LUKAS 9:22 - Rengah Jian

²² La'ah ha' Néh ngan réh, Adang Anak Kelunan jam keta mu'un neu' irah Kemiti Yahudi, ngan irah pengeja'au imam ngan neu' irah guru éh nebaraa' tong sohoo' lem Surat Musa, kekat réh béé juk mematai Éh. Bang tong keteleu' dau Tuhan juk pebetéé' Iah kepéh, ha' Néh.

LUKAS 9:22 Iomraidhean Croise

MATIUS 17:12

Bang inah Akeu' bara' ngan keh, Pu'un Elia lepah avéé' tenéh, bang bé' réh jam éh, irah maneu' éh kivu kenin réh tengéé'. Barei' inah kepéh irah juk maneu' Anak Kelunan, ha' néh.

MATIUS 17:22

Hun irah bakéh Yésus pu'un pemung kepéh tong tana' Galilia, ka' ha' Yésus ngan réh, Hun iteu' danii' mu'un jaka' kelunan juk mena' Anak Kelunan ngan irah éh maneu' éh,

MATIUS 27:63

ka' ha' réh, O lakei' ja'au, tesen mé' tong ha' lakei' éh kenyo nah hun néh murip keto rai de', ka' ha' néh, La'o teleu' dau Allah juk purip ku' kepéh, ha' néh, ha' réh ngan Pilatus.

MARKUS 8:31

La'o inah boh Yésus nebaraa' irah bakéh Néh tong kekat pengeketa éh juk teneng tong Iah, ka' ha' Néh, Adang Anak Kelunan teneng tong kuraa'-kuraa' pengeketa, la'ah kekat irah pengeja'au irah Yahudi ngan irah pengeja'au imam, ngan irah guru éh nebaraa' tong Surat Musa, adang réh pu'un maneu' éh, pah avéé' réh mematai éh, ngan la'o teleu' dau adang Iah pu'un betéé' murip kepéh, ha' Néh.

MARKUS 9:31

uban Néh to nebaraa' irah bakéh Néh awah. Ka' ha' Néh ngan réh, Adang Anak Kelunan nena' lem kamit kelunan éh jah ke' réh mematai éh, la'ah la'o teleu' dau réh mematai Éh kenat, Tuhan pu'un pebetéé' Éh jin patai, ha' Néh ngan réh.

LUKAS 17:25

bang teka inah pu'un, adang Iah pinaa' arong pengeketa jak ngan nebet irah éh pohoo' Néh éh pu'un lem pengurip Néh iteu'.

LUKAS 24:26

Kineu' éh seneruh ka'ah, bé' éh tekep Kristus jam keta ngan alaa' pengejian Néh kepéh, ha' Yésus.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

LUKAS 24:7

ka' ha' Néh rai de', Anak Kelunan nena' réh lem kamit kelunan éh sa'at dokoo' réh mematai Éh tong kayeu' salib, ngan tong keteleu' dau adang Iah betéé' ngan murip kepéh, ha' Néh ngan keh lepah rai de', ha' roh ngan réh.

LUKAS 9:44

Jian keh mihau tong ha' éh juk benara' Ké' teu' da', inah éh, adang réh pu'un mena' Anak Kelunan lem kamit kelunan, ha' Néh.

1 KORINTUS 15:4

La'ah Iah tenanem réh ngan tong keteleu' dau Allah pebetéé' Iah jin patai Néh kepéh, pekua' éh senurat tong Iah lem surat Allah.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.