PILIPI 2:11 - Rengah Jian

¹¹ Ngan kekat néh béé bara' Yésus Kristus Iah éh pengeja'au. Neu' ha' réh kenat pu'un réh peparen Allah éh Tamen.

PILIPI 2:11 Iomraidhean Croise

MATIUS 10:32

Séé-Séé éh ngakun pengelan néh tong Akeu' tong jumen kelunan Akeu' péh ngakun bara' iah tong jumen Tamen ké' tong seruga.

LUKAS 2:11

Hun iteu' pu'un jah anak maréng tong leboo' Daud éh juk purip ka'ah, inah éh Kristus éh Tuhan.

YOHANES 12:42

Na' péh irah pinaa' bé' keloo' ngelan tong Yésus, pinaa' pengeja'au irah Yahudi pu'un ngelan tong Yésus, bang uban réh medai kelunan Parisi meta' réh masek tong lamin sebayang, bé' réh bara' tong pengelan réh ngan kelunan éh jah.

YOHANES 13:13

Ka'ah bara' Akeu' éh Guru keh ngan Tuhan keh, jian, tekep keh bara' kenat, uban kenat néh Akeu'.

YOHANES 13:14

Hun Akeu' Éh Tuhan keh ngan Guru keh pu'un pohéé' gem keh, tekep keh pohéé' gem siget ka'ah ke'.

YOHANES 14:13

Ngan ineu'-ineu' éh keh menyat dalem ngaran Ké', omok Ku' maneu' éh pekua' éh nenyat keh nah, dokoo' pengaren Tamen Ké' pu'un poléng dalem Anak Néh.

YOHANES 14:23

Ka' ha' Yésus mipa éh, séé'-séé' éh murung Akeu', pu'un éh kivu kekat sohoo' Ké'. Tamen Ké' pu'un murung éh, Tamen Ké' ngan Akeu' péh juk tuai mokoo' ngan murip ngan néh.

YOHANES 17:1

La'o Yésus pané kenat, Iah na'at tong langit ngan sebayang, ka' ha' Néh, Tamen, hun iteu' sukup jaka' Ké'. Jian Ke' ngajung Anak Ko' iteu' dokoo' Ké' omok ngajung Ke' kepéh.

YOHANES 20:28

Ka' ha' Tomas mipa Éh, O Tuhan, pu'un akeu' ngelan, Ka'au éh Allah ké', ha' néh.

YOHANES 5:23

Pu'un Éh maneu' kenat dokoo' kekat kelunan omok ngajung Akeu' éh Anak Néh, pekua' irah ngajung Tamen Ké'. Séé'-séé' éh bé' ngajung Akeu' éh Anak Néh, bé' éh ngajung Tamen Ké' éh nyohoo' Akeu' tuai, ha' Néh.

YOHANES 9:22

Rawah pané kenat uban roh medai kelunan Yahudi. Uban irah Yahudi lepah bara' hun pu'un kelunan bara' Yésus nah, Iah Éh Kristus. Bé' irah buhaa' éh tai tong lamin sebayang.

PENGANEU' LAWAH 10:36

Pu'un éh pané ngan pohoo' Yahudi bara' Rengah Jian ngan réh, rengah inah bara' tunuk neu' Yésus Kristus éh Tuhan kekat kelunan.

PENGANEU' LAWAH 2:36

Ka' ha' Péterus kepéh, uban néh kenat jian kekat pohoo' Yahudi jam mu'un, Yésus nah Éh penatai keh tong salib rai, Allah metéé' Éh maneu' éh Tuhan ngan Kristus, ha' néh.

SURAT PAULUS NGAN SIDANG RUM 14:11

Uban pu'un jah ha' lem surat Allah éh bara' ka', Akeu' iteu' Allah éh murip, ha' Tuhan, Adang siget-siget kelunan ngejekuu' lep néh ngan ngerera' tong jumen Ké'. Siget-siget usah réh pu'un ngajung Akeu', ha' Néh.

SURAT PAULUS NGAN SIDANG RUM 14:9

Uban Kristus lepah matai ngan betéé' murip kepéh, dokoo' Iah omok Tuhan kekat kelunan, irah éh lepah matai, kenat péh irah éh murip keto péh.

SURAT PAULUS NGAN SIDANG RUM 15:9

Inah éh kepéh dokoo' kelunan éh tengéé' pohoo' omok mejing Allah uban penika Néh, pekua' barei' ha' lem surat Allah éh bara' ka', La'ah kenat péh jalan ké' mejing Ka'au' belah kekat kelunan éh tengéé' pohoo' jin irah Yahudi. La'ah akeu' juk nyanyi mejing ngaran Ko', ha' néh.

1 KORINTUS 12:3

Kelunan éh pu'un Sahéé' Allah, bé' Sahéé' inah mihin éh menoo' Yésus. Ngan bé' pu'un jah usah éh omok bara', Yésus éh Tuhan ké', hun néh bé' najak Sahéé' Allah.

1 KORINTUS 15:47

La'ah Adam éh bu'un, pu'un éh senuai Tuhan jin agaa' tana', Adam éh keruwah nah Iah pu'un jin seruga.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 YOHANES 4:15

Séé'-séé' éh ngakun Yésus nah adang Néh Anak Allah, Allah pu'un petem dalem néh ngan iah péh petem dalem Allah,

1 YOHANES 4:2

La'ah inah jalan keh omok jam hun néh Sahéé' jin Allah ngan hun néh bé' péh. Siget kelunan éh ngelan Yésus Kristus lepah tuai paléu kelunan, kelunan inah éh pu'un Sahéé' éh tuai jin Allah.

2 YOHANES 1:7

Uban pinaa' kelunan éh ngelavo' lepah tai pah tipo tana'. Bé' irah keloo' bara' Yésus Kristus pu'un tuai tong tana' ngan paléu kelunan. Kelunan éh kenat ngelavo' awah ngan ayau Kristus.

ÉH POLÉNG 3:5

Irah éh nyopéé' kekat arong kesa'at omok réh alaa' pakai éh mebéng ngan bé' Akeu' bet ngaran réh jin surat ngaran irah éh pu'un urip maréng. Tong jumen Tamen ké' ngan kekat meliket Néh Akeu' juk ngakun mu'un irah éh anah ké' ha' Néh.