LUKAS 9:59 - Rengah Jian

⁵⁹ Boh Éh pané ngan kelunan éh jah kepéh, ka' ha' Néh, Jian ke' kivu Akeu', ha' Néh. Bang ha' kelunan inah mipa éh, Oo', keloo' akeu' kivu ka'au' dat, bang jian ku' tai tenah mokoo' ngan tamen ké' pah avéé' néh matai, hun néh matai boh ku' kivu ke' da', ha' néh.

LUKAS 9:59 Iomraidhean Croise

MATIUS 16:24

Boh Yésus bara' ngan irah bakéh néh, ha' néh, Hun pu'un séé'-séé' juk kivu Akeu', mai éh kivu pengeloo' néh tengéé', bang siget-siget dau jian éh alaa' salib néh tengéé' ke' néh kivu Akeu'.

MATIUS 6:33

Bang éh bu'un néh jian keh seruh tong kekat jalan éh omok ngepayoo' kenin Tuhan, pitah pengeloo' Néh tenah, boh Iah mena' kekat inah ngan keh.

MATIUS 9:9

Lakau Yésus piso jin sinah kepéh, tovoo' néh lakau nah Iah na'at jah kelunan éh alaa' sukai, ngaran néh Matius, iah mokoo' tong lamin éh jalan néh alaa' sukai. Ha' Yésus ngan néh, Jian ke' kivu Akeu', ha' néh. Matius betéé' tioo tai kivu Yésus.

LUKAS 9:60

Ha' Yésus mipa éh, Turut ke' irah jah éh mokoo' seleket matai nah, nanem irah éh matai nah, bang ka'au' iteu', jian ke' tai bara' tong jalan Allah pu'un Pengeja'au, ha' Néh.