PILIPI 1:18 - Rengah Jian

¹⁸ Bang na' péh kenat, bé' akeu' sa'at kenin, murung kenin ké', sokoh néh kelunan pu'un bara' tong Kristus. Kenat péh hun irah bara' éh ngan teneng kenin, kenat péh hun néh bé' teneng kenin, sokoh néh réh bara' tong Kristus, boh ku' murung kenin.

PILIPI 1:18 Iomraidhean Croise

MATIUS 23:13

La'ah ha' Yésus maneu' irah Parisi, ka' ha' néh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, hun kelunan éh jah pitah jalan juk alaa' Allah Pengeja'au réh, ka'ah pu'un mapat jalan réh. Usah keh tengéé' bé' keloo' tai lem nihau Allah, hun irah éh jah juk tai, pu'un keh meta' réh, ha' néh.

MARKUS 12:40

Pu'un réh ngebuyuk irah redo baleu' ngan alaa' kekat livah réh, kenat péh réh ngelayoo' awah réh maneu' jian neu' réh kebit ha'sebayang. Ukum réh pu'un pelapah bahat jin ukum irah éh jah, ha' Yésus ngan réh.

LUKAS 9:45

Bang bé' réh nesen sin ha' Néh kenat, uban bé' Éh pané petek ngan réh uban Néh bé' keloo' ha' Néh inah tioo lenaa' mu'un. Bé' réh nesen ha' Néh inah, ngan medai réh neteng Éh sin néh.

LUKAS 9:50

Ha' Yésus ngan néh, Mai keh meta' éh, uban kelunan séé'-séé' éh bé' ngelawan keh, inah éh seleket bakéh keh, ha' Néh.

SURAT PAULUS NGAN SIDANG RUM 3:9

Hun néh kenat kineu' kenin améé' éh pohoo' Yahudi, pu'un éh pelapah jian jin kelunan éh tengéé' pohoo'? Adang bé'. Uban dalem kekat ha' éh benara' ké' inah ri', inah akeu' bara', kekat kelunan béé-béé pu'un lem penyukat penyala', kenat péh pohoo' Yahudi kenat péh irah éh tengéé' pohoo'.

SURAT PAULUS NGAN SIDANG RUM 6:15

Uban hun iteu' uleu' pu'un murip lem penika Allah, bé' uleu' pu'un murip lem penyukat ukum kepéh, hun néh kenat, kineu', tekep lu' maneu' penyala' kepéh, adang lu' bé' tekep maneu' éh.

1 KORINTUS 10:19

Kineu' sin tong ha' ké' kenat? Kineu' butun ngan ka'an éh nena' réh ngan butun inah, pu'un gunah réh maneu' éh kenat kei?

1 KORINTUS 14:15

Hun néh kenat kineu' éh kepéh? Adang akeu' juk sebayang palaa' sahéé' ké' ngan akeu' juk sebayang kepéh tong ha' éh kejam ké'. Akeu' juk nyanyi palaa' sahéé' ké' ngan akeu' juk nyanyi tong ha' éh kejam ké' kepéh.

1 KORINTUS 15:11

Hun néh séé'-séé' péh éh nebaraa' keh, jian péh akeu', jian péh irah kelunan éh jah kepéh, kekat néh pu'un pekua' awah, ngan éh omok mihin keh petem reken.

PILIPI 1:19

Uban akeu' jam neu' ha' sebayang keh ngan neu' Sahéé' Yésus Kristus pu'un nolong akeu', adang akeu' omok pelepu jin lamin tutup iteu' kepéh.