PILIPI 1:26 - Rengah Jian

²⁶ Hun néh kenat hun akeu' pu'un pemung ngan ka'ah kepéh, boh keh omok murung tong urip keh dalem Kristus Yésus.

PILIPI 1:26 Iomraidhean Croise

YOHANES 16:22

Kenat péh ka'ah, hun iteu' besau kenin keh, bang Akeu' juk tuai ngan keh kepéh la', boh keh murung mu'un ngan kemurung éh kenat, bé' kelunan éh jah omok alaa' éh jin keh kepéh.

YOHANES 16:24

Bé' jak keh pu'un menyat ineu'-ineu' dalem ngaran Ké', jian keh menyat éh, boh keh omok alaa' éh, boh kemurung keh pu'un sukup mu'un, ha' Néh.

2 KORINTUS 1:14

Akeu' ngelan kekat éh bé' kejam keh mu'un, omok keh jam éh kepéh, dokoo' tong Dau Tuhan Yésus tuai kepéh, ka'ah omok bahuu' améé' pekua' barei' améé' péh bahuu' ka'ah.

2 KORINTUS 5:12

Bé' améé' pané kenat dokoo' mé' ngajung usah mé', bang améé' keloo' ka'ah jam améé' kelunan éh teneng kenin hun keh pemung ngan kelunan éh ngelayoo' awah jian, ngan éh bau kenin seruh réh kenajung kelunan.

2 KORINTUS 7:14

Pu'un ku' sepah ka'ah ngan néh rai, ngan bé' keh pu'un pekenyaa' akeu'. Ngelayau améé' pané mu'un ngan keh, bé' mé' kenyo. Kenat péh tong kekat jalan mé' sepah ka'ah ngan Titus rai, pu'un mé' pané mu'un, ngan hun iteu' kejam néh ha' améé' bara' keh kenat teneng mu'un.

2 KORINTUS 7:4

Bé' akeu' melak seruh ka'ah, murung mu'un-mu'un akeu' tong ka'ah. Dalem kekat penusah mé', kenin ké' gahang ngan murung mu'un, kemurung kenin ké' inah éh pepit-pepit ja'au kepéh.

2 KORINTUS 7:6

Bang Allah éh ngegahang kenin kelunan éh mujah kenin, pu'un éh ngegahang kenin améé' neu' penyavéé' Titus,

GALATIA 6:4

Tekep siget usah petuneng kereja' néh tengéé', hun kereja' néh pu'un jian boh éh omok murung kenin ngan bé' makat pitah kelunan éh jah mejing iah.

PILIPI 3:1

O kekat padéé' ké', tong pengega' ha' ké', inah akeu' bara', jian ka'ah murung kenin dalem Tuhan. La'ah bé' akeu' menyaa' nyurat kepéh éh lepah senurat ké' rai, uban inah éh jalan keh omok jam seruh.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

PILIPI 4:10

Murung kenin ké' dalem Tuhan, uban hun iteu' kepéh, na' péh éh pu'un lebéé', inah ka'ah pu'un gusii' kenin seruh nolong akeu' kepéh. Na' péh akeu' pané kenat, bé' éh uban keh bé' seruh tong akeu', bang uban ieng ke' jalan keh maneu' éh.

PILIPI 4:4

Jian ka'ah ngelayau murung kenin dalem Tuhan, jah koléé' kepéh akeu' bara', jian ka'ah murung kenin.