LUKAS 9:3 - Rengah Jian

³ Ka' ha' Néh ngan réh, Mai keh mihin ineu'-ineu' lem pengelakau keh da', mai mihin sekot, mai mihin gaweng éh jalan keh menyat belunan, mai mihin penguman, mai mihin rigit, mai mihin kerayung keh duah.

LUKAS 9:3 Iomraidhean Croise

MARKUS 6:7

Lakau Yésus tai siget leboo' sinah ke' néh nebaraa' réh. La'ah Iah tebai irah bakéh néh jah poloo' duah usah nah, ke' néh nyohoo' réh lakau peduah duah usah. Iah mena' penyukat néh ngan réh, ke' réh omok bet sahéé' sa'at.

LUKAS 12:22

La'o inah Yésus pané ngan irah éh bakéh Néh, ka' ha' Néh, Uban néh kenat Akeu' bara' ngan keh, mai keh besau kenin seruh tong penguman keh, jin semah keh omok alaa' éh sukup siget-siget dau. Kenat péh tong pakai keh, mai keh tusah seruh jin semah keh omok alaa' pakai keh.

LUKAS 12:28

Allah éh suai layan busak inah pu'un jian, na' péh éh metok awah murip, ngan la'o inah nebet réh éh dalem luten. Hun néh kenat kineu', bé' Allah keloo' mena' pakai ngan keh kei. Kurang mu'un pengelan keh.

LUKAS 22:35

La'ah Yésus neteng irah éh bakéh Néh, ha' Néh, Kineu' keteleu', hun Ké' nyohoo' keh lakau sahau rai hun Ké' meta' keh mihin gaweng ngan rigit ngan kasut ngan bék keh rai kineu', pu'un ineu'-ineu' éh bé' sukup ngan keh, ha' Néh. Ha' irah bakéh Néh, Bé', hun irai kekat néh béé pu'un éh sukup, ha' réh.

LUKAS 3:11

Ha' Yohanes ngan réh kepéh, Kelunan éh pu'un duah kerayung, jian éh mena' jah ngan kelunan éh bé' pu'un kerayung, kenat péh kelunan éh pu'un ka'an, jian éh petulat ka'an inah ngan irah éh bé' pu'un ka'an, ha' néh.

LUKAS 5:29

La'o inah Lewi maneu' ka'an ja'au ke' néh ngajung Yésus. Pinaa' kelunan tong lamin néh éh kereja' alaa' sukai, irah inah ngan kelunan éh jah kepéh menyun kuman ngan Yésus.

LUKAS 9:4

Semah irah éh alaa' keh ngan jian kenin, tong lamin kelunan inah keh mokoo' pah avéé' hun keh piso jin sinah kepéh.

2 TIMOTIUS 2:4

Kelunan seradu adang néh ngepayoo' kenin pengeja'au néh, bé' iah bubuu' seruh maneu' kereja' kelunan éh jah.