LUKAS 8:34 - Rengah Jian

³⁴ Hun kelunan éh mihau idok nah na'at éh kelap ngan matai menyet kenat, pelapah kelunan inah kelap tai leboo' ngan bara' kekat inah ngan réh, boh réh tai kepéh bara' ngan irah tong térék.

LUKAS 8:34 Iomraidhean Croise

MATIUS 28:11

La'ah tovoo' rawah redo inah lakau nah, jelua' irah seradu éh mavaa' tanem Yésus nah moléé' réh tai leboo' kepéh ke' réh bara' ngan irah pengeja'au imam tong kekat éh lepah pu'un nah.

MATIUS 8:33

La'ah kekat kelunan éh mavaa' idok nah kelap tai leboo' ke' réh bara' kekat rengah inah ngan irah éh sitai, ngan bara' tong kelunan éh nasek balei' nah kepéh.

MARKUS 5:14

La'ah irah éh mihau idok nah tioo kelap tai bara' rengah inah ngan irah tong leboo' ngan irah tong térék péh, kekat idok inah matai menyet. La'ah irah tuai juk na'at ineu' éh lepah neu' Yésus nah.

LUKAS 8:33

Boh kekat balei' nah pega' jin lakei' iri' ke' réh tai masek lem idok pinaa' nah. Tioo nekedeu' idok pinaa' nah kelap nerurut tong apé ihang keluwat ketai avéé' tong tapak tana' bau dirin baa', tioo pejeu kekat néh béé pelohoo' lem baa', tioo matai menyet.

LUKAS 8:35

Boh kekat kelunan pinaa' tai kepéh tavin Yésus ke' réh jam éh hun néh pu'un kenat mu'un. Hun réh avéé' tong Yésus, inah irah na'at Yésus ngan lakei' éh nasek balei' nah pu'un menyun déhéé' gem Yésus. Kelunan éh nasek balei' nah pu'un pakai néh ngan pu'un kenin néh lepah teneng, medai mu'un réh na'at éh kenat.