PILIPI 1:1 - Rengah Jian

¹ Amo Paulus ngan Timotius éh kelunan sohoo' Kristus Yésus, amo maneu' surat iteu' ngan kekat kelunan éh anah Allah éh mokoo' tong tana' Pilipi éh ngelan tong Kristus Yésus, pemung ngan kekat pengeja'au ngan irah éh jah péh éh nolong tong sidang.

PILIPI 1:1 Iomraidhean Croise

MARKUS 13:34

Barei' ha' tapan tong kelunan lakau tai tana' juu'. Teka néh tai lakau, iah bara' kuraa'-kuraa' kereja' ngan kelunan sohoo' néh, nyohoo' réh maneu' éh kelebéé' néh lakau nah. Kenat péh iah nyohoo' kelunan mavaa' tong usit tapé néh mavang savéé' néh, jian réh mavaa' éh mu'un.

YOHANES 12:26

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.

PENGANEU' LAWAH 1:20

La'ah ka' ha' Péterus kepéh, La'ah pu'un jah ha' lem surat Masmur, éh bara' ka', Kejeraa' lamin néh usan awah, mai jah usah mokoo' tong néh. Ha' Péterus kepéh, pu'un jah ha' kepéh éh bara' ka', Kejeraa' kelunan éh jah maneu' kereja' néh.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

PENGANEU' LAWAH 9:13

Ka' ha' Ananias kepéh, O Tuhan, pinaa' kelunan lepah bara' ngan ké' tong kesa'at kelunan inah, tong kekat éh neu' néh tong kelunan éh ngelan tong Ka'au' éh pu'un tong Yérusalem.

SURAT PAULUS NGAN SIDANG RUM 1:1

Surat iteu' jin akeu' Paulus éh kelunan sohoo' Kristus Yésus, akeu' pu'un kevéléé' Allah ngan tenebai Néh dokoo' ké' lawah Néh ngan perengah Rengah Jian.

SURAT PAULUS NGAN SIDANG RUM 1:7

Kenat péh akeu' nyurat surat iteu' ngan kekat ka'ah éh pu'un tong leboo' Rum éh penika Allah ngan éh tenebai Néh dokoo' ka'ah omok anah nah kepéh. Akeu' sebayang keh dokoo' Allah Tamen uleu' ngan Tuhan Yésus Kristus mena' penika ngan pengepawah ngan keh.

1 KORINTUS 16:10

Hun mah Timotius avéé' tong ka'ah, jian keh alaa' éh ngan jian kenin, uban iah péh maneu' kereja' Tuhan pekua' akeu'.

2 KORINTUS 1:1

Akeu' Paulus éh lawah Yésus Kristus neu' pengeloo' Allah, ngan Timotius éh padéé' lu', amo éh maneu' surat iteu' ngan sidang Allah éh pu'un tong leboo' ja'au Korintus, kenat péh ngan kekat kelunan éh anah Allah éh pu'un tong tana' Akhaya.

GALATIA 1:10

Kineu', hun ké' pané kenat, pu'un éh barei' kelunan éh pitah kenajung jin kelunan awah? Adang bé'. Akeu' pitah kenajung jin Allah awah. Kineu' pu'un keh seruh akeu' pitah jalan dokoo' kelunan omok bakéh ké'? Hun akeu' pitah éh kenat, bé' akeu' kelunan sohoo' Kristus kepéh.

GALATIA 3:26

Uban neu' pengelan keh tong Kristus, ka'ah béé péh anak Allah, uban keh pu'un pemung ngan Kristus Yésus.

GALATIA 3:28

Kenat péh hun iteu', ka'ah béé-béé pu'un jah awah dalem Kristus Yésus. Bé' pu'un kelunan Yahudi ngan irah éh tengéé' pohoo' kepéh, kenat péh bé' pu'un kelunan ripen ngan kelunan éh bé' ripen, bé' éh tengéé' irah lakei' ngan tengéé' irah redo, ka'ah béé jah awah neu' pengelan keh tong Kristus Yésus.

ÉPESUS 1:1

Akeu' Paulus lem pengeloo' Allah lawah Kristus Yésus, akeu' éh maneu' surat iteu' ngan kekat kelunan éh anah Allah éh mokoo' tong leboo' Épesus, ngan éh tigéh dalem urip réh lem Kristus Yésus.

ÉPESUS 1:15

Uban néh kenat jin bu'un ké' menéng rengah tong pengelan keh tong Tuhan Yésus, ngan penika keh ngan kekat kelunan éh anah Allah,

ÉPESUS 6:24

Jian penika Allah pu'un pemung ngan kekat kelunan éh pika Tuhan Yésus Kristus neu' penika Néh éh bé' omok béé.

PILIPI 2:19

Akeu' ngelan Tuhan Yésus mukap jalan ké' omok nyohoo' Timotius laho tai ngan ka'ah, dokoo' ké' omok jian kenin hun ké' menéng rengah ka'ah kepéh.

PILIPI 2:5

Jian keh pu'un kenin pekua' kenin Kristus Yésus.

PILIPI 3:12

Bé' jak akeu' jam éh kenat, bé' jak akeu' pu'un sukup mu'un, bang akeu' juk lakau mu'un pah avéé' ké' pu'un jian mu'un, barei' éh seneruh Kristus Yésus hun néh purip ku' bu'un rai.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

1 TESALONIKA 1:1

Surat iteu' jin Paulus, Silas ngan Timotius, surat iteu' nena' ngan Sidang Tesalonika, éh anah Allah éh Tamen ngan Tuhan Yésus Kristus. Jian Allah mena' penika ngan pengepawah Néh ngan keh.

1 TESALONIKA 2:2

La'ah ka'ah jam tong jalan kelunan peketa mé' ngan pekenyaa' mé' hun mé' mokoo' keto tong tana' Pilipi rai, bé' jak mé' tai tavin ka'ah tong Tesalonika rai. Na' péh irah tong tana' Pilipi peketa mé', ngan irah Tesalonika ngelawan mé' mu'un, Tuhan ngegahang kenin mé' dokoo' mé' tai bara' Rengah Jian Néh ngan keh kepéh.

2 TESALONIKA 1:1

Akeu' Paulus, ngan Silas ngan Timotius, maneu' surat iteu' ngan kekat kelunan tong sidang Tesalonika, éh anah Allah éh Tamen lu' ngan Tuhan Yésus Kristus.

2 TESALONIKA 1:10

Adang kekat inah pu'un tovoo' Dau savéé' Néh dokoo' kekat kelunan éh anah Nah, éh ngelan tong Iah, peparen Iah ngan seva' Iah awah. Adang ka'ah péh pu'un pemung ngan réh uban keh pu'un ngelan tong tebaraa' éh benara' mé' ngan keh rai.

1 TIMOTIUS 1:2

akeu' éh maneu' surat iteu' ngan Timotius éh seleket anak usah ké' mu'un neu' pengelan ko' tong Tuhan. Jian Allah éh Tamen, ngan Tuhan Yésus Kristus, mena' penika Néh ngan pengasi Néh ngan pengepawah Néh ngan ko'.

1 TIMOTIUS 3:8

La'ah kenat péh irah pelayan, tekep réh kelunan éh jam seruh, mai éh kelunan paba pané, kenat péh mai éh kelunan keloo' mesep baa' éh maneu' éh mavuk, kenat kepéh mai éh kelih tong rigit ngan alaa' mekum tong rigit.

TITUS 1:1

Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'.

TITUS 1:7

Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit.

PILEMON 1:1

Surat iteu' jin Paulus, éh pu'un tong lamin tutup uban perengah Kristus Yésus, ngan jin padéé' lu' Timotius.

IBRANI 13:23

La'ah akeu' keloo' keh jam Timotius pu'un kelepu réh jin lamin tutup. Hun néh laho avéé' siteu' da', boh ku' mihin éh tovoo' ké' tuai nepah ka'ah.

YAKUB 1:1

Surat iteu' jin Yakub, kelunan sohoo' Allah ngan Tuhan Yésus Kristus, akeu' bara' tabi' ngan kekat kelunan éh ngelan tong Allah éh purat pah tipo tana'.

1 PÉTERUS 2:25

Sahau ka'ah barei' domba éh tawang, bang hun iteu' ka'ah lepah nihin moléé' dokoo' kivu gembala, éh mihau urip keh.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

YUDAS 1:1

Akeu' Yudas, kelunan éh sohoo' Yésus Kristus, éh padéé' Yakub rai, akeu' maneu' surat iteu' ngan kekat kelunan éh tenebai Allah éh pu'un petem dalem kemurung Allah éh Tamen lu', inah éh ngan kekat kelunan éh pu'un lem nihau Yésus Kristus.

ÉH POLÉNG 1:1

Surat iteu' pu'un bara' tong kekat éh Pepoléng Yésus Kristus ngan Yohanes. Allah bara' éh ngan Kristus, ngan Kristus pepoléng ineu' éh, juk avéé' bé' makat lebéé' la'ah, ngan irah éh sohoo' Allah. Kristus nyohoo' meliket Néh dokoo' bara' ngan Yohanes, kelunan sohoo' Néh, tong kekat inah.

ÉH POLÉNG 1:20

Inah éh sin tong tujuu' kenyuhai éh pu'un lem ojoo' Ké' saa' na'au' ngan tong tujuu' pelita' mas éh ta'an ko' nah. Ka' éh, sin tong tujuu' kenyuhai nah, inah éh meliket tong tujuu' sidang. Tujuu' pelita' nah, inah éh tujuu' sidang, ha' Néh.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.

ÉH POLÉNG 2:12

Jian ke' nyurat ha' Ké' iteu' ngan meliket sidang tong Pergamus. Iteu' ha' éh benara' jin Iah éh pu'un po'é éh peseripa nyahit.

ÉH POLÉNG 2:8

Jian ke' nyurat ha' ké' iteu' ngan meliket sidang tong Smirna. Iteu' ha' éh benara' jin Iah éh bu'un ngan éh ga' péh, éh lepah matai ngan éh murip kepéh.

ÉH POLÉNG 22:9

Bang ka' ha' néh ngan ké', Mai ke' maneu' kenat, akeu' péh kelunan éh sohoo' Tuhan barei' ka'au', ngan barei' kekat padéé' ko' éh bara' ha' Tuhan ngan kelunan, ngan barei' kekat irah éh jah éh kivu kekat ha' lem surat iteu'. Jian ke' seva' Allah, ha' néh.