LUKAS 8:13 - Rengah Jian

¹³ Tulin éh pelohoo' tong bateu' ja'au éh pu'un tana' si'ik awah tong néh nah, inah éh kelunan éh lepah menéng ha' tebaraa' Tuhan, laho réh alaa' éh ngan jian kenin, bang bé' iteu' masek lem lepok kenin réh. Pu'un réh ngelan bang metok awah éh, hun tenupat ngan sioo' penusah, pu'un réh moléé' murin kepéh jin pengelan réh.

LUKAS 8:13 Iomraidhean Croise

MARKUS 6:20

Raja' Herodis nah medai Yohanes, uban kejam nah ke' Yohanes nah, kelunan éh jian, éh teneng ngan ni'ai kenin. Kenat Herodis mavaa' mu'un, dai réh mematai éh. Keloo' Raja' Herodis menéng ha' tebaraa' Yohanes, na' péh éh merek ngan tusah kenin, siget koléé' néh menéng ha' néh.

LUKAS 8:12

Tulin éh pelohoo' tong dirin jalan nah, inah éh kelunan éh lepah menéng ha' tebaraa' Allah bang tuai Sitan alaa' ha' tebaraa' inah jin dalem kenin réh, dai réh omok ngelan ngan alaa' urip.

LUKAS 8:14

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

YOHANES 15:2

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

YOHANES 15:6

Séé'-séé' éh bé' pu'un petem dalem Akeu', nebet Néh awah éh barei' paka', ngan mapeu' éh. Paka' éh mapeu', pu'un réh tipun éh ngan bet éh lem luten.

YOHANES 5:35

Yohanes nah, iah barei' jah lapung éh mahang ngan peséng jian, ngan kelebéé' néh pu'un kenat, ka'ah péh murung mokoo' tong nawa néh.

1 KORINTUS 13:2

Na' péh akeu' jam nebaraa' kelunan ngan lenaa' mu'un uban pengena' Tuhan ngan ké', kenat péh na' péh akeu' omok jam tong kuraa'-kuraa' pengeloo' kenin Tuhan éh pelim jin kelunan lepah rai, ngan na' péh akeu' pu'un pengelan tong Tuhan éh sukup mu'un ke' ké' omok nyohoo' tokong piso, bang hun akeu' bé' pika kelunan, seleket ké' bé' pu'un maneu' kenat.

1 KORINTUS 15:2

La'ah Rengah Jian inah bara' tong jalan ka'ah alaa' urip maréng, inah ha' tebaraa' éh benara' ké' ngan keh rai. Hun keh ngelan éh mu'un adang keh alaa' urip, inah éh hun pengelan keh rai bé' tuyah-tuyah awah.

GALATIA 3:1

Palui ka'ah kelunan Galatia. Séé' lepah ngaboo' ngan ngepaléu kenin ka'ah? Hun lepah rai pu'un keh menéng ngan lenaa' mu'un tong jalan Kristus Yésus pu'un matai tong kayeu' salib rai.

GALATIA 3:4

Kineu', tuyah-tuyah awah kekat pengeketa keh hun keh ngelan rai? Kioo' ké' bé' éh tuyah-tuyah awah.

ÉPESUS 3:17

Jian Kristus petem dalem kenin keh, uban keh ngelan tong Néh. Akeu' sebayang dokoo' kekat penganeu' keh ngelakat dilem ngan petem reken lem penika.

KOLOSÉ 1:23

Bang jian keh tigéh ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian éh lepah nenéng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.

KOLOSÉ 2:7

Jian keh pu'un reken mu'un dalem Iah barei' lakat éh masek dilem mu'un lem tana'. Jian keh mejek lihei' keh tong Kristus, dokoo' keh pelapah gahang kepéh ngan reken mu'un dalem pengelan keh, barei' ha' réh ngan keh rai. Jian keh murung kenin ngan ngelayau jam seruh tong kekat pengena' ngan pengasi Tuhan ngan keh, ngan bara' jian kenin ngan Néh kepéh.

1 TESALONIKA 3:5

Uban kenat akeu' nyohoo' Timotius tai tavin keh, dokoo' ké' omok jam tong pengelan keh tong Kristus, éh kemapah ké' dai Sitan pu'un tupat ka'ah ngan kekat kereja' mé' belah ka'ah rai pu'un tuyah-tuyah awah.

1 TIMOTIUS 1:19

Jian ke' petem dalem pengelan ko', mai ke' maneu' ineu'-ineu' éh omok petawang kenin ko'. Pu'un jelua' kelunan éh maneu' barék éh bé' jian éh petawang kenin néh, éh mega' pengelan néh jin Tuhan.

IBRANI 10:39

Bang uleu' iteu', bé' lu' kelunan éh moléé' murin ngan tawang, bang pu'un lu' ngelan ngan omok alaa' urip.

YAKUB 2:26

Uban kenat barei' okoo' usah éh bé' pu'un sahéé' inah éh usah éh matai, kenat péh pengelan éh bé' pu'un penganeu' pengelan inah matai awah.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

2 PÉTERUS 2:22

Pu'un jah ha' tapan éh pekua' ngan kelunan éh maneu' kenat, ka' éh, Aseu' moléé' kuman lutaa' néh kepéh, ngan Idok éh lepah peroo' réh moléé' tai ngelina' dalem lina' néh kepéh.

1 YOHANES 2:19

Kekat kelunan inah bé' réh pekua' kenin ngan lu', kenat péh irah piso jin uleu'. Hun réh pu'un pekua' kenin ngan lu', adang irah petem pemung ngan lu'. Irah nelana' réh tengéé' mu'un kenin ngan uleu' uban réh piso jin uleu'.

YUDAS 1:12

Irah pu'un barei' éh segit awah tong ta'an keh tovoo' keh kuman pemung ngan kekat padéé' éh kua' pengelan ngan irah kuman nyahan ngan seruh tong usah réh tengéé' irah barei' baleng éh palit neu' kepu bang bé' pu'un taa'. Irah péh barei' kayeu' buaa' éh bé' ngebuaa' na' péh éh sioo' taun buaa'. Irah barei' kayeu' éh lepah navut avéé' lakat néh éh matai mu'un.