LUKAS 9:5 - Rengah Jian

⁵ Hun keh lakau tong leboo' semah-semah péh hun réh bé' keloo' alaa' keh, piso keh jin leboo' inah. Hun keh piso, nepaga' agaa' tana' éh nyalit tong gem keh, seleket ha' keh bara', Ka'ah ke' tagong penyala' keh, seleket keh pané kenat ngan réh, ha' Néh.

LUKAS 9:5 Iomraidhean Croise

MATIUS 10:18

Adang réh pu'un mihin keh tai besara' tong jumen raja' ngan pengeja'au uban keh ngelan tong Akeu', inah éh dokoo' keh omok bara' Rengah Jian ngan irah kepéh, kenat péh ngan irah éh tengéé' pohoo' jin irah Yahudi.

MARKUS 6:11

Semah leboo' éh bé' keloo' alaa' ka'ah, ngan bé' keloo' menéng ha' keh, hun keh lakau' jin sinah, nepaga' agaa' tana' éh nyalit tong gem keh, seleket ha' keh bara' ngan réh, ka'ah ke' tagong ukum ka'ah da'.

MARKUS 9:37

Séé' éh alaa' anak si'ik barei' iteu' dalem ngaran Ké', iah péh alaa' Akeu', ngan séé'-séé' éh alaa' Akeu', iah péh pu'un alaa' Iah éh nyohoo' Akeu' tuai rai, ha' Néh.

LUKAS 10:16

Ka' ha' Yésus kepéh ngan irah éh bakéh Néh, séé'-séé' éh mihau ha' keh, inah irah mihau ha' Ké' kepéh. Séé'-séé' éh bet ka'ah inah irah bet Akeu' kepéh, séé'-séé' éh bet Akeu' inah irah bet Iah éh nyohoo' Akeu' tuai, ha' Néh ngan réh.

LUKAS 5:14

La'ah Yésus meta' éh, ka' ha' Néh, Mai ke' bara' tong Akeu' éh peka'o ke' nah ngan séé'-séé' péh, bang jian ke' pelapah tai tavin imam tong sebayang Yahudi ke' néh na'at usah ko' pu'un ma'o. La'o inah ko' mena' pengena' ko' ngan néh barei' sohoo' Tuhan ngan Musa tong kelunan éh barei' kesakit ko' nah, dokoo' kekat kelunan omok jam ka'au' pu'un ma'o jin kesakit ko' nah, ha' Yésus.

LUKAS 9:4

Semah irah éh alaa' keh ngan jian kenin, tong lamin kelunan inah keh mokoo' pah avéé' hun keh piso jin sinah kepéh.

LUKAS 9:48

La'ah ha' Néh ngan réh, séé'-séé' éh alaa' anak kenat lem ngaran Ké', inah iah alaa' Akeu', ngan séé'-séé' éh alaa' Akeu', inah iah alaa' Iah éh nyohoo' Akeu' tuai. Kenat péh séé'-séé' éh ra' belah ka'ah, iah ke' éh ja'au mu'un belah keh kepéh, ha' Néh ngan réh.

PENGANEU' LAWAH 13:51

Boh roh nepaga' agaa' tana' jin gem roh, seleket roh bara', irah bé' keloo' alaa' ha' tebaraa' roh. Lakau roh kepéh tai leboo' Ikonium.

PENGANEU' LAWAH 18:6

Bang hun irah ngelawan ngan pané ngesa'at ngaran néh, pu'un éh nepaga' agaa' tana' jin pakai néh ke' néh maneu' irah ke'. Ka' ha' néh, Hun keh tawang, neu' kenin ka'ah ke' ka'ah tawang, bé' éh keneloo' ké' kenat. Hun iteu' akeu' juk tai nebaraa' kelunan éh tengéé' pohoo' kepéh, ha' néh.