PILIPI 1:27 - Rengah Jian

²⁷ La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 1:27 Iomraidhean Croise

MATIUS 12:25

La'ah Yésus jam kenin réh pané kenat, Iah bara' ngan réh ka', Hun pu'un kelunan tong jah tana' pekelawan belah irah ke', adang kekat irah inah béé pu'un matai. Kenat péh hun pu'un kelunan tong jah leboo' pekelawan belah irah ke', bé' réh pu'un leboo' kepéh. Kenat péh hun kelunan tong jah lamin pekelawan.

PENGANEU' LAWAH 2:46

Siget dau irah petipun tong umaa' Allah, kenat péh irah pemung kuman tong lamin réh tengéé' péh, la'ah irah kuman ngan jian kenin ngan diva' kenin,

PENGANEU' LAWAH 24:24

Kuraa' dau la'o inah tuai Peliks ngan Drusila éh do néh, redo inah kelunan Yahudi. Iah nyohoo' réh tebai Paulus ke' néh menéng ha' néh bara' tong pengelan néh lem Kristus Yésus.

PENGANEU' LAWAH 4:32

La'ah kekat kelunan éh ngelan pu'un réh pata pekua' kenin béé. Bé' pu'un jah usah éh bara' livah néh éh anah nah ke' tengéé', bang pu'un réh petulat ineu'-ineu' éh pu'un tong réh belah irah ke'.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

SURAT PAULUS NGAN SIDANG RUM 1:5

Jin Kristus, Allah lepah mena' penika Néh ngan ké' iah tebai akeu' lawah Néh dokoo' mihin siget arong kelunan ngelan tong Iah ngan kivu Éh kepéh.

SURAT PAULUS NGAN SIDANG RUM 1:9

Allah jam akeu' sebayang ka'ah siget koléé', adang Allah jam akeu' sebayang ka'ah mu'un, bé' akeu' kenyo, Iah éh Allah éh kenelan ké' ngan ketem lo'ong kenin ké' avéé' ké' perengah Rengah Jian éh bara' tong Anak Néh.

SURAT PAULUS NGAN SIDANG RUM 10:8

Bang kekat kelunan omok jian kepéh ngan Allah neu' pengelan réh nah awah. Pu'un réh bara' tebaraa' éh tong jalan lu' alaa' kenin éh teneng, petepih mu'un éh barei' ujun, ngan lem kenin keh, inah éh ha' tebaraa' éh benara' mé' ngan keh rai.

SURAT PAULUS NGAN SIDANG RUM 15:16

dokoo' ké' omok maneu' kereja' Kristus Yésus belah kelunan éh tengéé' pohoo'. Lem ké' bara' Rengah Jian éh jin Allah ngan kelunan éh tengéé' pohoo' kenat, dokoo' ké' omok mena' réh ngan Allah, barei' kelunan éh mena' ka'an ngan Tuhan rai, kenat péh akeu' mena' réh ngan Allah ke' réh omok anah nah neu' Sahéé' Ni'ai.

SURAT PAULUS NGAN SIDANG RUM 15:29

La'ah akeu' jam tovoo' ké' tuai tavin ka'ah, adang ka'ah pu'un alaa' kekat pengejian Kristus.

1 KORINTUS 1:10

O kekat padéé' ké', dalem ngaran Tuhan Yésus Kristus, akeu' nyohoo' ka'ah pekua' kenin béé-béé dalem kekat ha' ané keh, mai ka'ah tengéé' kenin, jian ka'ah pekua' kenin ngan pekua' penyeruh.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

2 KORINTUS 13:11

O kekat padéé' ké', iteu' awah kekat ha' ké'. Jian keh peteneng kekat jalan keh dokoo' keh omok teneng ngan sukup mu'un, jian keh menéng kekat ha' ké' inah, jian ka'ah pekua' kenin murip ngan pawah. La'ah Allah éh jalan kekat penika ngan pengepawah pu'un, jian Iah pu'un pemung ngan ka'ah.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

2 KORINTUS 9:13

Uban neu' pengena' keh kenat, inah éh pepoléng pengereken keh dalem pengelan keh, inah mihin kelunan pinaa' peparen Allah uban ka'ah maneu' pekua' éh kenakun keh tong Rengah Jian Kristus, neu' penika keh mena' ngan irah ngan mena' ngan kelunan éh jah kepéh.

GALATIA 1:7

Éh mu'un bé' pu'un rengah jian éh tengéé' jin éh benara' améé', bang akeu' pané kenat uban kelunan pu'un petusah kenin keh ngan juk ngepaléu Rengah Jian éh jin Kristus.

ÉPESUS 1:13

Kenat éh ngan ka'ah kepéh, hun keh menéng ha' tebaraa' éh teneng, inah éh Rengah Jian éh jalan keh alaa' urip maréng, hun keh menéng éh pu'un keh ngelan tong Kristus, uban Allah nelana' ka'ah éh anah nah, inah éh Iah mena' Sahéé' Ni'ai ngan keh éh lepah pejajii' Néh.

ÉPESUS 1:15

Uban néh kenat jin bu'un ké' menéng rengah tong pengelan keh tong Tuhan Yésus, ngan penika keh ngan kekat kelunan éh anah Allah,

ÉPESUS 4:1

La'ah kenat péh jalan akeu' éh pu'un tong lamin tutup uban kereja' ké' ngan Tuhan, akeu' nyohoo' keh jian keh murip ngan barék keh pu'un jian ngan teneng pekua' ha' Tuhan ngan keh hun Néh tebai keh tavin Iah sahau rai.

PILIPI 1:5

Pu'un ku' seruh tong kekat jalan keh nolong ku' perengah Rengah Jian, jin bu'un keh pu'un menéng rengah iteu' rai, pah avéé' hun iteu' péh.

PILIPI 2:12

O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

PILIPI 2:24

Akeu' ngelan tong Tuhan usah ké' tengéé' péh omok laho tuai ngan keh.

PILIPI 3:18

Pinaa' koléé' ké' bara' éh ngan keh tenéh, ngan hun iteu' kepéh akeu' bara' éh ngan baa' maten ké' musit mu'un, pu'un jelua' kelunan neu' barék néh éh sa'at, inah éh maneu' réh ayau Kristus éh matai tong kayeu' salib.

PILIPI 3:20

Bang tana' ngan baa' uleu' pu'un éh tong seruga, jin sinah uleu' mena Tuhan Yésus Kristus tuai kepéh, éh juk purip lu'.

PILIPI 4:1

O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

KOLOSÉ 1:4

Uban pu'un mé' menéng rengah tong pengelan keh tong Kristus Yésus ngan tong penika keh ngan kekat kelunan éh anah Tuhan.

1 TESALONIKA 3:6

Hun iteu' Timotius lepah moléé' ngan iah mihin Rengah Jian tong Ka'ah to ke' ngelan tong Kristus ngan ka'ah kua' pepika. Iah bara' ngan améé' ka'ah ngelayau murung, siget koléé' keh seruh améé' ngan ka'ah tawai kenin juk temeu' ngan améé', pekua' améé' juk temeu' ngan ka'ah.

1 TESALONIKA 4:1

O kekat padéé' ké', ha' ké' kepéh ngan keh, pu'un mé' lepah bara' tong barék éh tekep kenivu keh, jalan keh omok ngepayoo' kenin Allah barei' éh neu' keh hun iteu' nah. La'ah hun iteu' dalem ngaran Tuhan Yésus améé' nyohoo' keh pepit-pepit jian kepéh.

1 TIMOTIUS 1:11

La'ah inah éh tebaraa' éh pu'un lem Rengah Jian éh nena' Tuhan lem nihau ké', ke' ké' bara' éh kepéh, inah éh Rengah Jian jin Allah éh maren mu'un ngan éh tekep nejing lu'.

1 TIMOTIUS 1:19

Jian ke' petem dalem pengelan ko', mai ke' maneu' ineu'-ineu' éh omok petawang kenin ko'. Pu'un jelua' kelunan éh maneu' barék éh bé' jian éh petawang kenin néh, éh mega' pengelan néh jin Tuhan.

2 TIMOTIUS 4:7

Pu'un ku' mekat mu'un lem pekayau tong pengelan, akeu' lepah pesukup kekat kereja' ké', ngan akeu' lepah mihau pengelan tong Kristus avéé' ga' néh.

TITUS 2:10

ngan mai réh nekau. Bang jian réh ngelayau maneu' kekat éh jian ngan tigéh dokoo' jin penganeu' réh éh kenat kelunan omok ngajung ha' tebaraa' tong Allah éh purip lu'.

PILEMON 1:5

Uban pu'un ku' menéng rengah tong penika ko' ngan kekat kelunan éh anah Tuhan ngan tong pengelan ko' tong Tuhan Yésus.

YAKUB 3:18

Pengejian inah éh oléé' jin tulin pengepawah éh lepah nulah kelunan éh keloo' tong pengepawah.

2 PÉTERUS 3:11

Uban kekat inah juk béé kenat, kineu' tok ka'ah dalem urip keh hun iteu'? Adang éh tekep kekat urip keh pu'un ni'ai ngan pu'un lem nihau Allah kelebéé' keh mena tong Dau savéé' Néh.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

YUDAS 1:3

O kekat padéé' éh kemurung ké'! Akeu' lepah maneu' surat ngan keh tong jalan urip lu' dalem Tuhan. Bang akeu' juk ngegahang kenin keh jin surat iteu' ngan nyohoo' keh ngelawan ineu'-ineu' éh juk ngebéé pengelan éh lepah nena' Allah jah koléé' awah ngan irah éh anah Nah avéé' pelinguh-linguh.