PILIPI 1:29 - Rengah Jian

²⁹ Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

PILIPI 1:29 Iomraidhean Croise

MATIUS 16:17

Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'.

PENGANEU' LAWAH 13:39

La'ah séé'-séé' éh ngelan tong Yésus, pu'un éh pelepu jin kekat penyala' néh. Neu' néh kivu sohoo' lem Surat Musa awah bé' éh omok pelepu.

PENGANEU' LAWAH 14:22

Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

PENGANEU' LAWAH 14:27

Hun Paulus rawah Barnabas avéé' tong Antiokia pu'un roh petipun ngan irah tong sidang inah, ke' roh bara' tong jalan Allah pu'un nolong roh, ngan mukap jalan ke' kelunan éh tengéé' pohoo' omok ngelan tong Yésus.

PENGANEU' LAWAH 5:41

Musit irah lawah nah jin lamin Komiti sebayang Yahudi nah, murung mu'un-mu'un kenin réh uban kejam réh Tuhan ngevéléé' réh lem néh kejeraa' kelunan pekenyaa' réh kenat uban ngaran Yésus.

SURAT PAULUS NGAN SIDANG RUM 5:3

Kenat péh uleu' murung kenin dalem kekat penusah lu', uban uleu' jam kekat penusah inah, inah éh mihin uleu' omok ngeretep ngan kebit kenin,

ÉPESUS 2:8

Uban naneu' penika Allah awah ka'ah pu'un pelepu jin ukum penyala', neu' pengelan keh tong Iah. Bé' éh neu' ineu'-ineu' penganeu' keh, bang neu' pengena' Allah ngan keh awah.

KOLOSÉ 2:12

Uban hun lu' pu'un batis inah lu' seleket tenanem pemung ngan Kristus, bang hun lu' musit jin lem baa' kepéh, inah seleket lu' pu'un betéé' murip ngan Kristus neu' pengelan lu' tong penyukat Allah éh pebetéé' Kristus jin patai Néh.

YAKUB 1:2

O kekat padéé' ké', hun keh teneng neu' pinaa' arong penyilam jian keh jian kenin.

1 PÉTERUS 4:13

Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.