LUKAS 9:11 - Rengah Jian

¹¹ Hun kelunan pinaa' nah jam réh tai sinah, inah irah kivu éh tai sinah kepéh. Inah Yésus alaa' kelunan pinaa' nah ngan jian kenin ngan Iah bara' tong jalan Allah pu'un Pengeja'au, la'o inah boh Yésus peka'o kelunan éh sakit.

LUKAS 9:11 Iomraidhean Croise

MATIUS 12:15

Hun Yésus jam irah juk mematai éh, piso éh jin sinah. Pinaa' kelunan kivu éh. Pu'un éh peka'o kekat kelunan éh sakit,

MATIUS 14:14

Musit Yésus jin alut ngan hun Iah na'at kelunan pinaa' nah, penika néh réh, Iah peka'o kelunan éh sakit.

MATIUS 21:31

La'ah ha' Yésus neteng réh, séé' jin rawah anak iteu' éh kivu sohoo' tamen roh, ha' néh. Ha' réh mipa éh, Anak néh tuken, ha' réh. La'ah ha' Yésus, Kelunan éh alaa' sukai ngan irah redo éh petuyang, irah inah éh pu'un tai lem nihau Allah saa' tenah jin ka'ah.

MATIUS 21:43

Ha' Yésus kepéh, Ka'ah éh kevéléé' Allah dokoo' keh pu'un lem nihau Allah, bang bé' keh omok tai lem nihau néh. Iah juk bet keh awah ngan alaa' kelunan éh jah kepéh lem nihau néh ke' réh ngebuaa' ngan buaa' éh jian.

LUKAS 1:53

Kelunan éh la'au' lem kenin ngan pitah Tuhan pu'un Tuhan mena' kuraa'-kuraa' arong penguman ngan réh. Bang kelunan kaya' éh bé' nesen éh pu'un pengekurang, Tuhan nyohoo' réh moléé' usan awah.

LUKAS 5:31

Ha' Yésus mipa réh, Kelunan éh bé' sakit, bé' éh tai tavin kelunan éh nawan, bang kelunan éh sakit éh tai.

LUKAS 8:1

Lebéé' si'ik la'o inah Yésus lakau tai kuraa' leboo' ja'au ngan leboo' éh jah kepéh, ke' néh bara' Rengah Jian tong jalan Allah pu'un Pengeja'au. Irah éh bakéh Néh éh jah poloo' duah usah nah, irah péh pu'un kivu Éh,

LUKAS 8:10

Ka' ha' Néh mipa réh, Ka'ah iteu' pu'un keh jam tong kekat éh lepah pelim rai, inah éh tong jalan Allah éh Pengeja'au, uban Tuhan mena' pengejam Néh ngan keh. Bang tong kelunan pinaa' éh bé' ngelan mu'un, inah Akeu' nebaraa' réh palaa' ha' tapan, dokoo' irah éh pu'un na'at bé' pu'un ineu' éh ta'an réh, ngan irah éh ngenéné', bé' réh nesen ineu' éh nenéng réh, ha' Néh.

LUKAS 9:10

Moléé' lah irah lawah Yésus éh sohoo' Néh lakau nah, bara' kekat rengah ngan éh penganeu' réh tong pengelakau réh ngan Yésus. Boh Yésus mihin kekat irah inah tai tana' déhéé' leboo' Betsaida.

LUKAS 9:12

Sioo' dau tahup inah, irah éh bakéh Yésus nah tuai tavin Éh ke' réh nyohoo' Éh nyohoo' kelunan pinaa' nah tai mokoo' ngan kuman ngan irah tong leboo', kenat péh ngan irah tong térék éh danii'-danii' sinah. Ka' ha' réh ngan Néh, Bé' pu'un ineu'-ineu' siteu' jalan réh omok pitah penguman réh, ha' irah.

LUKAS 9:2

La'o inah Iah nyohoo' réh tai bara' tong jalan Allah pu'un Pengeja'au, ngan nyohoo' réh peka'o kelunan éh sakit.

YOHANES 4:34

La'ah ka' ha' Yésus ngan réh, Penguman éh kunah Ké' nah, inah éh hun Ké' kivu pengeloo' Iah éh nyohoo' Akeu' tuai, ngan hun Ké' ngelapuh kekat kereja' éh sohoo' Néh ngan Ké', ha' Néh.

YOHANES 6:37

Siget kelunan éh nena' Tamen Ké' ngan Ké', adang néh pu'un tuai tavin Akeu', ngan séé'-séé' éh tuai tavin Akeu', bé' Akeu' bet éh.

PENGANEU' LAWAH 28:31

pu'un éh nebaraa' réh tong Pengihau Allah ngan tong Tuhan Yésus Kristus. Iah pané ngan makang kenin ngan bé' pu'un séé' éh meta' éh.

SURAT PAULUS NGAN SIDANG RUM 10:14

Kineu' réh omok menyat pika jin Tuhan da' né' bé' réh jak ngelan tong Iah. Kineu' réh omok ngelan da' né', bé' réh sakui menéng ha' tebaraa' Tuhan? Kineu' réh omok menéng ha' tebaraa' Néh nah da' né' bé' pu'un kelunan bara' éh ngan réh.

SURAT PAULUS NGAN SIDANG RUM 10:17

Hun kelunan menéng ha' tebaraa' Tuhan, boh réh omok ngelan, inah éh hun lu' bara' Rengah Jian tong Kristus ngan réh.

SURAT PAULUS NGAN SIDANG RUM 15:3

Uban Kristus bé' éh maneu' éh omok ngejian kenin Néh tengéé', barei' jah ha' lem surat Allah éh bara' ka', La'ah pu'un kelunan merek ngan keh, rek réh inah pu'un éh teneng tong Akeu', kenat ha' lem surat Allah.

2 TIMOTIUS 4:2

jian ke' bara' ha' tebaraa' Tuhan, mai ke' bé' bara' éh, kenat péh tovoo' sioo' jian, kenat péh tovoo' sioo' sa'at péh, dokoo' ko' mihin réh jam tong penyala' réh. Jian ke' petena' réh ngan ngereken kenin réh, jian ke' nebaraa' réh ngan dawai kenin ngan kebit kenin.

IBRANI 4:16

Uban néh kenat mai lu' medai bang jian lu' tai tavin Allah ke' Néh omok pika lu'. Hun lu' tavin Éh adang Néh masi lu' lem kekat pengekurang lu' ngan pika ngan nolong lu' siget koléé' lu' teneng penusah.