PILIPI 2:12 - Rengah Jian

¹² O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

PILIPI 2:12 Iomraidhean Croise

MATIUS 11:12

Jin bu'un Yohanes Batis tuai rai pah avéé' dau iteu' péh, mekat mu'un kelunan ngelawan irah éh juk tai lem Pengihau Allah.

MATIUS 11:29

Jian keh Kivu sohoo' Ké' ngan alaa' ha' tebaraa' Ké' uban Akeu' dawai Kenin ngan diva' Kenin boh keh bé' pu'un bii' éh bahat kepéh.

PENGANEU' LAWAH 16:29

La'ah pengeja'au nah tebai réh tuai mihin titui ke' néh tioo nekedeu' tai masek. Riyet éh tioo pegup tong jumen Paulus rawah Silas.

PENGANEU' LAWAH 9:6

Betéé' ke' tai leboo' inah, hun ko' avéé' sitai da', boh éh bara' ineu' éh tekep ko' maneu', ha' Tuhan ngan néh.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

1 KORINTUS 2:3

Kenat péh hun ké' tai tavin keh, lemoo' usah ké' ngan medai ku', pah avéé' ké' riyet mu'un péh.

1 KORINTUS 4:14

La'ah akeu' nyurat kenat bé' éh uban ké' juk pekenyaa' keh, akeu' nyurat éh kenat uban ké' juk nebaraa' keh, pekua' anak usah ké' éh penika ké'.

2 KORINTUS 7:15

La'ah penika néh ngan ka'ah pepit-pepit kepéh uban iah seruh tong jalan keh gahang kenin juk kivu sohoo' mé', ngan tong jalan keh alaa' iah ngan bé' nyakat ha' néh bang medai ngan riyet kenin.

ÉPESUS 6:5

O kekat ripen, jian keh kivu sohoo' pengeja'au keh tong tana', ngan ngerera' tong réh. Jian keh kivu sohoo' réh ngan kenin keh mu'un, barei' keh pu'un kivu sohoo' Kristus.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 1:29

Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

PILIPI 1:5

Pu'un ku' seruh tong kekat jalan keh nolong ku' perengah Rengah Jian, jin bu'un keh pu'un menéng rengah iteu' rai, pah avéé' hun iteu' péh.

PILIPI 1:6

La'ah akeu' jam Allah éh ngusii' kenin keh bu'un, adang Néh juk ngusii' kenin keh kepéh pah avéé' keh pu'un sukup ngan jian mu'un tong Dau Yésus Kristus pu'un tuai kepéh.

PILIPI 2:19

Akeu' ngelan Tuhan Yésus mukap jalan ké' omok nyohoo' Timotius laho tai ngan ka'ah, dokoo' ké' omok jian kenin hun ké' menéng rengah ka'ah kepéh.

PILIPI 4:1

O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

PILIPI 4:15

La'ah ka'ah éh mokoo' tong Pilipi jam, hun ké' tai jin tana' Makedonia éh bu'un ké' tai Perengah Rengah Jian lepah rai, sidang ka'ah awah éh pu'un nolong akeu'.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

2 TIMOTIUS 2:10

Kenat péh akeu' ngeretep dalem kekat pengeketa ké', dokoo' ké' omok nolong kelunan éh kevéléé' Allah, dokoo' irah péh omok alaa' urip dalem Kristus Yésus, pemung ngan pengaren Néh éh pu'un pelinguh.

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

IBRANI 4:1

La'ah uban jajii' dokoo' omok masek lem pengeposot Néh inah pu'un petem ngan lu', jian lu' mavaa' dai pu'un séé'-séé' jin belah ka'ah bé' omok alaa' éh pejajii' Néh inah.

IBRANI 4:11

Uban kenat Jian lu' mekat pitah dokoo' lu' omok alaa' posot éh pejajii' Allah mai pu'un séé'-séé' péh jin belah lu' mepai awah barei' irah sahau, uban réh bé' ngelan tong Allah.

IBRANI 5:9

Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

1 PÉTERUS 2:11

O kekat bakéh ké', ka'ah barei' kelunan nyakai ngan kelunan tejeu' tong tana' iteu'. Uban kenat akeu' nyohoo' ka'ah dokoo' mai keh kivu kemagat éh sa'at lem kenin kelunan, éh ngelayau pekayau ngan sahéé'.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.