56 La'o inah lakau kepéh réh tai leboo' éh jah la'ah.
Ha' Yésus kepéh, Mai keh muau irah anak si'ik. Akeu' bara' ngan keh, meliket réh éh tong seruga ngelayau réh pu'un tong jumen Tamen ké' tong seruga.
Uban Anak Kelunan pu'un tuai dokoo' néh pitah kekat irah éh tawang.
Tekep keh maneu' kenat uban Anak Kelunan, bé' tuai dokoo' irah ngajung ngan ngeja'au éh, bang Iah tuai dokoo' Néh omok nolong kelunan ngan dokoo' Néh mena' urip Néh purip kelunan pinaa', ha' néh.
Bang iteu' éh ha' Ké' ngan keh hun iteu', Mai keh mipa kesa'at kelunan éh ngesa'at keh. Hun kelunan pu'un tepap pinga keh saa' na'au', kejeraa' éh tepap jebila' kepéh.
Anak Kelunan tuai ke' Néh pitah ngan pepurip kekat kelunan éh tawang, ha' Néh.
Boh Yésus bara' ka' ngan Néh, Mai ke' maneu' kenat, ha' Néh. Boh Yésus ngamit suhat kelingen lakei' inah ke' Néh peka'o éh.
La'ah Yésus sebayang ngan Tamen Néh, ka' ha' Néh, O Tamen, jian Ke' pika irah uban bé' irah nesen tong penganeu' réh kenat, ha' Néh. Boh irah nyunga' bateu' dokoo' réh petulat pakai Yésus nah.
Pupah Yésus ngan meta' roh pané kenat.
Lem réh lakau tai kenat, pu'un jah kelunan pané ngan Yésus. Ka' ha' néh, Semah-semah ke' tai, akeu' juk kivu Ke', ha' néh.
Kelunan nekau tuai ke' néh nekau domba ngan mematai ngan nasa' réh awah, bang Akeu' tuai dokoo' kelunan omok alaa' urip, avéé' réh murung mu'un-mu'un, ha' Néh.
Séé'-séé' éh menéng ha' tebaraa' Ké' bang bé' éh kivu éh, bé' éh Akeu' éh ngukum éh. Bé' Akeu' tuai tong tana' iteu' dokoo' Ké' ngukum kelunan, bang inah Akeu' tuai dokoo' Ké' purip kelunan.
Uban bé' Allah nyohoo' Anak Néh tuai tong tana' iteu' ke' Néh ngukum kelunan tong tana' iteu', bang Iah nyohoo' Éh tuai ke' Néh purip kelunan tong tana' iteu'.
Mai keh sopéé' neu' kesa'at, bang jian keh nyopéé' kekat kesa'at palaa' pengejian.
Teneng mu'un ha' iteu' ngan tekep kelunan alaa' éh ngan ngelan éh, ka' éh, Kristus Yésus tuai tong tana' teu' ke' Néh omok purip kelunan. La'ah akeu' éh pelapah sa'at jin kekat kelunan béé éh pu'un penyala'.
