LUKAS 8:8 - Rengah Jian

⁸ La'ah pu'un jelua' tulin pelohoo' tong tana' jian, éh tong tana' jian nah, nyekaa' éh pah avéé' néh ngebuaa', hun néh ngebuaa' kebit pungun parai nah ngan pinaa' buaa' néh kepéh. Kelunan éh pu'un kelingen, jian éh menéng éh mu'un, ha' Yésus ngan réh.

LUKAS 8:8 Iomraidhean Croise

MATIUS 11:15

Hun keh pu'un kelingen omok menéng, jian keh nesen ha' ké' iteu', ha' Yésus ngan réh.

MATIUS 13:23

Sin tong lo'ong éh pelohoo' tong tana' éh jian, inah éh barei' kelunan éh menéng rengah nah ngan nesen éh. Pu'un réh ngebuaa', jelua' réh pinaa' buaa' réh, jelua' réh kerat awah buaa' réh, jelua' réh kepéh, kerat mu'un buaa' réh. Kenat sin ha' tapan iri' ne', ha' néh.

MARKUS 4:20

Pu'un jelua' kelunan kepéh, barei' parai pelohoo' tong tana' éh jian nah. Uban hun réh menéng ha' tebaraa' inah, irah tioo alaa' éh ngan mihau éh mu'un lem lepok kenin réh. Barei' parai éh murip jian pah avéé' néh ngebuaa' ngan buaa' néh pinaa' mu'un nah. Jelua' parai bé' éh pinaa' buaa', jelua' pinaa' ke' éh. Pu'un kepéh éh matek pinaa' buaa'. Kenat sin ha' tapan iri ne', ha' Néh.

MARKUS 4:23

Hun keh pu'un kelingen omok menéng, jian keh menéng éh mu'un, ha' Néh.

MARKUS 4:8

Pu'un kepéh jelua' pelohoo' tong tana' éh jian, nyekaa' éh pah avéé' néh ngebuaa'. Hun néh ngebuaa' lah kebit pungun néh, ngan pinaa' buaa' néh, jian mu'un urip ngan buaa' parai inah.

MARKUS 7:16

Kelunan éh pu'un kelingen, jian éh menéng éh mu'un, ha' Néh.

LUKAS 14:35

Hun néh mabah kenat bé' pu'un gunah néh la'ah, bé' lu' omok pakai éh, bé' ke' lu' omok alaa' éh baja' pulah lu', nebet lu' awah éh. Kelunan éh pu'un kelingen tekep éh menéng, ha' Néh ngan réh.

LUKAS 8:15

Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

LUKAS 8:7

Pu'un jelua' tulin éh nurat néh pelohoo' tong suha', éh tong suha' nah, pu'un éh nyekaa' pesilang ngan suha' nah, sekaa' inah bé' omok jian, murip ngerising awah éh.

ÉPESUS 2:10

Uban uleu' éh senuai Allah, ngan murip petem lem Kristus Yésus, Iah suai lu' kelu' omok murip ngan maneu' kuraa'-kuraa' kereja' éh jian, éh lepah petenup Néh ngan lu'.

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

ÉH POLÉNG 13:9

Hun keh pu'un kelingen omok menéng, jian keh menéng éh mu'un.

ÉH POLÉNG 2:11

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan kekat sidang. Irah éh nyopéé' kekat arong kesa'at, bé' réh teneng pengeketa neu' pematai éh keruwah koléé'.

ÉH POLÉNG 2:7

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan kekat sidang. Kekat irah éh nyopéé' kekat arong kesa'at, Akeu' kejeraa' réh kuman buaa' éh purip kelunan éh pu'un tong pulah Allah.

ÉH POLÉNG 3:13

Hun ko' pu'un kelingen jian ke' menéng ineu' éh benara' Sahéé' Ni'ai ngan sidang!

ÉH POLÉNG 3:6

Hun ko' pu'un kelingen omok menéng, jian ke' menéng ineu' éh benara' Sahéé' Ni'ai ngan sidang!