PILIPI 1:4 - Rengah Jian

⁴ Kenat péh siget koléé' hun ké' sebayang tong ka'ah pu'un ku' sebayang ngan jian kenin.

PILIPI 1:4 Iomraidhean Croise

MARKUS 5:5

Jian péh éh dau rema, jian péh éh dau merem, iah lakau-lakau tong tanem kelunan, kenat péh éh lakau tong tokong, iah ngeradau' ngeradau', ngan lekup-lekup usah néh neu' bateu'.

LUKAS 15:10

Kenat péh kekat meliket Allah murung mu'un réh tong jah kelunan penyala' éh pekoléé' kenin, ha' Yésus.

LUKAS 15:7

Barei' inah kepéh hun pu'un jah usah éh sa'at éh piso jin penyala' néh, murung mu'un réh tong seruga, pelapah ja'au jin kemurung réh tong pien poloo' pien kelunan jian, éh bé' pu'un maneu' éh tekep ke' néh pekoléé' kenin, ha' Yésus ngan réh.

SURAT PAULUS NGAN SIDANG RUM 1:9

Allah jam akeu' sebayang ka'ah siget koléé', adang Allah jam akeu' sebayang ka'ah mu'un, bé' akeu' kenyo, Iah éh Allah éh kenelan ké' ngan ketem lo'ong kenin ké' avéé' ké' perengah Rengah Jian éh bara' tong Anak Néh.

PILIPI 2:2

jian keh pesukup kemurung kenin ké' neu' keh pu'un pekua' kenin ngan pepika ngan pekua' penyeruh.

PILIPI 3:18

Pinaa' koléé' ké' bara' éh ngan keh tenéh, ngan hun iteu' kepéh akeu' bara' éh ngan baa' maten ké' musit mu'un, pu'un jelua' kelunan neu' barék néh éh sa'at, inah éh maneu' réh ayau Kristus éh matai tong kayeu' salib.

PILIPI 4:1

O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

KOLOSÉ 2:5

Uban na' péh usah ké' bé' pu'un ngan keh, bang dalem kenin ké' akeu' pu'un ngan keh ngan murung kenin ké' hun ké' jam keh petem pekua' kenin lem pengelan keh tong Kristus.

1 TESALONIKA 1:2

Améé' ngelayau bara' jian kenin ngan Allah uban ka'ah béé. Siget koléé mé' sebayang, améé' ngelayau sebayang tong keh.

PILEMON 1:7

O padéé', neu' penika ko' akeu' pu'un murung kenin ngan pu'un ngegahang kenin, uban pu'un ke' ngejian kenin kuraa'-kuraa' kelunan éh anah Tuhan.

2 YOHANES 1:4

La'ah jian mu'un kenin ké' menéng rengah pu'un kuraa' anak ko' éh murip dalem kekat éh teneng, pekua' éh sohoo' Allah éh Tamen lu'.