LUKAS 8:2 - Rengah Jian

² pemung ngan irah redo éh lepah nega' Néh balei' jin lem réh rai, ngan irah redo éh jah éh lepah peka'o Néh jin kesakit réh. Jin belah irah redo inah pu'un Meriam, keruwah ngaran néh Magdalena, éh nega' Néh tujuu' balei' jin lem néh lepah nah.

LUKAS 8:2 Iomraidhean Croise

MATIUS 4:24

La'ah rengah néh inah avéé' pah tipo tana' Siria, pu'un réh mihin kekat kelunan éh sakit tavin éh, irah éh pu'un pinaa' arong kesakit, ngan irah éh nasek balei', ngan irah éh tuleu' ngan irah éh matai keluhat péh, pu'un éh peka'o réh béé.

MARKUS 16:1

Avéé' tong ga' Dau Posot, Meriam Magdalena ngan Meriam tinen Yakub ngan Salome, tai melih anyuu' ke' réh mosoo' éh tong patai Yésus.

MARKUS 16:9

La'o Yésus betéé' jin patai Néh tong dau ngivun Dau Migu, bu'un-bu'un néh Iah pepoléng usah Néh ngan Meriam Magdalena (Tujuu' balei' nega' Néh jin Meriam nah).

LUKAS 23:27

Pu'un kelunan pinaa' kivu Yésus nah. Belah kelunan pinaa' nah pu'un kuraa'-kuraa' redo éh mangaa' ngan nirau mu'un-mu'un pika Yésus.

LUKAS 23:49

Kekat irah éh malai ngan Yésus, avéé' irah redo éh pu'un kivu éh jin tana' Galilia nah, nekedéng juu' si'ik na'at kekat éh pu'un nah.

LUKAS 23:55

La'ah irah redo éh kivu Yésus jin Galilia nah, pu'un réh kivu Yusup ngan na'at tanem bateu' inah ngan na'at kineu' pengodoo' néh patai Yésus nah lem tanem inah.

LUKAS 8:30

La'ah Yésus neteng ngaran néh, ha' néh, Ineu' ngaran ko', ha' néh. Ha' néh mipa éh, Ngaran ké' Panyen, ha' néh. Uban pinaa' balei' éh masek lem néh.

YOHANES 19:25

La'ah tinen Yésus ngan jah redo éh véé' Yésus jin tinen Néh, ngan Meriam redo Klopas ngan Meriam Magdalena nekedéng déhéé' kayeu' salib nah.

PENGANEU' LAWAH 1:14

La'ah kekat irah inah petipun dokoo' réh petem sebayang, pemung ngan irah redo, Meriam éh tinen Yésus, ngan irah padéé' usah Yésus.