PILIPI 1:11 - Rengah Jian

¹¹ Akeu' keloo' kekat urip ngan barék keh pu'un jian neu' penyukat Yésus Kristus lem kenin keh, dokoo' keh omok peparen ngan mejing Allah.

PILIPI 1:11 Iomraidhean Croise

MATIUS 5:16

Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

YOHANES 15:16

Bé' éh ka'ah éh ngevéléé' Akeu', bang Akeu' éh ngevéléé' keh ngan Akeu' éh nyohoo' keh tai ngan ngebuaa' ngan buaa' pinaa', buaa' éh kenat omok éh pelinguh. La'ah ineu'-ineu' keh menyat jin Tamen Ké' dalem ngaran Ké', adang Néh mena' éh ngan keh kepéh.

YOHANES 15:2

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

YOHANES 15:8

Hun keh ngebuaa' ngan buaa' pinaa', inah jalan Tamen Ké' pu'un kenajung, ngan inah jalan keh omok bakéh Ké' mu'un.

SURAT PAULUS NGAN SIDANG RUM 15:28

La'o ké' tai kenat ngan mena' kekat rigit inah ngan réh, boh akeu' sa'o tai tana' Sepanyol, tovoo' inah akeu' tuai nepah ka'ah kepéh.

SURAT PAULUS NGAN SIDANG RUM 6:22

Bang hun iteu' kepéh Allah pu'un ngelepu keh jin penyala' keh ngan Iah maneu' keh ripen Allah kepéh. Uban Iah ngelepu keh kenat, kekat urip keh anah nah, pengega' néh mihin keh murip pelinguh.

1 KORINTUS 10:31

Uban néh kenat dalem kekat penganeu' keh, hun keh kuman hun keh mesep péh, maneu' éh béé-béé dokoo' peparen Allah.

2 KORINTUS 9:10

La'ah Allah éh mena' parai ngan kelunan ke' néh omok mulah éh, kenat péh Éh mena' éh sukup kinan réh kepéh, omok Iah mena' parai éh sukup ngan keh ngan omok Éh maneu' parai inah nyekaa', dokoo' ja'au ajau néh kepéh jin éh pengena' keh.

ÉPESUS 1:12

Uban néh kenat, jian urip améé' éh bu'un-bu'un ngelan tong Kristus, pepoléng pengaren Allah.

ÉPESUS 1:14

Uban Allah mena' Sahéé' Ni'ai ngan uleu', inah telana' adang lu' omok alaa' kekat éh pejajii' Néh ngan uleu' éh anah nah, ngan inah kepéh telana' adang Tuhan juk ngelepu uleu' jin kekat kesa'at ngan penyala' lu'. Uban néh kenat jian uleu' mejing Allah éh Matek Maren.

ÉPESUS 2:10

Uban uleu' éh senuai Allah, ngan murip petem lem Kristus Yésus, Iah suai lu' kelu' omok murip ngan maneu' kuraa'-kuraa' kereja' éh jian, éh lepah petenup Néh ngan lu'.

ÉPESUS 5:9

Uban kelunan éh pu'un tong rema, pinaa' buaa' néh, inah éh kekat éh jian ngan teneng ngan tigéh.

PILIPI 4:17

Bé' akeu' pitah pengena' jin kelunan makat, bang éh penitah ké' ngan éh keneloo' ké' ka'ah pepit dalem kekat éh jian, inah éh pepit pengejian Tuhan lem kenin keh kepéh.

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

KOLOSÉ 1:6

La'ah Rengah Jian inah pu'un éh mihin kuraa'-kuraa' kelunan jian kenin ngan pu'un éh avéé' tong kuraa'-kuraa' kelunan pah tipo tana', barei' éh pu'un belah ka'ah jin dau bu'un keh menéng tong penika Allah ngan nesen éh lem kenin keh kepéh.

2 TESALONIKA 1:12

Hun néh pu'un kenat, boh ngaran Yésus éh Tuhan lu', omok peparen dalem keh, ngan ka'ah péh peparen dalem Iah, naneu' penika Allah ngan Tuhan Yésus Kristus.

TITUS 3:14

Jian irah éh ngelan, pekalai maneu' jian ngan pesukup ineu'-ineu' pengekurang kelunan, mai réh murip ngan bé' jam seruh.

IBRANI 12:11

Kelebéé' Tuhan memerah lu', tusah kenin lu' bé' lu' murung, bang la'o inah kepéh hun lu' mihau ha' tebaraa' Néh, pu'un lu' murip kivu pengeloo' Tuhan ngan alaa' pengepawah Néh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:5

La'ah ka'ah kepéh seleket bateu' éh murip, éh penakai dokoo' maneu' lamin Allah éh ni'ai. Uban néh kenat ka'ah barei imam éh kevéléé' Allah ngan éh mena' pengena' éh ni'ai éh ngepayoo' kenin Allah, neu' Yésus Kristus.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 4:14

Murung kenin ka'ah hun réh pekenyaa' keh uban keh kivu Kristus, uban hun néh pu'un kenat, inah pepoléng Sahéé' éh maren, inah éh Sahéé' Ni'ai pu'un dalem keh.