PILIPI 1:21 - Rengah Jian

²¹ Uban urip ké', inah éh Kristus. Uban néh kenat hun ké' matai, inah éh pelapah jian.

PILIPI 1:21 Iomraidhean Croise

1 KORINTUS 1:30

Bang Allah éh maneu' keh petem dalem Kristus Yésus. La'ah jin Kristus Allah maneu' uleu' pu'un pengejam. Kenat kepéh naneu' Kristus, inah uleu' pu'un teneng kenin tong jumen Allah ngan paléu anak Néh mu'un, ngan pelepu jin kekat penyala'.

1 KORINTUS 3:22

Kenat péh Paulus, ngan Apolos, ngan Péterus ngan kekat éh tong tana' siteu', urip ngan matai péh, kenat péh éh pu'un hun iteu', ngan éh juk pu'un kepéh vam, kekat néh béé anah ka'ah éh,

2 KORINTUS 5:1

Uban uleu' jam lamin lu', inah éh usah lu' éh jalan lu' mokoo' tong tana' iteu', hun néh pega' Allah pu'un lamin ngan uleu' kepéh, lamin inah pu'un éh tong seruga, bé' éh senuai kelunan, bang senuai Tuhan ngan pu'un éh pelinguh.

2 KORINTUS 5:6

Uban néh kenat bé' lu' putui kenin, uban uleu' jam kelebéé' uleu' pu'un dalem usah lu' iteu', uleu' bé' pu'un tong lamin éh petenup Tuhan ngan uleu',

2 KORINTUS 5:8

Gahang kenin mé' juk piso jin usah iteu' ke' mé' omok tai ngan Tuhan.

GALATIA 2:20

La'ah urip ké' hun iteu' bé' éh anah ké' tengéé' kepéh, bang urip Kristus éh murip dalem akeu'. La'ah tong urip ké' hun iteu', akeu' murip neu' pengelan ké' tong Anak Allah, éh pika akeu' ngan éh mena' usah Néh uban akeu'.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.

PILIPI 1:20

Uban kenin ké' mu'un, akeu' ngelan mai akeu' maneu' ineu'-ineu' éh omok mihin akeu' menyaa', bang siget-siget koléé', makin péh hun iteu' hun ké' pu'un tong lamin tutup, jian akeu' makang kenin dalem kekat urip ké', dokoo' ké' omok pesavéé' kenajung ngan Kristus, kenat péh hun ké' murip, kenat péh hun ké' matai péh.

PILIPI 1:22

Bang hun néh neu' ké' murip boh akeu' omok maneu' jah kereja' ngan Tuhan kepéh, hun néh kenat bé' akeu' jam éh mah éh tekep ké' ngevéléé'.

PILIPI 1:23

Uban duah kenin ké', jah kenin ké' juk piso jin usah ké' iteu' tai pemung ngan Kristus, uban inah éh pelapah jian.

PILIPI 2:21

Kekat irah éh jah seruh tong kereja' réh awah, bé' réh seruh tong kereja' Yésus Kristus.

KOLOSÉ 3:4

Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

ÉH POLÉNG 14:13

La'ah nenéng ké' jah ha' jin seruga éh bara', Jian ke' nyurat ha' ké' iteu', Jin la'o iteu' murung kenin kelunan éh matai lem réh maneu' kereja' Tuhan, ha' néh. Ka' ha' Sahéé' Ni'ai mipa éh, Mu'un, adang réh murung, uban réh ma'o jin kereja' réh bahat, kekat penganeu' réh pu'un oléé' ngan réh kepéh, ha' néh.