LUKAS 7:8 - Rengah Jian

⁸ Akeu' kenat ha' uban akeu' péh kivu sohoo' irah éh ja'au jin akeu', kenat péh pu'un irah seradu éh jah éh lem nihau ké'. Hun ké' bara' ngan jah usah, Tai ke', tai ke' éh kenat. Hun ké' bara' ngan jah usah kepéh, Tuai ke', tuai ke' éh. Ngan hun ké' bara' ngan irah éh ripen ké', Ko' maneu' inah, iah péh maneu' éh kenat. Kenat ha' lakei' ja'au inah nyohoo' réh bara' éh ngan Yésus.

LUKAS 7:8 Iomraidhean Croise

LUKAS 7:7

kenat péh bé' tekep ku' tuai tavin ka'au' uban akeu' kelunan éh sa'at mu'un. Jian ke' pané awah, neu' ha' ko' awah péh omok kelunan sohoo' ké' inah ma'o.

LUKAS 7:9

Béé kenin Yésus menéng ha' néh kenat, pupah Éh ke' Néh pané ngan kelunan éh kivu Éh, ha' Néh, Bé' jak Akeu' jam kelunan éh pu'un pengelan kenat. Jin belah irah Yahudi mu'un péh bé' éh pu'un kenat ke ja'au pengelan, ha' Néh.

PENGANEU' LAWAH 23:17

La'ah Paulus tebai jah kelunan éh pengeja'au jah ato seradu ke' néh bara' ngan néh, ka' ha' néh, Jian ke' mihin anak iteu' tavin lakei' ja'au éh pengeja'au jah ibu seradu, uban pu'un jah ha' éh juk benara' néh ngan néh ne', ha' Paulus.

PENGANEU' LAWAH 23:23

La'ah lakei' ja'au éh pengeja'au jah ibu seradu nah tebai duah usah éh pengeja'au jah ato seradu kepéh ke' néh bara' ka' ngan roh, Jian keh nyohoo' kekat seradu petenup ke' réh tai leboo' Kaisarea. Duah ato seradu éh omok lakau tana', ngan tujuu' poloo' kepéh éh jalan kuda,

PENGANEU' LAWAH 23:26

Akeu' Klaudius Lisias bara' tabi' ngan ko' Peliks, éh pengeja'au mé'.

PENGANEU' LAWAH 23:31

La'ah kekat seradu nah maneu' pekua' éh sohoo' Klaudius ngan réh nah. Tovoo' merem inah irah alaa' Paulus ke' réh patet éh avéé' leboo' ja'au Antipatris.

PENGANEU' LAWAH 24:23

La'ah iah nyohoo' pengeja'au jah ato seradu nah mavaa' Paulus, bang kejeraa' éh lakau tong lamin éh jalan néh nah ngan kejeraa' bakéh néh tuai nolong éh.

PENGANEU' LAWAH 25:26

Bang bé' ku' jam kineu' ha' ké' pané ngan raja' lem surat ké' da', kenat éh ké' mihin éh tavin ka'au' Agripa ngan kekat ka'ah béé, barang pu'un péh ineu'-ineu' éh kejam keh tong ha' néh la'o keh menéng éh, éh tekep ké' nyurat da'.

KOLOSÉ 3:22

O kekat kelunan sohoo', jian keh kivu kekat sohoo' pengeja'au keh, bé' makat tovoo' réh na'at keh awah, mai keh ngelayoo' awah kereja' tong ta'an pengeja'au keh nah, bang jian keh kereja' mu'un uban keh ngelan tong Tuhan.