LUKAS 8:25 - Rengah Jian

²⁵ Ha' Yésus ngan irah éh bakéh Néh nah kepéh, Kineu' keh kenat bé' ngelan, ha' Néh. Hun irah bakéh Néh na'at kepu ngan lipak nah lepah ma'o, béé kenin réh medai réh. Boh réh pané belah irah ke', ha' réh, Kineu' kelunan iteu' ke' néh omok pané ngan kepu ngan lipak ke' néh pu'un kivu sohoo' néh kenat, ha' réh.

LUKAS 8:25 Iomraidhean Croise

MATIUS 14:31

Pelapah Yésus nyelaka' ojoo' néh ke' néh ngamit éh, ka' ha' néh, Si'ik awah pengelan ko', kineu' ke' bé' ngelan mu'un, ha' néh.

MATIUS 17:20

Ha' Yésus ngan réh, Uban keh kurang pengelan tong Allah. Akeu' bara' mu'un ngan keh, hun keh ngelan, na' péh pengelan keh si'ik awah barei' tulin buaa' kayeu' sesawi nah, omok keh bara' ngan tokong iteu', Piso ke' jin siteu', adang néh pu'un piso. Hun keh ngelan omok keh maneu' ineu'-ineu'.

MATIUS 6:30

Bang Tuhan maneu' kekat ureu' murip tong tana', éh pu'un dau iteu' bang sagam notong réh éh. Hun néh kenat kineu' éh tong ka'ah kepéh, bé' Tuhan keloo' mena' pakai sukup ngan keh kei? Kurang pengelan keh, bé' keh ngelan mu'un.

MATIUS 8:10

Béé kenin Yésus menéng ha' néh kenat, boh Yésus pané ngan irah pinaa' éh kivu éh, ka' ha' néh, Akeu' bara' mu'un ngan keh, jin belah irah pohoo' Yahudi péh bé' pu'un irah pu'un pengelan barei' pengelan lakei' iteu'.

MATIUS 8:26

La'ah ha' Yésus ngan réh, Kineu' keh medai? Uban ineu' keh kurang ngelan tong Akeu', ha' néh. Betéé' éh ke' néh meta' lipak ngan kepu, pelapah éh pawah mu'un.

MARKUS 4:35

Tovoo' dau tahup inah, ka' ha' Yésus ngan irah bakéh néh, Jian tam papit saa' dipa, ha' néh.

LUKAS 12:28

Allah éh suai layan busak inah pu'un jian, na' péh éh metok awah murip, ngan la'o inah nebet réh éh dalem luten. Hun néh kenat kineu', bé' Allah keloo' mena' pakai ngan keh kei. Kurang mu'un pengelan keh.

LUKAS 8:24

Boh bakéh Yésus nah tioo tai peto'ot Yésus. Ha' réh ngan Néh, Eii Guru, kaham lu' tu' dat, ha' réh. Boh Yésus betéé' meta' kepu ngan lipak nah, nyohoo' éh pawah ngan ma'o. Bé' pu'un kepu gahang kepéh ngan bé' pu'un lipak ja'au kepéh, kekat inah lepah pawah béé.

LUKAS 8:26

La'o Yésus ngepawah kepu ngan lipak nah, lakau réh kepéh avéé' saa' dipa banget nah tai tana' irah Gerasa saa' dipa tana' Galilia.

YOHANES 11:40

Ka' ha' Yésus ngan néh, Kineu', bé' Ku' pu'un bara' ngan ko' ri', hun ko' ngelan boh penyukat Allah omok poléng ngan ko', ha' Néh.