo' kenin Néh éh petenup Néh tenéh jin sahau.

ÉPESUS 1:5

La'ah naneu' penika Néh, jin bu'un tenéh Allah petenup jalan dokoo' neu' Anak Néh Kristus éh matai tong salib, Iah omok maneu' uleu' anak Néh kepéh. Iah maneu' kenat kivu pengeloo' ngan kemurung kenin Néh tengéé'.

ÉPESUS 1:9

ngan kejeraa' uleu' jam tong pengeloo' kenin Néh éh petenup Néh tenéh ngan éh pelim jin kelunan sahau.

ÉPESUS 2:8

Uban naneu' penika Allah awah ka'ah pu'un pelepu jin ukum penyala', neu' pengelan keh tong Iah. Bé' éh neu' ineu'-ineu' penganeu' keh, bang neu' pengena' Allah ngan keh awah.

2 TESALONIKA 1:11

Uban néh kenat ngelayau mé' sebayang tong keh. Améé' menyat Allah éh kenelan mé', maneu' keh omok murip ngan barék éh jian pekua' éh tekep tong tenebai Néh ngan keh. La'ah neu' penyukat Tuhan, jian Iah pesukup pengeloo' keh tong kekat éh jian, ngan pesukup kekat kereja' keh éh neu' pengelan keh.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

IBRANI 13:21

Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.