LUKAS 8:44 - Rengah Jian

⁴⁴ La'ah inah iah tai jin likot Yésus ke' néh ngamit tapak seput Yésus. Hun néh ngamit seput Yésus nah, tioo dahaa' néh ma'o pega'.

LUKAS 8:44 Iomraidhean Croise

MATIUS 20:34

Yésus pika roh, iah mapai ojoo' néh tong maten roh, rawah tioo omok na'at, pelapah roh kivu Yésus.

MATIUS 8:3

Pelapah Yésus nyelaka' ojoo' néh ke' Néh ngamit éh, ka' ha' Néh, Akeu' keloo' ke' ma'o jin kesakit ko' nah, ha' Néh. Pelapah kelunan inah pu'un ma'o.

MATIUS 9:20

La'ah pu'un jah redo éh pega' dahaa' kasi, jah poloo' duah ta'un tenéh éh sakit kenat. Tai éh jin likot Yésus ke' néh ngejeming tapak seput Yésus.

MARKUS 6:56

Semah Yésus nah pu'un kejam réh, sinah ke' réh tai, tong lamin, tong leboo', ngan hun Néh tai leboo' siik péh éh tai, sinah ke' réh tai mihin kelunan sakit nah. Pu'un kelunan nah mihin irah éh sakit tai lamin réh pebelih, ke' réh pei' kelunan sakit nah tong lamin pebelih ke' réh nyohoo' Yésus kejeraa' kelunan sakit ngamit sapét tapak seput Néh. Kekat kelunan éh ngamit tapak seput Néh ma'o réh jin kesakit réh.

LUKAS 13:13

Boh Yésus mapai ojoo' Néh tong redo inah, boh redo inah omok tioo nekedéng pejek ngan pu'un éh mejing Allah.

LUKAS 7:38

La'ah redo inah nekedéng tong likot Yésus ngan mangaa' mu'un, palaa' baa' maten néh iah memasa' gem Yésus. Boh éh mitit éh palaa' bok néh ngan marek gem Néh, boh éh mujek tawan éh jian ba'oo' nah tong gem Néh kepéh.

LUKAS 8:43

Pemung ngan kelunan pinaa' nah pu'un jah redo éh sakit éh kasi dahaa' pega', avéé' jah poloo' duah ta'un éh kenat tenéh, bé' éh omok ma'o. Inah kepéh kekat livah néh péh béé lah, neu' néh tavin kelunan éh nawan ke' réh juk peka'o éh, bang bé' pu'un jah usah péh éh omok peka'o éh.

LUKAS 8:45

Boh Yésus pané ngan kelunan pinaa' nah, Séé' éh ngamit Ku' ri'? Ha' Néh. Ha' réh, Bé' améé' pu'un ngamit ka'au' ri', ha' réh. Boh Péterus pané kepéh, O Guru, pinaa' kelunan ne', neu' kelunan pesikeu' nah ine', ha' néh.

YOHANES 5:13

Bang lakei' inah bé' éh jam séé' éh peka'o éh nah, uban Yésus lepah piso jin sinah uban kelunan pinaa' nah.

PENGANEU' LAWAH 19:12

avéé' irah alaa' osoo' ojoo' néh ngan pakai néh ke' réh mena' éh ngan kelunan sakit, beleka' kesakit réh ngan kekat balei' péh tioo pega' jin réh.

PENGANEU' LAWAH 5:15

Neu' kekat penganeu' irah lawah belah kelunan pinaa', inah éh maneu' kelunan mihin irah éh sakit tai jalan totoo', ngan pei' réh tong bisan ngan tong mak péh, dokoo' hun Péterus lapah sinah da', barang ada kuyuh néh omok teneng tong kelunan éh sakit nah.