LUKAS 9:26 - Rengah Jian

²⁶ Uban kelunan séé'-séé' éh leko tong Akeu' ngan leko tong ha' tebaraa' Ké', Anak Kelunan leko tong iah sioo' savéé' Néh tuai kepéh dalem kekat pengaren Tamen Néh ngan pengaren meliket Néh péh.

LUKAS 9:26 Iomraidhean Croise

MATIUS 16:27

Uban Anak Kelunan juk tuai lem kekat pengaren Tamen Néh ngan meliket Néh, ngan mena' oléé' siget usah pekua' barei' penganeu' réh tong tana'.

MATIUS 25:31

Ha' Yésus kepéh, Hun Anak Kelunan tuai Raja' pemung ngan meliket Allah, boh Iah menyun tong nyun raja' dokoo' néh ngukum kekat kelunan.

MATIUS 26:64

Ha' Yésus mipa éh, Kenat néh éh. Bang inah Akeu' bara' ngan kekat ka'ah béé, jin la'o iteu' ka'ah pu'un na'at Anak Kelunan mokoo' saa' na'au' Allah éh Ja'au Penyukat ngan na'at éh kepéh hun néh tuai lem avun jin seruga, ha' néh.

MARKUS 8:38

Uban kelunan éh medai bara' tong pengelan tong Akeu' ngan tong ha' tebaraa' Ké', Anak Kelunan péh menyaa' tong kelunan inah, tovoo' Néh tuai kepéh dalem kekat pengaren Tamen Néh pemung ngan meliket Néh éh ni'ai, ha' Yésus ngan réh.

YOHANES 12:43

Irah keloo' kelunan ngajung réh, pelapah ja'au jin kenajung Allah.

YOHANES 5:44

Ka'ah keloo' kenajung kelunan awah, bé' keh keloo' kenajung Allah. Hun néh kenat, kineu' jalan keh omok ngelan tong Akeu', adang keh bé' omok.

PENGANEU' LAWAH 10:22

Ka' ha' réh mipa éh, Pu'un mé' tuai sohoo' Kornelius éh pengeja'au mé' Kornelius nah iah jah kelunan éh jian ngan éh seva' Allah ngan éh senepah kekat kelunan Yahudi. Pu'un jah meliket Tuhan nyohoo' éh tebai ke' tai lamin néh, ke' néh omok menéng ineu'-ineu' éh juk benara' ko' ngan néh, ha' réh ngan Péterus.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

2 KORINTUS 12:10

La'ah uban pengelan ké' tong Kristus, omok ku' murung kenin dalem kekat pengelemoo' usah ké', kenat péh hun kelunan ngesa'at ku', kenat péh dalem kekat penusah ngan pengeketa ngan pengekurang ké', uban hun ké' lemoo', tovoo' inah péh ku' pu'un gahang kepéh.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.

1 TIMOTIUS 5:21

La'ah tong jumen Allah ngan Kristus Yésus ngan kekat meliket néh éh ni'ai, akeu' nyohoo' ke' kivu kekat sohoo' ké' inah, ngan mai ke' ngevéléé'-véléé' ngan netah kenin tong kelunan.

2 TIMOTIUS 1:12

La'ah kenat péh akeu' sioo' keta dalem kekat penganeu' ké' iteu'. Na' péh kenat bé' akeu' menyaa', uban ké' jam Iah éh kepelum ké' ngan akeu' jam Iah pu'un penyukat omok mihau kekat éh lepah nena' néh ngan ké', pah avéé' pengega' dau.

2 TIMOTIUS 2:12

Hun uleu' omok ngeretep dalem pengeketa, omok lu' pengeja'au pemung ngan Néh kepéh. Hun lu' ngaken bara' lu' bé' jam Iah, Iah péh ngaken kepéh bara' Iah bé' jam uleu'.

IBRANI 11:26

Musa peseruh pelapah jian iah teneng keta uban Kristus jin hun néh alaa' kekat pengekaya' tong tana' Mesir, uban Musa ngelan tong éh pejajii' Tuhan tong jaka' éh temurei' kepéh.

IBRANI 13:13

Uban néh kenat jian uleu' tai tavin Éh saa' usit lamin inah dokoo' lu' masek lem pengemenyaa' pemung ngan Néh.

YUDAS 1:14

Henokh jin puku' éh ketujuu' la'o Adam rai. Iah lepah bara' tong irah inah, ka' ha' néh, Na'at, Tuhan tuai pemung ngan kuraa'-kuraa' ibu meliket Néh éh ni'ai.

ÉH POLÉNG 1:7

Na'at keh, pu'un Éh tuai lem avun. Adang kekat kelunan pu'un na'at Éh, pah avéé' irah éh muja' Éh rai péh pu'un na'at Éh. Pinaa' arong kelunan pah tipo tana' besau kenin na'at savéé' Néh. Oo' adang néh pu'un kenat! Amin.

ÉH POLÉNG 20:11

La'ah akeu' na'at jah nyun ja'au éh mebéng ngan Iah éh menyun tong néh. Langit ngan tana' piso jin jumen Néh, avéé' néh bé' poléng la'ah.

ÉH POLÉNG 21:8

Bang kekat kelunan éh medai, éh bé' ngelan, irah éh maneu' barék éh segit, irah éh mematai kelunan, irah éh petuyang, irah éh pakai limu', irah éh seva' butun ngan kekat irah éh kenyo, adang nebet lem bawang luten ngan éh letéé' éh pana mu'un éh mahang ngelayau, inah éh pematai éh keruwah koléé'.

ÉH POLÉNG 3:5

Irah éh nyopéé' kekat arong kesa'at omok réh alaa' pakai éh mebéng ngan bé' Akeu' bet ngaran réh jin surat ngaran irah éh pu'un urip maréng. Tong jumen Tamen ké' ngan kekat meliket Néh Akeu' juk ngakun mu'un irah éh anah ké' ha' Néh.