PILIPI 1:10 - Rengah Jian

¹⁰ dokoo' keh omok jam ngelayau ngevéléé' kekat éh jian. Boh ka'ah pu'un ni'ai, bé' pu'un ineu'-ineu' éh omok pesala' keh tong Dau Kristus pu'un tuai kepéh.

PILIPI 1:10 Iomraidhean Croise

MATIUS 16:23

Boh Yésus pupah ke' néh pané ngan Péterus, ka' ha' néh, Kelap ke' Sitan, Ka'au' juk mapat jalan Ké' awah, kekat penyeruh ko' inah, bé' éh jin Allah, jin tana' iteu' awah éh, ha' néh.

MATIUS 26:33

Boh Péterus mipa éh, Na' péh kekat irah éh jah bet ka'au' dat, bé' akeu' bet Ke', ha' néh.

YOHANES 1:47

Hun Yésus na'at Natanael tai tavin Éh, ka' ha' Néh, Inah jah kelunan Yahudi éh pohoo' Yahudi mu'un, bé' éh pu'un lavo' tong ineu'-ineu' péh, ha' Néh.

YOHANES 3:20

Kekat kelunan éh maneu' sa'at leko éh tong rema, ngan bé' éh keloo' tai tong rema, dai kekat penyuai néh poléng.

PENGANEU' LAWAH 24:16

Ngelayau akeu' pitah jalan dai pu'un ineu'-ineu' lem kenin ké' éh omok pesala' ku' tong jumen Allah kenat péh tong jumen kelunan, ha' Paulus.

SURAT PAULUS NGAN SIDANG RUM 12:2

Mai keh kivu barék kelunan éh bé' ngelan tong Tuhan, bang jian keh kejeraa' Allah ngepaléu kenin keh mu'un neu' Iah ngepaléu kekat penyeruh keh tong éh sa'at rai. Boh keh omok jam tong pengeloo' Allah ngan jam tong kekat éh jian ngan éh ngepayoo' kenin Néh ngan sukup mu'un.

SURAT PAULUS NGAN SIDANG RUM 12:9

Jian keh pika kelunan mu'un, mai keh ngelayoo' awah pika réh. Jian keh leko tong kekat éh sa'at, ngan megem kekat éh jian awah.

SURAT PAULUS NGAN SIDANG RUM 16:17

O kekat padéé' ké' akeu' nyohoo' ka'ah jian keh mavaa' dai pu'un kelunan tuai mihin tebaraa' éh petawang kelunan ngan pepetat réh jin pengelan réh tong Tuhan, éh bara' jah ha' tebaraa' éh tengéé' jin éh benara' ké' ngan keh rai. Jian ka'ah ngelepat jin irah.

SURAT PAULUS NGAN SIDANG RUM 2:18

Neu' ha' lem Surat Musa inah, adang ka'ah jam tong kekat pengeloo' Allah ngan tong kekat éh jian ngan tong kekat éh sa'at péh, bang na' péh kenat bé' keh pu'un kivu tong éh jian nah.

SURAT PAULUS NGAN SIDANG RUM 7:16

Bang hun ké' maneu' éh keleko ké' inah, bé' éh uban ha' lem Surat Musa nah pu'un sa'at. Adang kekat ha' tebaraa' inah jian béé.

SURAT PAULUS NGAN SIDANG RUM 7:22

Dalem kenin ké' mu'un, jian kenin ké' seruh tong kekat éh sohoo' Allah ngan keloo' akeu' maneu' éh,

SURAT PAULUS NGAN SIDANG RUM 8:7

Kenat péh hun kelunan murip kivu kenin néh tengéé', inah éh ayau Allah.

1 KORINTUS 1:8

La'ah Iah omok ngereken keh pah avéé' tong ga', dokoo' ka'ah bé' pu'un teneng kenukum Néh, tovoo' savéé' Néh.

1 KORINTUS 10:32

Dalem kekat pengurip keh, mai keh maneu' ineu'-ineu' éh omok petusah kenin irah Yahudi kenat péh petusah kenin irah éh tengéé' pohoo', kenat péh petusah sidang Allah péh.

1 KORINTUS 8:13

Uban néh kenat hun néh neu' ka'an kinan ké' inah mihin padéé' ké' petat, bé' mu'un akeu' keloo' kuman ka'an inah kepéh, dai akeu' mihin padéé' ké' petat maneu' penyala'.

2 KORINTUS 1:12

Pu'un jah jalan améé' bahuu', inah éh uban dalem kenin mé' bé' pu'un ineu'-ineu' lem kenin mé' éh pesala' mé' tong urip mé' belah kelunan semah-semah péh, makin péh belah ka'ah, uban kekat barék mé' pu'un éh jian ngan teneng awah. Jah awah kenin améé', bé' mé' maneu' ineu'-ineu' ngan ngelayoo' awah, bé' mé' kivu pengejam mé' tengéé', tong kekat penganeu' mé' pu'un éh neu' penika Allah.

2 KORINTUS 2:17

Bé' mu'un améé' barei' jelua' kelunan éh bara' ha' Tuhan, barei' réh seruh tebaraa' inah bé' pu'un gunah. Irah bara' éh uban réh juk alaa' rigit awah. Bang améé' bara' ha' Tuhan uban Allah éh nyohoo' améé' bara' éh, bé' améé' bara' éh ngelayoo' awah, bang améé' bara' éh ngan kekat kenin mé' mu'un uban mé' kelunan éh sohoo' Kristus.

2 KORINTUS 6:3

Bé' améé' mapat jalan ngan kelunan séé'-séé' péh, ngan bé' mé' keloo' maneu' ineu'-ineu' éh jalan kelunan omok pesala' kereja' mé' ngan Tuhan.

2 KORINTUS 8:8

Bé' akeu' bara' tong kekat jalan éh tekep keh mena' ngan Tuhan, bang inah akeu' bara' tong jalan kelunan éh jah gahang kenin mena' ngan Tuhan, inah akeu' juk jam kepéh, Kineu' penika ka'ah iteu' ngan Tuhan, pu'un keh pika éh mu'un ngan maneu' kenat.

GALATIA 5:11

O kekat padéé' ké', hun ké' to nebaraa' kelunan nyohoo' réh pesunat, barei' ha' irah jelua' maneu' akeu' nah, uban ineu' réh peketa akeu'? Hun akeu' nyohoo' réh pesunat, adang kekat ha' tebaraa' éh benara' ké' tong salib Kristus bé' éh petusah kenin kelunan. Bang bé' akeu' nyohoo' réh kenat.

ÉPESUS 4:15

Bang jian keh bara' tong kekat éh teneng, neu' kenin keh penoo' ngan penika Tuhan jian uleu' pepit kepéh dokoo' lu' sukup mu'un dalem kekat ineu'-ineu' lem Kristus éh ulun lem sidang.

ÉPESUS 5:10

Jian keh tutui maneu' kekat éh ngepayoo' kenin Tuhan.

ÉPESUS 5:27

ke' Néh omok mena' sidang nah ngan Allah dalem kekat pengaren Néh ngan pengeni'ai Néh, ngan bé' pu'un ineu'-ineu' éh kurang ngan sa'at.

ÉPESUS 6:24

Jian penika Allah pu'un pemung ngan kekat kelunan éh pika Tuhan Yésus Kristus neu' penika Néh éh bé' omok béé.

PILIPI 1:16

Irah maneu' kenat uban réh pika akeu' uban kejam réh akeu' pu'un siteu' dokoo' ké' nyakat kelunan éh juk kebéé Rengah Jian.

PILIPI 1:6

La'ah akeu' jam Allah éh ngusii' kenin keh bu'un, adang Néh juk ngusii' kenin keh kepéh pah avéé' keh pu'un sukup ngan jian mu'un tong Dau Yésus Kristus pu'un tuai kepéh.

PILIPI 2:16

Jian keh bara' ha' tebaraa' ngan réh éh omok purip réh. Hun keh maneu' kenat boh ku' pu'un jalan ké' ngajung tong Dau Kristus tuai kepéh, uban kenat éh pepoléng kekat kereja' ngan kemutau ké' bé' éh tuyah-tuyah awah.

1 TESALONIKA 3:13

Kenat péh jalan Tuhan omok ngereken kenin keh, ngan maneu' keh ni'ai, bé' pu'un sa'at ineu'-ineu' tong jumen Allah éh Tamen uleu' sioo' savéé' Tuhan Yésus pemung ngan kekat kelunan éh anah Nah.

1 TESALONIKA 5:21

Keh petuneng kekat néh béé, Jian keh kivu ineu' éh jian.

1 TESALONIKA 5:23

La'ah jian Allah éh mena' pengepawah Néh ngan uleu', maneu' keh anah nah mu'un, ngan mihau sahéé' keh, ngan kenin keh, ngan usah keh jin kekat éh sa'at, pah avéé' penyavéé' Tuhan Yésus Kristus.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

ÉH POLÉNG 2:2

Akeu' jam tong kekat penganeu' ko', ngan Akeu' jam tong jalan ko' kereja' muruh mu'un, ngan Akeu' jam ke' pu'un kebit kenin. Ngan Akeu' jam ke' leko mu'un tong kelunan éh maneu' sa'at, ngan pu'un ke' petuneng irah éh ngelayoo' awah lawah Tuhan, bang bé' réh lawah Néh mu'un, ngan kejam ko' irah pané kenyo awah.