LUKAS 8:50 - Rengah Jian

⁵⁰ Hun Yésus menéng ha' néh kenat, inah Yésus pané ngan Yérus, Mai ke' medai, hun ko' ngelan Akeu' boh anak ko' omok ma'o, ha' Néh.

LUKAS 8:50 Iomraidhean Croise

MARKUS 5:36

Bé' Yésus besau menéng ha' réh kenat, boh éh bara' ngan Yérus, ka' ha' néh, Mai ke' medai, jian ke' ngelan Akeu', ha' Néh.

MARKUS 9:23

Ka' ha' Yésus ngan néh Oo', omok maneu' éh kenat, Kelunan éh ngelan tong Allah omok éh maneu' ineu'-ineu' péh.

LUKAS 8:48

La'ah ha' Yésus ngan néh, Uban ko' ngelan Akeu' inah ko' pu'un ma'o, moléé' ke' ngan pawah kenin ko', ha' Néh ngan redo inah.

LUKAS 8:51

Inah irah lakau tai lamin Yérus nah, hun réh avéé' sitai, bé' Yésus kejeraa' kelunan pinaa' nah tai ngan Néh, bang Iah mihin Péterus ngan Yohanes ngan Yakub ngan tamen tinen anak inah awah tai ngan Néh.

YOHANES 11:25

Ka' ha' Yésus ngan néh kepéh, Akeu' éh pebetéé' ngan purip kelunan, séé'-séé' éh ngelan tong Akeu', na' péh éh matai, omok éh murip kepéh.

YOHANES 11:40

Ka' ha' Yésus ngan néh, Kineu', bé' Ku' pu'un bara' ngan ko' ri', hun ko' ngelan boh penyukat Allah omok poléng ngan ko', ha' Néh.

SURAT PAULUS NGAN SIDANG RUM 4:17

Kenat sin tong ha' lem surat Allah éh benara' Allah ngan Abraham, ka' éh, Pu'un Ku' maneu' ke' tepun kekat arong kelunan, ha' Néh. Jajii' inah pu'un petem ngan Abraham uban pengelan Abraham tong Allah. Allah inah, Allah éh omok purip kekat kelunan éh matai ngan Iah ke' éh Allah éh neu' ha' Néh awah, kekat éh bé' jak pu'un pesuai omok pesuai kepéh.

SURAT PAULUS NGAN SIDANG RUM 4:20

Bé' iah putui pengelan, bé' iah duah kenin, bang neu' pengelan néh tong Allah, usah néh mesoléé' gahang kepéh pu'un iah mejing Allah,