LUKAS 8:18 - Rengah Jian

¹⁸ La'ah uban néh kenat jian keh menéng ngan seruh mu'un, kelunan éh pu'un, inah ke' éh juk pepit kepéh, ngan kelunan éh bé' pu'un ineu'-ineu' bang iah ngioo' awah pu'un éh, éh kenioo' néh pu'un inah juk pega' kepéh jin iah, ha' Néh.

LUKAS 8:18 Iomraidhean Croise

MATIUS 13:12

Uban kelunan éh pu'un penesen si'ik awah, Tuhan pepit pengejam néh ke' néh pu'un mutaa' kepéh. Bang kelunan éh bé' keloo' jam, Tuhan mega' pengejam néh éh si'ik inah.

MATIUS 25:29

Uban siget kelunan éh pu'un, omok éh alaa' éh kepéh avéé' néh pu'un mutaa', bang kelunan éh bé' pu'un anah nah, ke ja'au éh pu'un tong iah, inah ke' éh juk nalaa' réh jin iah kepéh.

MARKUS 13:14

Ka' ha' Yésus kepéh, Hun mah keh na'at iah éh keleko keh mu'un éh tuai ngebéé kekat ineu'-ineu' péh pu'un nekedéng tong retek éh bé' tekep néh maneu' kenat, hun néh pu'un kenat, jian kekat kelunan éh pu'un tong tana' Yudea tioo kelap tai tokong. Kelunan éh pu'un purung tong ha' ké' iteu', jian éh nesen éh.

LUKAS 19:26

Ha' lakei' ja'au kepéh, Siget kelunan éh pu'un, omok éh alaa' éh kepéh, bang kelunan éh bé' pu'un anah nah, ineu'-ineu' éh pu'un tong iah inah ke' éh juk nalaa' réh jin iah kepéh.

LUKAS 9:44

Jian keh mihau tong ha' éh juk benara' Ké' teu' da', inah éh, adang réh pu'un mena' Anak Kelunan lem kamit kelunan, ha' Néh.

YOHANES 15:2

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

PENGANEU' LAWAH 10:33

Inah akeu' nyohoo' kelunan tai tebai ke', jian éh uban ko' pu'un tuai. Hun iteu' pu'un améé' petipun siteu' tong ta'an Allah ke' mé' juk menéng kekat ha' éh sohoo' Tuhan benara' ko' ngan mé', ha' néh.

PENGANEU' LAWAH 17:11

La'ah irah tong Berea nah, bé' réh mahéng kenin barei' irah éh tong Tesalonika, murung réh menéng ha' tebaraa' Tuhan. Siget dau mekat réh purung surat Tuhan ke' réh omok jam hun néh pu'un mu'un barei' éh benara' Paulus ngan réh.

SURAT PAULUS NGAN SIDANG RUM 12:3

Uban neu' pengena' Allah éh lepah nena' Néh ngan ké', inah akeu' bara' ngan ka'ah, mai keh bau kenin ngan ulak juk maneu' ineu'-ineu' hun Allah bé' mena' éh ngan keh. Kenat péh mai keh seruh ka'ah kelunan éh ulak sa'at awah, ngan Tuhan bé' keloo' pakai keh, bang jian siget usah keh petuneng tong kenin keh tengéé', pekua' jalan keh ngelan keh omok pakai pengena' Allah ngan keh.

1 KORINTUS 14:37

Hun pu'un jah usah éh seruh iah kelunan éh sohoo' Tuhan ngan pu'un pengena' Allah, jian iah nesen kekat éh senurat ké' inah pu'un éh sohoo' Tuhan.

1 KORINTUS 3:18

Mai jah usah ngelavo' usah néh. Hun pu'un jah usah éh seruh iah kelunan éh jam seruh, tekep iah paléu palui awah, boh éh omok alaa' pengejam mu'un kepéh.

1 KORINTUS 8:2

Kelunan éh seruh iah pu'un pengejam, bé' jak iah jam barei' éh tekep éh kejam néh mu'un.

PILIPI 3:4

Bé' makat uban néh bé' pu'un ineu'-ineu' kenat éh omok kenelan ké', adang éh pu'un. Hun kelunan seruh neu' kekat penganeu' réh inah éh omok mihin réh jian tong jumen Tuhan, makin péh tong akeu', omok akeu' jian uban pinaa' penganeu' éh lepah naneu' ké'.

IBRANI 2:1

Uban kenat uleu' tekep petem megem tong kekat ha' tebaraa' éh lepah nenéng lu' dai lu' petat jin pengelan lu'.