LUKAS 7:47 - Rengah Jian

⁴⁷ Akeu' bara' ngan ko', ja'au mu'un penika redo iteu', neu' penika néh kenat inah éh nojoo' na' péh penyala' néh pu'un ja'au pu'un éh lepah pega'. Bang kelunan éh si'ik awah penika néh, inah éh nojoo' si'ik awah ke' penyala' néh pega', ha' Yésus.

LUKAS 7:47 Iomraidhean Croise

MATIUS 10:37

Ha' néh kepéh, séé'-séé' éh murung tamen tinen néh pelapah ja'au jin néh murung Akeu', bé' iah payoo' tong Akeu'. Ngan séé' éh murung anak néh lakei' ngan murung anak néh redo pelapah ja'au jin néh murung Akeu', bé' iah payoo' tong Akeu'.

LUKAS 7:39

Hun kelunan Parisi éh tebai Yésus kuman nah na'at redo inah maneu' kenat iah ngedalem éh, ka' kelem néh, Eii, kineu' Yésus kejeraa' redo inah maneu' éh kenat, hun Néh mu'un iah nabi Tuhan adang Néh jam redo inah sa'at barék, kelem néh.

LUKAS 7:46

Bé' ke' mena' anyuu' tong ulun Ké', bang redo inah pekanyuu' gem Ké' palaa' tawan éh jian ba'oo'.

LUKAS 7:48

Boh Yésus bara' ngan redo inah, Kekat penyala' ko' lepah pega' tenéh, ha' Néh.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

SURAT PAULUS NGAN SIDANG RUM 5:20

Surat Musa pepoléng kekat éh sa'at ngan pepit éh, bang na' péh penyala' pu'un pepit ja'au mu'un, penika Allah pelapah ja'au kepéh.

2 KORINTUS 5:14

Uban tong kekat penganeu' mé' pu'un éh uban neu' penika Kristus éh barei' mugun améé', uban kejam mé' jah usah inah éh Kristus, lepah matai ngan kekat kelunan. Hun néh kenat kekat kelunan seleket matai.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

ÉPESUS 6:24

Jian penika Allah pu'un pemung ngan kekat kelunan éh pika Tuhan Yésus Kristus neu' penika Néh éh bé' omok béé.

PILIPI 1:9

Akeu' sebayang dokoo' penika keh ngan Allah ngan kelunan omok pepit, pemung ngan pengejam keh tong kekat éh teneng, pah avéé' keh jam seruh mu'un,

1 TIMOTIUS 1:14

La'ah ja'au mu'un penika Tuhan ngan ké' ngan mutaa' kepéh, pu'un éh ngusii' kenin ké' dokoo' ké' omok ngelan ngan omok pika neu' ké' pu'un petem lem Kristus Yésus.

1 YOHANES 1:7

Bang hun uleu' murip dalem rema, pekua' Allah pu'un dalem rema, adang uleu' béé pu'un Pekua' kenin, ngan dahaa' Yésus Anak Néh, mohéé' uleu jin kekat penyala'.

1 YOHANES 3:18

O kekat anak ké', mai lu' bara' lu' pika palaa' ha' ujun lu' awah, bang jian lu' kua' pepika palaa' penika éh mu'un éh pepoléng lu' jin penganeu' lu'.

1 YOHANES 4:19

Uleu' pu'un pika kelunan uban Allah éh bu'un-bu'un pika uleu'.

1 YOHANES 5:3

Uban inah éh jalan lu' pika Allah, hun lu' kivu kekat sohoo' Néh. La'ah kekat sohoo' Néh bé' éh ma'an maneu'.