LUKAS 9:30 - Rengah Jian

³⁰ Tioo pu'un duah usah pané ngan Néh, inah éh Musa ngan Elia, rawah inah lepah matai

LUKAS 9:30 Iomraidhean Croise

LUKAS 1:17

Iah juk lawah Tuhan, gahang éh neu' penyukat Sahéé' Ni'ai barei' Elia éh nabi Tuhan sahau. Iah juk pepemung irah tamen ngan anak réh. Ngan kelunan éh bé' kivu sohoo' Tuhan, iah juk mihin réh seruh kepéh tong kekat éh teneng. Neu' kereja' néh kenat, inah éh maneu' kenin kelunan éh kevéléé' Tuhan omok petenup kenin ngan Tuhan, ha' meliket inah ngan Zakharia.

LUKAS 24:27

Boh Yésus nebaraa' roh tong kekat ha' lem surat Allah éh bara' tong usah Néh, éh bu'un Néh bara' éh jin ha' lem Surat Musa, pah avéé' tong kekat surat irah nabi Tuhan.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

LUKAS 9:19

Ha' réh mipa Éh, Ha' jelua' réh bara' ke' Yohanes Batis, pu'un jelua' réh bara' ke' kepéh, Elia, ngan pu'un jelua' kepéh éh bara' ke', jah nabi, murip kepéh, ha' réh mipa Éh.

LUKAS 9:29

Lem Néh sebayang, paléu layan da'in Yésus, ngan kekat pakai Néh mebéng ngilap.

LUKAS 9:31

ngan poléng kepéh dalem kekat pengejian roh. Inah rawah pané ngan Yésus seruh tong pematai Néh tong leboo' Yérusalem kivu pengeloo' Allah nah.

YOHANES 1:17

Kekat sohoo' lem Surat Musa pu'un éh tuai jin Musa, bang penika Néh ngan pengeteneng Néh, inah éh tuai jin Yésus Kristus.