LUKAS 9:19 - Rengah Jian

¹⁹ Ha' réh mipa Éh, Ha' jelua' réh bara' ke' Yohanes Batis, pu'un jelua' réh bara' ke' kepéh, Elia, ngan pu'un jelua' kepéh éh bara' ke', jah nabi, murip kepéh, ha' réh mipa Éh.

LUKAS 9:19 Iomraidhean Croise

MATIUS 14:2

La'ah Herodis nah pané ngan irah éh pu'un ngan néh, ka' ha' néh, Yésus nah éh mu'un néh Yohanes Batis betéé' jin patai néh éh, nah ke' néh pu'un penyukat omok maneu' kekat telana' inah, ha' néh.

MATIUS 3:1

Tovoo' inah Yohanes Batis nebaraa' kelunan tong ahang tana' tong tana' Yudea.

MARKUS 6:14

La'ah raja' Herodis lepah menéng rengah tong kekat penganeu' Yésus nah, uban semah-semah réh tai, pu'un réh bara' tong kekat penganeu' Néh. La'ah pu'un jelua' kelunan bara' Yésus nah, Yohanes Batis éh penatai réh rai, betéé' murip kepéh éh kurah, nah ke' néh pu'un penyukat omok maneu' kekat inah, ha' réh.

MARKUS 6:15

Ha' jelua' réh kepéh, Elia énéh de', ha' réh. Pu'un Jelua' réh bara'. Iah inah Nabi barei' jah jin belah irah Nabi sahau rai ine' ha' réh.

LUKAS 9:18

La'ah jah koléé' kepéh tovoo' Yésus sebayang tengéé', inah irah éh bakéh Néh tuai tavin Éh. La'ah ka' ha' Yésus ngan réh, séé' Ku' kunah kelunan pinaa', ha' Néh.

LUKAS 9:20

Iah neteng réh de' ke' kepéh, Bang kineu' ha' ka'ah iteu', séé' Ku' kunah ka'ah, ha' Néh. Ha' Péterus mipa Éh, Ka'au' éh Kristus éh pejajii' Allah, ha' néh.

YOHANES 1:21

Ka' ha' réh neteng éh kepéh, Né' kenat éh, séé' ke', kineu' Elia ke' néh, ha' réh. Bé', ha' Yohanes. Ha' irah kepéh, Kineu' ke', barang ka'au' péh Nabi, ha' réh. Bé', ha' néh.

YOHANES 1:25

ka' ha' réh neteng Yohanes, Hun ko' bé' Kristus, ngan bé' Elia, ngan bé' Nabi éh pejajii' Allah, kineu' ke' omok ngebatis kelunan nah, ha' réh.

YOHANES 7:40

Jelua' kelunan jin irah pinaa' nah éh menéng ha' Yésus pané kenat, pu'un réh bara' ka', Adang kelunan iteu' Iah éh Nabi éh pejajii' Tuhan rai, ha' réh.

YOHANES 9:17

Boh irah Parisi neteng kelunan inah jah koléé' kepéh, ka' ha' réh, Pu'un ke' bara' kelunan inah pu'un peka'o maten ko' rai, hun néh kenat séé' énéh kunah ko', ha' réh. Ka' ha' néh mipa réh, Akeu' seruh Iah Nabi, ha' néh.