PILIPI 1:6 - Rengah Jian

⁶ La'ah akeu' jam Allah éh ngusii' kenin keh bu'un, adang Néh juk ngusii' kenin keh kepéh pah avéé' keh pu'un sukup ngan jian mu'un tong Dau Yésus Kristus pu'un tuai kepéh.

PILIPI 1:6 Iomraidhean Croise

YOHANES 6:29

Ka' ha' Yésus ngan réh, Inah éh pengeloo' Allah, jian keh ngelan tong Iah éh tuai sohoo' Allah, ha' Néh.

PENGANEU' LAWAH 11:18

Hun réh jam éh kenat, bé' réh maneu' éh kepéh, bang pu'un réh mejing Allah, ka' ha' réh, Hun néh kenat adang Allah maneu' jalan ngan kelunan éh tengéé' pohoo' péh ke' réh piso jin kesa'at réh ngan alaa' urip éh maréng, ha' réh.

PENGANEU' LAWAH 16:14

Pu'un jah redo éh menéng ha' mé', ngaran néh Lidia, éh jin leboo' ja'au Tiatira tong tana' Rum. Pu'un redo inah melih livah rep-rep. Pu'un éh seva' Allah, kenin néh pukap ngan Tuhan ke' néh mihau kekat ha' éh benara' Paulus nah.

1 KORINTUS 1:8

La'ah Iah omok ngereken keh pah avéé' tong ga', dokoo' ka'ah bé' pu'un teneng kenukum Néh, tovoo' savéé' Néh.

2 KORINTUS 1:15

La'ah uban akeu' seruh ka'ah nesen ha' ké' lepah rai' akeu' seruh juk tai nepah keh tovoo' ké' lakau tai tana' Makedonia rai, ngan tovoo' ké' moléé' jin sinah péh. Akeu' seruh hun ké' omok tai kenat, boh keh omok alaa' ha' tebaraa' Tuhan duah koléé'. Inah kepéh dokoo' keh omok patet ku' tai tana' Yudea kepéh.

2 KORINTUS 2:3

La'ah kenat péh akeu' nyurat ngan keh rai, uban bé' akeu' keloo' tuai tavin keh ngan alaa' tusah kenin jin kelunan éh tekep maneu' akeu' murung kenin, uban kejam ké' hun akeu' murung kenin, boh ka'ah péh murung kenin kepéh.

2 KORINTUS 7:16

La'ah murung kenin ké' uban akeu' omok ngelan ka'ah mu'un.

2 KORINTUS 9:4

Uban hun pu'un kelunan jin Makedonia kivu akeu' tai ka'ah, boh réh jam bé' jak keh petenup mena' ineu'-ineu', menyaa' mu'un améé', makin péh ka'ah, uban améé' ngelan adang keh pu'un mena' éh tenéh.

GALATIA 5:10

Bang akeu' ngelan adang ka'ah omok ngelan Tuhan kepéh, barei' keh ngelan hun kekat penusah iteu' bé' pu'un rai. Uban lu' pu'un petem lem Tuhan, inah éh maneu' akeu' omok ngelan ka'ah bé' pu'un tengéé' kenin ngan bé' kivu ha' tebaraa' éh tengéé'. Ngan inah kepéh kejam ké', kelunan séé'-séé' éh petusah kenin keh nah, adang néh kenukum Allah.

ÉPESUS 4:12

Iah maneu' kenat dokoo' nolong kekat kelunan éh anah Allah maneu' kereja' Néh dokoo' sukup avéé' usah Kristus pu'un gahang, inah éh sidang nah.

PILIPI 1:10

dokoo' keh omok jam ngelayau ngevéléé' kekat éh jian. Boh ka'ah pu'un ni'ai, bé' pu'un ineu'-ineu' éh omok pesala' keh tong Dau Kristus pu'un tuai kepéh.

PILIPI 1:29

Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

PILIPI 2:12

O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

PILIPI 2:13

Uban Allah éh kereja' dalem kenin ka'ah, avéé' ka'ah keloo' maneu' ngan pu'un maneu' kekat-kekat éh pengeloo' Néh.

PILIPI 2:16

Jian keh bara' ha' tebaraa' ngan réh éh omok purip réh. Hun keh maneu' kenat boh ku' pu'un jalan ké' ngajung tong Dau Kristus tuai kepéh, uban kenat éh pepoléng kekat kereja' ngan kemutau ké' bé' éh tuyah-tuyah awah.

KOLOSÉ 2:12

Uban hun lu' pu'un batis inah lu' seleket tenanem pemung ngan Kristus, bang hun lu' musit jin lem baa' kepéh, inah seleket lu' pu'un betéé' murip ngan Kristus neu' pengelan lu' tong penyukat Allah éh pebetéé' Kristus jin patai Néh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

2 TESALONIKA 1:11

Uban néh kenat ngelayau mé' sebayang tong keh. Améé' menyat Allah éh kenelan mé', maneu' keh omok murip ngan barék éh jian pekua' éh tekep tong tenebai Néh ngan keh. La'ah neu' penyukat Tuhan, jian Iah pesukup pengeloo' keh tong kekat éh jian, ngan pesukup kekat kereja' keh éh neu' pengelan keh.

2 TESALONIKA 3:4

La'ah dalem Tuhan améé' ngelan adang keh maneu' ngan keloo' maneu' kekat éh senohoo' mé' ngan keh.

PILEMON 1:21

La'ah lem ké' nyurat éh kenat ngan ko', akeu' ngelan adang ko' juk kivu pengenyat ké' inah ngan pelapah ja'au jin éh pengenyat ké' inah.

IBRANI 10:35

Uban néh kenat mai keh putui pengelan, uban ja'au mu'un oléé' néh ngan keh hun keh petem ngelan.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

2 PÉTERUS 3:10

Bang Dau savéé' Tuhan inah, iah tioo pu'un avéé' barei' kelunan éh nekau. Tovoo' Dau inah langit pu'un béé pemung ngan ha' éh ja'au mu'un, ngan kekat éh tong langit péh pu'un potong béé. La'ah tana' iteu' ngan kekat éh pu'un tong néh juk salai béé.