LUKAS 9:51 - Rengah Jian

⁵¹ Hun danii' jaka' Yésus juk moléé' tai seruga kepéh, lakau Éh ke' Néh tai leboo' Yérusalem ngan jah awah kenin.

LUKAS 9:51 Iomraidhean Croise

MARKUS 16:19

Jin La'o Yésus pané ngan réh, iah netéé' tai seruga Iah menyun saa' na'au' Tuhan Allah.

LUKAS 12:50

Bang dokoo' luten inah omok mahang kenat, tekep Akeu' pu'un teneng tong kekat arong pengeketa Ké', besau kenin Ké' kelebéé' iteu' bé' jak ma'o.

LUKAS 13:22

Hun Yésus lakau tai leboo' Yérusalem, Iah nebaraa' kelunan tong siget lamin ngan siget leboo' éh kelapah Néh belah sinah.

LUKAS 17:11

Hun Yésus lakau tai Yérusalem Iah kivu jalan éh belah tana' Samaria ngan tana' Galilia.

LUKAS 18:31

Yésus tebai irah bakéh Néh éh jah poloo' duah usah nah, ke' Néh petengéé' réh jin irah éh pinaa' nah dokoo' Néh pané ngan réh. Ka' ha' Néh, Menéng keh, hun iteu' tam juk tai tong leboo' Yérusalem, hun tam avéé' sitai kekat-kekat éh senurat irah nabi sahau, éh bara' tong kekat éh juk neu' kelunan tong Anak Kelunan, adang néh pu'un kenat sitai dat.

LUKAS 19:11

Lem pengelakau Yésus éh tai leboo' Yérusalem nah, hun Néh danii' lah déhéé' Yérusalem, pu'un irah pinaa' seruh hun Yésus avéé' sinah, barang sioo' inah péh Éh omok Pengeja'au réh. Boh Yésus maneu' jah ha' tapan kepéh ngan kekat kelunan éh menéng ha' Néh pané ngan Sakheus lepah nah.

LUKAS 19:28

La'o Yésus maneu' ha' tapan tong rigit mas inah, lakau Éh jin tenah réh masek jalan Néh juk tai leboo' Yérusalem nah.

LUKAS 24:51

lem Néh maneu' kenat tong réh, pu'un Éh tioo nalaa' Tuhan tai seruga.

LUKAS 9:57

Lem réh lakau tai kenat, pu'un jah kelunan pané ngan Yésus. Ka' ha' néh, Semah-semah ke' tai, akeu' juk kivu Ke', ha' néh.

YOHANES 13:1

La'ah dau teka irah Yahudi maneu' Dau Ja'au Paska lepah avéé'. La'ah kejam Yésus sukup jaka' Néh ke' Néh piso jin tana' iteu' moléé' ngan Tamen Néh kepéh. Jin bu'un Néh tuai pu'un Éh murung irah éh anah Néh tong tana' iteu', ngan pu'un Éh murung réh pah avéé' ga' néh.

YOHANES 16:28

Pu'un Akeu' tuai jin Tamen Ké' avéé' tong tana' iteu' ngan hun iteu' Akeu' juk piso jin tana' iteu' kepéh moléé' ngan Tamen Ké', ha' Néh.

YOHANES 16:5

Bang hun iteu' Akeu' juk moléé' tai Iah éh nyohoo' Akeu' tuai, ngan bé' keh pu'un neteng Akeu' tong Ké' juk tai nah.

YOHANES 17:11

Hun iteu' inah Akeu' moléé' tai Ka'au kepéh, bé' Akeu' pu'un mokoo' tong tana' iteu' la'ah, bang irah pu'un mokoo' keto tong tana' iteu'. O Amam éh Ni'ai, jian Ke' mihau réh neu' penyukat ngaran Ko'. Jian Ke' mihau réh dalem ngaran Ko', dokoo' réh omok pekua' kenin barei' Tuah iteu'.

YOHANES 6:62

Hun néh kenat kineu' hun keh na'at Ku' moléé' tong jalan Ké' bu'un.

PENGANEU' LAWAH 1:2

pah avéé' dau Néh nalaa' Tuhan tai seruga. La'ah teka Néh nalaa' Tuhan tai seruga, pu'un Éh bara' kuraa'-kuraa' sohoo' neu' penyukat Sahéé' Ni'ai ngan kekat kelunan éh kevéléé' Néh tenéh nah, ke' réh tai lawah Néh.

PENGANEU' LAWAH 1:9

La'o Néh pané kenat, lem réh kepuh Éh, pu'un Tuhan alaa' Éh tai seruga, ngan pu'un avun mekep Éh jin ta'an réh.

ÉPESUS 1:20

jalan iah pebetéé' Kristus jin patai Néh, ngan ngajung Iah saa' na'au' Néh tong seruga.

PILIPI 3:14

Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 6:20

Yésus lepah masek sinah saa' tenah jin uleu', ngan Iah éh Imam éh pengeja'au kekat imam éh pelinguh barei' Imam Melkisedek.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.