PILIPI 1:15 - Rengah Jian

¹⁵ Pu'un jelua' réh perengah Kristus uban réh leko tong akeu' ngan nyelepéé' kenin, bang jelua' réh kepéh, pu'un réh perengah éh ngan jian kenin.

PILIPI 1:15 Iomraidhean Croise

MATIUS 23:5

Kekat penganeu' réh pu'un éh neu' réh dokoo' kelunan omok na'at réh ngan mejing réh awah. Pekah ngan jong éh penakai réh jalan ayat surat Tuhan, pu'un réh maneu' éh ja'au. Inah kepéh, pu'un réh maneu' tapak seput réh pepurai kebit mu'un. Irah maneu' éh kenat dokoo' irah éh jah ngajung réh.

PENGANEU' LAWAH 10:36

Pu'un éh pané ngan pohoo' Yahudi bara' Rengah Jian ngan réh, rengah inah bara' tunuk neu' Yésus Kristus éh Tuhan kekat kelunan.

PENGANEU' LAWAH 11:20

La'ah jelua' irah éh pu'un jin pulau Siprus ngan leboo' Kirene éh déhéé' baa' banget, irah kepéh tai leboo' Antiokia ke' réh bara' Rengah Jian tong Tuhan Yésus ngan irah éh pohoo' Yunani.

PENGANEU' LAWAH 5:42

La'ah siget dau pu'un irah lawah nebaraa' réh tong umaa' Allah ngan tong lamin kelunan ngan perengah Rengah Jian tong Yésus Iah ke' éh Kristus.

PENGANEU' LAWAH 8:35

Pelapah Pilipus nebaraa' éh, éh bu'un néh iah nebaraa' éh jin tebaraa' éh penurung néh iri', pah avéé' tong Rengah Jian tong Yésus.

PENGANEU' LAWAH 8:5

Pu'un Pilipus tai Samaria leboo' ja'au ke' néh bara' tong Kristus Iah ke' éh kevéléé' Allah.

PENGANEU' LAWAH 9:20

Tai éh tong lamin sebayang Yahudi ke' néh bara' Yésus ngan réh, ka' ha' néh, Yésus nah iah ke' éh Anak Allah, ha' néh.

SURAT PAULUS NGAN SIDANG RUM 2:8

Bang kelunan éh kivu kenin réh tengéé', éh bé' keloo' kivu sohoo' Allah, éh bet kekat jalan éh teneng ke' réh kivu kekat éh sala' awah, ngan kelunan éh kenat, adang Allah merek ngan réh ngan ngukum réh.

1 KORINTUS 1:23

Bang pu'un mé' bara' ngan kekat kelunan, Kristus matai tong kayeu' salib. Ha' tebaraa' inah keleko irah Yahudi, ngan irah éh tengéé' pohoo' bara' éh ha' éh palui awah.

1 KORINTUS 13:3

Na' péh akeu' mena' kekat livah ké' ngan kelunan kari, ngan kejeraa' kelunan motong usah ké', bang hun akeu' maneu' kenat awah ngan bé' pu'un penika, seleket ké' bé' pu'un maneu' kenat ke' éh.

2 KORINTUS 1:19

Uban Yésus Kristus, Anak Allah éh benara' mé' teleu' Silas ngan Timotius rai, bé' Éh barei' kelunan éh bara' Oo' bang éh lem kenin réh seruh bé'. Kristus bé' éh pu'un kenat. Kekat ha' Néh ngelayau éh Oo' uban Iah ngelayau maneu' pekua' éh benara' Néh.

2 KORINTUS 11:13

Kelunan inah bé' réh lawah Tuhan mu'un, bang ngelayoo' awah réh. Pu'un réh pané kenyo bara' tong kekat kereja' réh ngan maneu' barei' penganeu' irah éh lawah Kristus mu'un, bang réh ngelayoo' awah.

2 KORINTUS 12:20

Tusah kenin ké' dai hun ké' angai da' barang bé' péh keh barei' éh keneloo' ké', kenat péh barang akeu' bé' pu'un barei' éh keneloo' ka'ah nah. Medai ku' dai hun ké' angai, pu'un irah pepaneu' pekeleko pekerek, seruh usah réh tengéé', ngesa'at ngaran kelunan ngan nebok, bau kenin ngan keloo' ngasau.

2 KORINTUS 4:5

Bé' améé' lakau ke' mé' bara' tong penganeu' usah mé' tengéé', bang pu'un mé' bara' Yésus Kristus Iah éh Tuhan, améé' éh kelunan sohoo' Néh awah, dokoo' mé' nolong keh uban penika Yésus ngan améé'.

GALATIA 2:4

Na' péh pu'un jelua' keloo' éh kenat, irah inah kelunan éh selim masek ngan améé' ngan ngelayoo' awah pepadéé' dalem Tuhan, irah pu'un tuai dokoo' réh omok ngedalem uban ineu' améé' bé' pu'un kivu kekat-kekat adet réh, ngan naneu' ineu' améé' pu'un pemung ngan Kristus. Irah maneu' kenat ke' réh juk ngeripen mé' tong adet réh kepéh.

PILIPI 2:3

Mai keh maneu' ineu'-ineu' uban keh juk ngepayoo' kenin keh tengéé', ngan uban keh juk ngajung usah keh tengéé', bang jian keh diva' kenin ngan ngerera' belah ka'ah ke', mai keh bau kenin ngan seruh usah ko' pelapah jian jin irah éh jah.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.