LUKAS 8:15 - Rengah Jian

¹⁵ Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

LUKAS 8:15 Iomraidhean Croise

MATIUS 24:13

Bang séé'-séé' éh ngeretep pah avéé' ga' néh iah omok alaa' urip.

LUKAS 11:28

Ha' Yésus mipa éh, Oo', mu'un éh kenat, bang pelapah murung kepéh irah éh menéng ha' Allah ngan kivu éh, ha' Néh.

LUKAS 6:45

Kelunan éh jian iah maneu' jian uban kenin néh pu'un jian. Kelunan éh sa'at iah maneu' sa'at uban kenin néh pu'un sa'at. Pekua' éh pu'un dalem kenin kelunan, kenat péh ha' ané néh kepéh, ha' Yésus.

LUKAS 8:14

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

LUKAS 8:16

Ha' Yésus kepéh, Kelunan éh seket titui néh bé' éh pei' éh pekep ra' gelan ngan tekup éh palaa' kawa péh. Kelunan éh pu'un titui adang néh pei' éh tong pejing, dokoo' ada titui inah omok ta'an kekat kelunan kepéh.

YOHANES 14:15

Ka' ha' Yésus kepéh, Hun keh murung Akeu', adang keh pu'un kivu kekat sohoo' Ké'.

YOHANES 15:10

Hun keh kivu kekat sohoo' Ké', boh keh petem lem kemurung Ké', barei' Akeu' kivu kekat sohoo' Tamen Ké' ngan pu'un Ku' petem dalem kemurung Néh, ha' Néh.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

SURAT PAULUS NGAN SIDANG RUM 6:22

Bang hun iteu' kepéh Allah pu'un ngelepu keh jin penyala' keh ngan Iah maneu' keh ripen Allah kepéh. Uban Iah ngelepu keh kenat, kekat urip keh anah nah, pengega' néh mihin keh murip pelinguh.

SURAT PAULUS NGAN SIDANG RUM 7:18

Akeu' jam bé' pu'un ineu'-ineu' éh jian murip dalem kenin ké' hun bé' pu'un Sahéé' Ni'ai. Uban na' péh ku' keloo' ngan gahang kenin juk maneu' jian, bé' ku' omok maneu' éh.

SURAT PAULUS NGAN SIDANG RUM 7:4

O kekat padéé' ké', inah ha' tapan ké' tong ka'ah kepéh. Ka'ah iteu' lepah matai ngan pelepu jin sohoo' lem Surat Musa, uban ka'ah lepah pemung ngan Kristus. La'ah hun iteu' ka'ah anah Kristus éh betéé' jin patai Néh. Iah betéé' kenat dokoo' uleu' kelunan omok murip ngan barék éh teneng ngan pu'un gunah ngan Allah.

SURAT PAULUS NGAN SIDANG RUM 8:25

Na' péh bé' pu'un ineu'-ineu' éh ta'an lu' hun iteu', ngan kebit kenin lu' mena pah avéé' dau lu' omok tai pemung ngan Tuhan.

1 KORINTUS 7:19

Uban kelunan éh pesunat ngan éh bé' pesunat péh, bé' éh ineu', bang éh tekep mu'un, inah éh hun lu' kivu kekat sohoo' Allah.

ÉPESUS 2:8

Uban naneu' penika Allah awah ka'ah pu'un pelepu jin ukum penyala', neu' pengelan keh tong Iah. Bé' éh neu' ineu'-ineu' penganeu' keh, bang neu' pengena' Allah ngan keh awah.

PILIPI 1:11

Akeu' keloo' kekat urip ngan barék keh pu'un jian neu' penyukat Yésus Kristus lem kenin keh, dokoo' keh omok peparen ngan mejing Allah.

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

KOLOSÉ 1:6

La'ah Rengah Jian inah pu'un éh mihin kuraa'-kuraa' kelunan jian kenin ngan pu'un éh avéé' tong kuraa'-kuraa' kelunan pah tipo tana', barei' éh pu'un belah ka'ah jin dau bu'un keh menéng tong penika Allah ngan nesen éh lem kenin keh kepéh.

IBRANI 10:36

Jian keh kebit kenin dokoo' keh omok maneu' pengeloo' Allah, boh keh omok alaa' kekat éh pejajii' Néh.

IBRANI 2:1

Uban kenat uleu' tekep petem megem tong kekat ha' tebaraa' éh lepah nenéng lu' dai lu' petat jin pengelan lu'.

YAKUB 1:4

Tong éh kebit kenin inah, jian éh pepit, pah avéé' ka'ah pu'un sukup mu'un ngan bé' pu'un pengekurang ineu'-ineu' péh.

1 YOHANES 2:3

Telana' lu' jam Allah inah éh hun lu' kivu kekat sohoo' Néh.