PILIPI 1:14 - Rengah Jian

¹⁴ La'ah neu' ké' pu'un tong lamin tutup, pinaa' padéé' lu' dalem Tuhan pu'un éh gahang kepéh lem pengelan réh tong Tuhan, avéé' irah makang kenin bara' ha' Allah ngan bé' medai.

PILIPI 1:14 Iomraidhean Croise

MARKUS 3:3

Ha' Yésus ngan kelunan paket ojoo' nah, Betéé' ke' jian ke' tuai nekedéng siteu', ha' Néh ngan néh.

LUKAS 1:74

adang Néh juk ngelepu lu' jin kekat ayau lu' ngan maneu' lu' omok melapuh jin kekat éh ngedai lu', kelu' omok seva' Tuhan ngan kivu Éh kepéh

2 KORINTUS 3:12

La'ah uban uleu' ngelan éh kenat, inah éh maneu' uleu' makang kenin pané.

2 KORINTUS 7:4

Bé' akeu' melak seruh ka'ah, murung mu'un-mu'un akeu' tong ka'ah. Dalem kekat penusah mé', kenin ké' gahang ngan murung mu'un, kemurung kenin ké' inah éh pepit-pepit ja'au kepéh.

ÉPESUS 3:13

Uban néh kenat akeu' nyohoo' keh, mai keh putui pengelan uban ké' teneng keta naneu' kereja' ké' belah ka'ah rai, pu'un éh kenat dokoo' mena' pengejian ngan ka'ah.

PILIPI 1:20

Uban kenin ké' mu'un, akeu' ngelan mai akeu' maneu' ineu'-ineu' éh omok mihin akeu' menyaa', bang siget-siget koléé', makin péh hun iteu' hun ké' pu'un tong lamin tutup, jian akeu' makang kenin dalem kekat urip ké', dokoo' ké' omok pesavéé' kenajung ngan Kristus, kenat péh hun ké' murip, kenat péh hun ké' matai péh.

PILIPI 1:7

Akeu' murung keh ngan nesen keh lem kenin ké'. Ka'ah béé pu'un nolong ku' lem kereja' ké' ngan Allah, jin ké' bé' jak tai lamin tutup ngan ké' nyakat tong kelunan éh juk kebéé Rengah Jian iteu', pah avéé' ké' pu'un lem lamin tutup nah péh.

PILIPI 4:1

O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

KOLOSÉ 4:4

Jian keh sebayang menyat Tuhan nolong akeu' bara' ha' tebaraa' Néh ngan lenaa' mu'un, barei' éh tekep naneu' ké'.

KOLOSÉ 4:7

La'ah padéé' lu' Tikhikus éh penika lu', éh tigéh lem kekat kereja' néh ngan Tuhan, éh bakéh ké' dalem kereja' Tuhan, iah omok bara' kekat rengah ké' ngan keh.

1 TESALONIKA 2:2

La'ah ka'ah jam tong jalan kelunan peketa mé' ngan pekenyaa' mé' hun mé' mokoo' keto tong tana' Pilipi rai, bé' jak mé' tai tavin ka'ah tong Tesalonika rai. Na' péh irah tong tana' Pilipi peketa mé', ngan irah Tesalonika ngelawan mé' mu'un, Tuhan ngegahang kenin mé' dokoo' mé' tai bara' Rengah Jian Néh ngan keh kepéh.

2 TIMOTIUS 2:9

La'ah uban akeu' pu'un bara' tong Rengah Jian nah, inah akeu' jam keta ngan kejeret réh tong lamin tutup, pekua' barei' kelunan éh maneu' penyala' mu'un. Bang ha' tebaraa' Tuhan bé' éh omok kejeret ngan tenutup réh.