LUKAS 8:42 - Rengah Jian

⁴² Jah awah anak néh, anak redo, kelebéé' urip néh jah poloo' duah ta'un, sakit éh danii' juk matai. Lem Yésus lakau tavin anak inah, pinaa' kelunan nyikeu' éh.

LUKAS 8:42 Iomraidhean Croise

MARKUS 5:24

Pu'un Yésus tai kivu éh, ketem kelunan pinaa' nah péh tai kivu Yésus, avéé' réh pesikeu' lah tong jalan inah.

LUKAS 7:12

Hun réh avéé' tong leboo' inah, selalang réh ngan kelunan jin leboo' inah éh mihin patai lakei' lemanai ke' réh juk nanem éh. Lakei' lemanai' inah jah awah éh ngan tinen néh baleu'. La'ah pinaa' kelunan jin leboo' inah tai kivu redo baleu' nah tai tanem néh.

LUKAS 8:41

La'ah pu'un jah lakei' sinah ngaran néh Yérus, lakei' inah pengeja'au tong lamin sebayang Yahudi. Tai éh ngejekuu' lep néh déhéé' gem Yésus ke' néh menyat Yésus tai lamin néh. Iah menyat Yésus tai kenat uban anak néh.

LUKAS 8:43

Pemung ngan kelunan pinaa' nah pu'un jah redo éh sakit éh kasi dahaa' pega', avéé' jah poloo' duah ta'un éh kenat tenéh, bé' éh omok ma'o. Inah kepéh kekat livah néh péh béé lah, neu' néh tavin kelunan éh nawan ke' réh juk peka'o éh, bang bé' pu'un jah usah péh éh omok peka'o éh.

LUKAS 8:45

Boh Yésus pané ngan kelunan pinaa' nah, Séé' éh ngamit Ku' ri'? Ha' Néh. Ha' réh, Bé' améé' pu'un ngamit ka'au' ri', ha' réh. Boh Péterus pané kepéh, O Guru, pinaa' kelunan ne', neu' kelunan pesikeu' nah ine', ha' néh.

SURAT PAULUS NGAN SIDANG RUM 5:12

La'ah naneu' jah kelunan, inah éh bu'un penyala' pu'un tong tana', ngan naneu' penyala', inah éh maneu' kekat ineu'-ineu' péh jam matai, pah avéé' tong kekat kelunan béé, uban kekat kelunan pu'un maneu' penyala'.