LUKAS 9:1 - Rengah Jian

¹ La'ah Yésus tebai irah éh bakéh Néh jah poloo' duah usah nah, ke' Néh nyohoo' réh mega' balei' ngan peka'o kelunan éh sakit péh, pekua' Iah péh omok mega' balei' ngan peka'o kelunan sakit.

LUKAS 9:1 Iomraidhean Croise

MATIUS 16:19

Akeu' mena' penyukat ngan ko' bau irah éh lem nihau ké'. Ineu'-ineu' éh bé' buhaa' ko' neu' kelunan tong tana' iteu', kenat péh éh tong seruga kepéh. Ngan ineu'-ineu' éh kejeraa' ko' neu' réh tong tana' iteu', kenat péh éh tong seruga kepéh, ha' néh.

MATIUS 4:24

La'ah rengah néh inah avéé' pah tipo tana' Siria, pu'un réh mihin kekat kelunan éh sakit tavin éh, irah éh pu'un pinaa' arong kesakit, ngan irah éh nasek balei', ngan irah éh tuleu' ngan irah éh matai keluhat péh, pu'un éh peka'o réh béé.

MATIUS 8:9

Uban akeu' péh kelunan éh kivu sohoo' pengeja'au ké' ngan pu'un irah seradu éh jah kepéh éh lem nihau ké'. Kenat péh hun ké' bara' ngan jah usah, Tai ke', tai ke' éh kenat. Hun ké' bara' ngan jah usah kepéh, Tuai ke', tuai ke' éh. Hun ké' bara' ngan ripen ké', ko' maneu' iteu', iah péh maneu' éh, ha' néh.

LUKAS 10:1

La'o inah Tuhan ngevéléé' tujuu' poloo' duah usah kepéh ke' Néh nyohoo' réh lakau peduah-duah usah tai tenah tong siget leboo' ngan tana' éh juk tenavin Nah ke' kepéh.

LUKAS 10:19

Seruh keh jian-jian, Akeu' nyohoo' keh nyaga' torok ngan duyung péh, kenat péh Akeu' nyohoo' keh nyopéé' ayau keh, inah éh Sitan. Jah ineu' péh bé' éh omok maneu' keh.

YOHANES 14:12

Akeu' bara' mu'un ngan keh, séé'-séé' éh ngelan tong Akeu', iah kepéh omok maneu' kekat penganeu' Ké' inah, éh mu'un néh, éh pelapah ja'au jin iteu' uban ké' juk moléé' tai Tamen Ké'.

PENGANEU' LAWAH 1:8

Bang hun keh alaa' Sahéé' Ni'ai boh keh pu'un penyukat, boh keh omok bara' Ku' ngan réh, kenat péh tong Yérusalem, kenat péh tutuh tana' Yudea ngan Samaria, pah avéé' tipo tana', ha' Néh.

PENGANEU' LAWAH 3:16

La'ah neu' penyukat lem ngaran Néh, inah éh maneu' lakei' inah pu'un gahang, la'ah éh ta'an keh hun iteu', pu'un mo maneu' éh neu' pengelan mo tong ngaran Yésus. Neu' pengelan mo tong Yésus, inah éh maneu' éh omok lakau pekua' éh ta'an keh nah, ha' Péterus.

PENGANEU' LAWAH 4:30

Jian Ke' pepoléng penyukat Ko' ngan peka'o kelunan sakit, ngan jian Ke' mena' penyukat Ko' ngan améé' dokoo' neu' ngaran Yésus éh Anak Ko' éh Ni'ai, omok améé' maneu' pinaa' arong penganeu' éh nojoo' penyukat Ko' ngan éh ngebéé kenin kelunan. Kenat ha' sebayang réh.

PENGANEU' LAWAH 9:34

La'ah ka' ha' Péterus ngan néh, O Aeneas, Yésus Kristus éh peka'o ke', betéé' ke', ko' melen mak ko' nah, ha' néh. Tioo betéé' lah éh.