LUKAS 8:24 - Rengah Jian

²⁴ Boh bakéh Yésus nah tioo tai peto'ot Yésus. Ha' réh ngan Néh, Eii Guru, kaham lu' tu' dat, ha' réh. Boh Yésus betéé' meta' kepu ngan lipak nah, nyohoo' éh pawah ngan ma'o. Bé' pu'un kepu gahang kepéh ngan bé' pu'un lipak ja'au kepéh, kekat inah lepah pawah béé.

LUKAS 8:24 Iomraidhean Croise

MATIUS 14:30

Bang hun iah nesen kepu pu'un gahang, medai éh, tioo menyet éh. Iah ngeradau, O Tuhan, ko' alaa' ku', ha' néh.

MATIUS 8:25

Tai irah bakéh Néh peto'ot éh, ha' réh, O Tuhan, jian ke' nolong améé', kaham lu' dat, ha' réh.

MARKUS 4:39

Pelapah Yésus betéé' ke' Néh meta' kepu gahang nah, ka' ha' Néh, mokoo ke', ha' Néh. Ha' Néh ngan lipak nah, Pawah ke', ha' Néh. Tioo pawah lah kepu ngan lipak nah.

LUKAS 4:35

Pelapah Yésus meta' balei' nah, ha' Néh, Mai ke' kahut, musit ke' jin kelunan inah, ha' Néh. Balei' nguba' kelunan inah saa' tenah kelunan pinaa' nah, pega' éh jin dalem kelunan inah, ngan bé' balei' nah ngesakit éh.

LUKAS 4:39

Tai Yésus nekedéng déhéé' redo inah ngan meta' kedarem néh. Pelapah kedarem néh pega', betéé' éh petubo réh.

LUKAS 5:5

Ha' Simon mipa éh, O Guru, putung merem améé' ngejala' avéé' mé' lekasan mu'un, bang jah usah péh seluang bé' éh pu'un nalaa' mé'. Na' péh kenat uban Ko' nyohoo' ku' tai kepéh, tai ke' ku' dat, ha' néh.

LUKAS 8:25

Ha' Yésus ngan irah éh bakéh Néh nah kepéh, Kineu' keh kenat bé' ngelan, ha' Néh. Hun irah bakéh Néh na'at kepu ngan lipak nah lepah ma'o, béé kenin réh medai réh. Boh réh pané belah irah ke', ha' réh, Kineu' kelunan iteu' ke' néh omok pané ngan kepu ngan lipak ke' néh pu'un kivu sohoo' néh kenat, ha' réh.