LUKAS 8:3 - Rengah Jian

³ Pu'un kepéh Yohana, do Kusa, Kusa nah jah kelunan ja'au éh kereja' tong lamin Herodis, inah kepéh, Susana ngan pinaa' redo éh jah kepéh éh nolong Yésus ngan bakéh Néh, éh mena' livah ngan irah Yésus nah.

LUKAS 8:3 Iomraidhean Croise

MATIUS 14:1

La'ah tovoo' inah péh raja' Herodis éh pengeja'au tong tana' Galilia, menéng rengah tong kekat penganeu' Yésus.

MATIUS 14:3

Uban hun lepah nah pu'un Herodis nyohoo' kelunan ngamit Yohanes ngan ngejeret éh ngan masek éh lem lamin tutup. Herodis nyohoo' réh maneu' kenat naneu' Herodias éh do Pilipus éh padéé' Herodis nah.

MATIUS 14:6

Avéé' tong jah dau ja'au, dau réh ngajung Herodis uban réh seruh tong lohoo' néh, anak Herodias éh redo, sayau tong jumen réh béé. Jian kenin Herodis na'at éh,

MATIUS 2:11

La'ah masek réh tong lamin jalan Anak si'ik nah, sinah réh na'at éh ngan tinen Néh Meriam. Irah ngejekuu' lep réh ke' réh seva' Anak inah, boh réh muaa' kekat Pengena' réh ngan Néh, kekat pengena' réh ngan Néh, inah éh mas, kemenyan ngan mur éh barei' ingau rai.

MATIUS 20:8

Tovoo' dau merem kelunan éh pu'un pulah inah tebai pengeja'au éh mihin réh kereja' nah, ka' ha' néh ngan néh, Jian ke' tebai irah éh kereja' ri' mena' gaji réh. Mena' éh tenah ngan irah éh tuai kereja' metok awah ri', avéé' ngan irah éh tenebai ké' tenah nah, ha' néh.

MATIUS 25:40

Boh Raja' juk mipa ha' réh kepéh, ka', Akeu' bara' ngan keh, siget-siget koléé' hun keh nolong irah éh padéé' ké' iteu', na' péh réh si'ik mu'un, inah seleket keh nolong usah ké' mu'un. Kenat ha' ké' ngan réh, ha' Yésus nah.

MATIUS 26:11

Kelunan kari adang réh ngelayau pu'un ngan keh, omok keh nolong réh. Bang Akeu', bé' Ku' ngelayau pu'un ngan keh kenat.

MATIUS 27:55

La'ah pu'un kuraa' redo sinah éh na'at éh jin juu' si'ik, inah éh irah redo éh kivu Yésus jin Galilia ngan éh nolong éh lepah nah.

LUKAS 24:10

Ngaran jelua' irah redo inah, Meriam Magdalena jah, Yohana jah, Meriam tinen Yakub jah, pu'un kepéh irah redo éh jah éh pemung ngan réh teleu'. Kekat irah redo inah pu'un bara' kekat rengah inah ngan irah lawah Tuhan.

YOHANES 12:6

Pu'un éh pané kenat bé' éh uban néh pika kelunan kari, bang uban iah éh kelunan éh nekau. Iah éh ngamit bék jalan réh modoo' rigit réh ngan pu'un éh nekau rigit jin inah.

PENGANEU' LAWAH 13:1

Tong sidang tong Antiokia pu'un, kuraa' nabi ngan guru, inah éh, Barnabas rawah Simeon, éh keruwah ngaran Simeon nah, Kelunan Padeng, ngan Lukius éh jin leboo' Kirene, ngan Menahem éh namung réh pemung ngan pengeja'au Herodis, ngan Saulus péh.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

PILIPI 4:22

Kenat péh kekat kelunan éh anah Tuhan siteu' bara' tabi', makin péh irah tong lamin raja', irah péh bara' tabi' ngan keh.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.