PILIPI 2:1 - Rengah Jian

¹ Hun néh lem urip keh lem Kristus penika Néh pu'un penyukat maneu' keh pekua' kenin, ngan hun keh pu'un alaa' Sahéé' Ni'ai ngan hun néh urip keh inah mihin keh pepika ngan petolong, hun néh pu'un éh kenat mu'un,

PILIPI 2:1 Iomraidhean Croise

LUKAS 2:25

Tovoo' inah pu'un jah kelunan mokoo' tong Yérusalem, ngaran néh Simeon. Kelunan inah jian ngan medai tong Tuhan, ngan kebit kenin iah mena hun kelunan Yahudi pawah jin kekat penusah réh. La'ah Sahéé' Ni'ai pu'un tong Simeon,

YOHANES 14:18

Bé' Akeu' bet ka'ah, adang Akeu' tuai kepéh.

YOHANES 14:27

Ka' ha' Yésus kepéh, Pawah kenin keh, pengepawah Ké' Akeu' mena' éh ngan keh, bé' Ku' ngepawah kenin keh barei' kelunan éh mihau urip réh tong tana' awah. Mai keh tusah kenin, mai keh medai.

YOHANES 17:13

Ngan hun iteu' Akeu' moléé' ngan Ko', bang hun Ké' pu'un keto tong tana' iteu', pu'un Ku' bara' kekat ha' Ké' inah jalan irah omok murung kenin.

PENGANEU' LAWAH 2:46

Siget dau irah petipun tong umaa' Allah, kenat péh irah pemung kuman tong lamin réh tengéé' péh, la'ah irah kuman ngan jian kenin ngan diva' kenin,

PENGANEU' LAWAH 4:32

La'ah kekat kelunan éh ngelan pu'un réh pata pekua' kenin béé. Bé' pu'un jah usah éh bara' livah néh éh anah nah ke' tengéé', bang pu'un réh petulat ineu'-ineu' éh pu'un tong réh belah irah ke'.

SURAT PAULUS NGAN SIDANG RUM 5:5

Hun lu' ngelan tong Allah kenat bé' lu' duah kenin uban lu' jam Allah éh pika lu', éh mena' Sahéé' Ni'ai Néh ngan uleu'.

SURAT PAULUS NGAN SIDANG RUM 8:26

Kenat péh Sahéé' pu'un nolong uleu' dalem kelemoo' lu'. Uban bé' uleu' jam sebayang mu'un, bang Sahéé' Ni'ai muruh sebayang uleu' ngan Allah, palaa' kuraa'-kuraa' ateng ha' éh bé' omok benara', Iah péh barei' okoo' ngerahéng dalem sebayang Néh.

1 KORINTUS 12:13

Kenat péh kekat uleu' béé pu'un petem jah usah awah. Kenat péh irah Yahudi kenat péh irah éh tengéé' pohoo', kenat péh kelunan ripen, kenat péh kelunan éh bé' ripen. Sahéé' Allah éh maneu' uleu' petem jah awah, uleu' pu'un petem dalem Kristus neu' Sahéé' Allah éh jah awah, ngan Sahéé' Allah inah pu'un petem dalem kenin uleu' béé.

1 KORINTUS 15:31

O kekat padéé' ké', siget dau akeu' peserutaa' ngan kekat arong penusah, bang murung kenin ké', uban uleu' pekua' murip lem Kristus Yésus éh Tuhan lu', nah ké' bé' menyaa'.

1 KORINTUS 3:16

Kineu', bé' keh jam ka'ah éh lamin Allah ngan Sahéé' Allah mokoo' lem kenin keh?

2 KORINTUS 2:14

Bang jian lu' mejing ngaran Allah éh ngelayau majak uleu' kivu Yésus éh menang. Barei' ba'oo' éh jian payen semah-semah péh, pu'un Allah pakai uleu' dokoo' rengah tong Kristus omok avéé' tong kelunan semah-semah péh, barei' ba'oo' éh jian payen nah.

GALATIA 4:6

La'ah dokoo' uleu' omok jam uleu' pu'un paléu anak Néh, Allah mena' Sahéé' Anak Néh lem kenin uleu', Sahéé' inah éh bara', O Amam, O Amam.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

ÉPESUS 4:4

Uban usah Kristus jah awah, uleu' béé péh seleket usah Néh inah, jah awah Sahéé', barei' jah awah pengelan lu', inah éh, uleu' ngelan omok tai pemung ngan Allah ngan paléu jian, pekua' tenebai Allah ngan keh.

PILIPI 1:8

Allah éh jam akeu' pané mu'un hun ké' bara' akeu' pika keh ngan tawai keh neu' penika Kristus Yésus.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

KOLOSÉ 2:2

Pu'un ku' kereja' kenat dokoo' keh omok gahang kenin ngan pekua' kenin jah awah neu' penika keh ngan Allah. La'ah dokoo' keh omok jam mu'un tong Kristus ngan kekat kenin ngan pengejam keh, ngan jam tong pengeloo' kenin Allah éh pelim sahau rai bang hun iteu' pu'un éh pepoléng éh kepéh, inah éh Kristus.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

IBRANI 6:18

Duah ha' iteu' bé' omok paléu inah éh jajii' Néh ngan ha' supa Néh. Bé' Allah omok kenyo tong Néh. Uban kenat uleu' éh lepah tai tavin éh dokoo' alaa' Iah singau lu' uleu' senohoo' dokoo' ngamit reken pengepelum éh pu'un saa' tenah lu'.

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

1 YOHANES 3:24

La'ah séé'-séé' éh mihau kekat sohoo' Allah, pu'un éh petem dalem Allah, ngan Allah péh petem dalem néh. La'ah inah jalan uleu' jam Allah pu'un petem dalem uleu', uleu' jam éh neu' Sahéé' Néh éh nena' Néh ngan lu'.

1 YOHANES 4:12

La'ah bé' pu'un kelunan séé'-séé' péh éh lepah na'at Allah bang hun uleu' pika kekat padéé' lu', Allah pu'un petem dalem lu' ngan penika Néh pu'un sukup dalem lu'.

1 YOHANES 4:16

uleu' tengéé' jam ngan lenaa' mu'un tong Allah pu'un pika uleu'. Allah inah inan penika ngan séé-séé éh petem pika kelunan éh jah Iah pu'un petem dalem Allah ngan Allah pu'un petem dalem iah.