LUKAS 9:50 - Rengah Jian

⁵⁰ Ha' Yésus ngan néh, Mai keh meta' éh, uban kelunan séé'-séé' éh bé' ngelawan keh, inah éh seleket bakéh keh, ha' Néh.

LUKAS 9:50 Iomraidhean Croise

MATIUS 12:30

Ha' Yésus kepéh, Kelunan éh bé' ngebakéh Akeu', seleket néh ayau Ké'. Kelunan éh bé' nolong Akeu' pitah kelunan éh tawang, seleket néh pepurat réh awah.

MATIUS 17:24

Hun Yésus ngan irah bakéh néh avéé' tong Kapernaum, kelunan éh alaa' sukai tuai tavin Péterus. Ka' ha' réh ngan néh, Kineu' guru ko', pu'un éh mena' sin barei' éh nena' uleu' Yahudi ke' réh petenup ineu'-ineu' éh juk penakai lu' tong Umaa' Allah, ha' réh.

MATIUS 17:26

Ha' Péterus mipa éh, Tekep irah éh tuai jin tana' éh jah mena' éh, ha' néh. La'ah ha' Yésus ngan néh, Hun néh kenat bé' tusah irah éh pohoo' tong tana' inah mena' éh.

MARKUS 9:38

La'ah ka' ha' Yohanes ngan Yésus, O Guru, pu'un améé' na'at kelunan bet balei' dalem ngaran ko' rih de' ngan pu'un mé' meta' éh, bé' mé' buhaa' éh maneu' éh kenat uban bé' iah kivu uleu', ha' néh.

MARKUS 9:41

La'ah Akeu' bara' mu'un ngan keh, kelunan séé'-séé' péh éh na' keh mesep baa' uban keh ngelan tong Akeu', na' péh éh baa' awa' awah, adang kelunan inah pu'un alaa' oléé' néh kepéh, ha' Néh ngan réh.

LUKAS 11:23

La'ah kelunan éh bé' ngebakéh akeu' seleket néh ayau ké'. Kelunan éh bé' pu'un nolong Akeu' pitah kelunan éh tawang, seleket néh pepurat réh awah, ha' Yésus ngan réh.

LUKAS 16:13

Jah usah bé' omok kivu sohoo' duah kelunan, adang iah leko tong éh keruwah nah ngan murung tong jah nah awah, ngan kivu sohoo' iah éh jah nah, ngan bet sohoo' éh keruwah nah. Bé' ka'ah omok kivu Allah hun pengeja'au kenin keh tong rigit awah, ha' Yésus ngan réh.

1 KORINTUS 12:3

Kelunan éh pu'un Sahéé' Allah, bé' Sahéé' inah mihin éh menoo' Yésus. Ngan bé' pu'un jah usah éh omok bara', Yésus éh Tuhan ké', hun néh bé' najak Sahéé' Allah.