LUKAS 9:41 - Rengah Jian

⁴¹ Ha' Yésus mipa éh, Ka'ah kelunan éh mahéng kenin ngan bé' ngelan, kuraa' kelebéé' la'ah Akeu' mokoo' ngan keh da' boh keh omok ngelan? Kuraa' kelebéé' la'ah Akeu' kebit kenin ngan keh, ha' Néh. Boh Éh pané ngan lakei' inah nyohoo' éh mihin anak néh tuai.

LUKAS 9:41 Iomraidhean Croise

MATIUS 11:28

Tuai tavin Akeu' kekat ka'ah éh mutau bii' bahat, Akeu' omok bet éh bahat nebii' keh nah.

MATIUS 12:39

Ha' Yésus kepéh, Sa'at mu'un pohoo' kelunan iteu', bé' réh petem lem pengelan réh tong Tuhan. Pu'un keh nyohoo' Akeu' maneu' jah telana' ja'au, bé' Akeu' maneu' éh dat. Jah awah telana' éh ja'au éh omok ta'an keh éh barei' tong nabi Yunus sahau rai.

MATIUS 12:45

Boh éh mihin tujuu' balei' éh jah kepéh éh pelapah sa'at jin iah ke' néh alaa' réh mokoo' ngan néh tong lamin inah. La'ah kelunan éh jalan balei' inah, ga' néh pelapah sa'at jin bu'un néh ri'. Barei' inah péh tong pohoo' kelunan éh sa'at éh pu'un hun iteu', ga' réh pelapah sa'at jin bu'un réh, ha' Yésus ngan réh.

MATIUS 16:4

Sa'at mu'un kelunan éh murip hun iteu', bé' réh ngelan tong Tuhan. Ka'ah nyohoo' Akeu' maneu' jah telana' ja'au, bé' Akeu' maneu' éh dat. Jah awah telana' ngan ka'ah, inah éh telana' tong Nabi Yunus, ha' néh. La'o inah Iah piso jin réh.

MATIUS 17:17

Ha' Yésus mipa éh O ka'ah kelunan éh bé' ngelan ngan tawang! Kuraa' kelebéé la'ah Akeu mokoo' ngan keh? Kuraa' kelebéé la'ah Akeu' kebit kenin ngan keh? Jian keh mihin anak inah siteu', ha néh.

MATIUS 23:36

Akeu' bara' ngan keh, Ukum éh tekep teneng tong kekat irah éh mematai réh inah, ukum inah juk teneng tong kekat ka'ah éh murip hun iteu' kepéh, ha' Yésus ngan réh.

MATIUS 3:7

Bang hun Yohanes na'at kelunan pinaa' éh kivu adet Parisi ngan irah éh kivu adet Saduki tuai ke' réh menyat éh ngebatis réh, boh éh tioo pané ngan réh, ka' ha' néh, Ka'ah pohoo' torok, séé' éh bara' keh omok kelap jin kemerek Allah éh juk teneng tong keh nah.

MARKUS 10:14

Hun Yésus jam réh meta' kelunan mihin anak si'ik tavin Éh, merek Éh ngan réh, ka' ha' Néh, Mai keh meta' anak si'ik tuai tavin Akeu', uban kelunan séé'-séé' éh barei' anak si'ik inah, inah éh kelunan éh pu'un lem nihau Allah.

MARKUS 10:49

La'ah Yésus nyohoo' réh tebai éh, ka' ha' Kéh, Tai keh tebai éh tuai, ha' Néh. Boh réh tebai éh, ka' ha' réh, Dawai deke' ke', mai ke' tusah, betéé' ke', pu'un Yésus tebai ke' rit, ha' réh.

MARKUS 9:19

La'ah ka' ha' Yésus ngan réh, O Ka'ah kelunan éh bé' ngelan, kuraa' kelebéé' la'ah Ku' mokoo' ngan keh da' boh keh omok ngelan. Kuraa' kelebéé' la'ah Ku' kebit kenin ngan keh. Ko' mihin anak inah tuai siteu', ha' Néh.

LUKAS 8:25

Ha' Yésus ngan irah éh bakéh Néh nah kepéh, Kineu' keh kenat bé' ngelan, ha' Néh. Hun irah bakéh Néh na'at kepu ngan lipak nah lepah ma'o, béé kenin réh medai réh. Boh réh pané belah irah ke', ha' réh, Kineu' kelunan iteu' ke' néh omok pané ngan kepu ngan lipak ke' néh pu'un kivu sohoo' néh kenat, ha' réh.

LUKAS 9:40

Akeu' nyohoo' irah éh bakéh ko' nah mega' éh rit, bang bé' réh omok, ha' lakei' inah.

LUKAS 9:42

Tovoo' anak inah tuai, inah balei' nah nguba' éh kepéh ke' néh ngebura' ujun. Pelapah Yésus meta' balei' nah ngan Iah peka'o anak inah ke' Néh mena' anak inah ngan tamen néh kepéh.

YOHANES 14:9

Ka' ha' Yésus mipa éh, Pilipus, lebéé' tenéh Akeu' pu'un mokoo' ngan keh bé' jak keh jam Akeu' kei? Séé'-séé' éh lepah na'at Akeu', iah lepah na'at Tamen Ké' kepéh, hun néh kenat kineu' keh nyohoo' Akeu' pepoléng Tamen Ké' ngan keh.

YOHANES 20:27

Ka' ha' Néh ngan Tomas, Jian ke' na'at ojoo' Ké' ngan masek buaa' ojoo' ko' tong suhat ojoo' Ké' ngan masek ojoo' ko' tong suhat tegahang Ké' iteu'. Mai ke' putui pengelan, jian ke' ngelan, ha' Néh.

PENGANEU' LAWAH 13:18

La'ah kelebéé' réh lakau tong tana' pegawa nah pat poloo' ta'un, pu'un Éh mihau réh ngan kebit kenin.

PENGANEU' LAWAH 2:40

La'ah pinaa' ha' tebaraa' éh jah éh benara' Péterus ngan réh, ka' ha' néh, kelap keh jin ukum éh juk avéé' tong pohoo' kelunan éh sa'at nah, ha' néh.

SURAT PAULUS NGAN SIDANG RUM 2:4

Kineu', leko ke' tong penika néh éh ja'au ngan pengasi néh ngan tong néh kebit kenin ngan ko'? Kineu', nebet ko' awah penika Néh? Bé' ke' jam uban Allah pika ke' inah Iah juk mihin ke' moléé' kenin kepéh?

IBRANI 3:19

Hun iteu' uleu' jam irah bé' omok masek tong tana' inah, uban réh bé' keloo' ngelan tong Allah.

IBRANI 4:11

Uban kenat Jian lu' mekat pitah dokoo' lu' omok alaa' posot éh pejajii' Allah mai pu'un séé'-séé' péh jin belah lu' mepai awah barei' irah sahau, uban réh bé' ngelan tong Allah.

IBRANI 4:2

Uban pu'un lu' lepah menéng Rengah Jian éh benara' ngan lu', barei' irah éh kivu Musa nah. Irah menéng ha' inah, bang Rengah inah bé' pu'un gunah tong réh, uban tovoo' réh menéng éh bé' irah ngelan tong jajii' Allah inah.

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.