LUKAS 8:47 - Rengah Jian

⁴⁷ Hun redo inah jam Yésus jam éh, tuai éh ngejekuu' lep néh déhéé' gem Yésus ngan riet éh medai, inah iah bara' tong kesakit néh ngan tong néh pu'un ma'o kepéh.

LUKAS 8:47 Iomraidhean Croise

MATIUS 28:8

Biau mu'un rawah lakau, pu'un kemedai roh, bang ja'au mu'un kemurung roh, nekedeu' roh ke' roh bara' rengah inah ngan bakéh roh.

MARKUS 5:33

Kejam redo inah iah ma'o jin kesakit néh ri', riet éh medai, pelapah iah ngejekuu' lep néh déhéé gem Yésus, boh éh bara' ka', Akeu' ngamit seput Ko' nah rit, ha' néh.

LUKAS 8:46

Ha' Yésus kepéh, Pu'un jah kelunan ngamit ku' ri' de'. Akeu' jam éh pu'un kenat mu'un uban penyukat Ké' kejam Ké' éh pu'un peka'o kelunan éh ngamit Ku' nah, ha' Néh.

LUKAS 8:48

La'ah ha' Yésus ngan néh, Uban ko' ngelan Akeu' inah ko' pu'un ma'o, moléé' ke' ngan pawah kenin ko', ha' Néh ngan redo inah.

PENGANEU' LAWAH 16:29

La'ah pengeja'au nah tebai réh tuai mihin titui ke' néh tioo nekedeu' tai masek. Riyet éh tioo pegup tong jumen Paulus rawah Silas.

1 KORINTUS 2:3

Kenat péh hun ké' tai tavin keh, lemoo' usah ké' ngan medai ku', pah avéé' ké' riyet mu'un péh.

2 KORINTUS 7:15

La'ah penika néh ngan ka'ah pepit-pepit kepéh uban iah seruh tong jalan keh gahang kenin juk kivu sohoo' mé', ngan tong jalan keh alaa' iah ngan bé' nyakat ha' néh bang medai ngan riyet kenin.

PILIPI 2:12

O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

IBRANI 12:28

Uban kenat tekep uleu' bara' jian kenin uban uleu' pu'un lem nihau Néh éh pelinguh, tekep uleu' bara' jian kenin ngan seva' Allah ngan penoo' penyeva' ngan Medai tong Néh, kivu jalan éh ngepayoo' kenin Néh.