PILIPI 1:9 - Rengah Jian

⁹ Akeu' sebayang dokoo' penika keh ngan Allah ngan kelunan omok pepit, pemung ngan pengejam keh tong kekat éh teneng, pah avéé' keh jam seruh mu'un,

PILIPI 1:9 Iomraidhean Croise

1 KORINTUS 14:20

O kekat padéé' ké' mai keh barei' penyeruh irah anak awah. Jian keh barei' anak éh tejeu' tong kesa'at, bang dalem kekat penyeruh keh jian keh barei' kelunan éh jam seruh mu'un.

2 KORINTUS 8:7

Ka'ah kaya' tong kekat-kekat éh pu'un tong ka'ah, inah éh lem pengelan keh tong Tuhan ngan ha' tebaraa' keh ngan pengejam keh, ngan tong kemekat keh nolong irah éh jah péh, kenat péh tong penika keh ngan améé'. Uban keh pu'un barei' kaya' lem kekat inah, kenat péh améé' keloo' ka'ah barei' kaya' kepéh lem kereja' keh mena' ngan Tuhan uban keh pika Iah.

ÉPESUS 5:17

Mai keh barei' gaya' kelunan éh bé' jam seruh, bang jian keh pitah éh pengeloo' Tuhan ngan keh.

KOLOSÉ 1:9

Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh.

KOLOSÉ 3:10

ngan pu'un keh memakai urip éh maréng. Hun iteu' ka'ah pu'un maréng senuai Allah, Iah ngelayau ngepaléu keh maréng dokoo' keh omok murip barei' Iah. Inah jalan keh omok jam Allah mu'un.

1 TESALONIKA 3:12

La'ah jian Tuhan maneu' ka'ah pepit-pepit dalem penika keh belah ka'ah ke', kenat péh ngan kekat irah éh jah péh, pah avéé' keh jam pika mu'un barei' penika améé' tong ka'ah nah.

1 TESALONIKA 4:1

O kekat padéé' ké', ha' ké' kepéh ngan keh, pu'un mé' lepah bara' tong barék éh tekep kenivu keh, jalan keh omok ngepayoo' kenin Allah barei' éh neu' keh hun iteu' nah. La'ah hun iteu' dalem ngaran Tuhan Yésus améé' nyohoo' keh pepit-pepit jian kepéh.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

PILEMON 1:6

Akeu' sebayang dokoo' neu' lu' pu'un pekua' kenin lem pengelan lu' tong Kristus, ka'au' omok pepit dalem kekat pengejam ko' tong kekat pengejian éh anah uleu' neu' urip lu' lem Kristus.

IBRANI 5:14

Bang sin ka'an, inah éh ngan irah éh lepah ja'au. Kelunan éh ja'au nah, neu' kuraa'-kuraa' koléé' néh pekalai iah jam éh jian ngan éh sa'at péh.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.