LUKAS 7:42 - Rengah Jian

⁴² Boh lakei' ja'au éh jalan roh pu'un utang nah mega' utang roh awah. Hun néh kenat séé' jin belah rawah inah éh pu'un murung mu'un tong lakei' ja'au inah seneruh ko', ha' Yésus ngan Simon nah.

LUKAS 7:42 Iomraidhean Croise

MATIUS 18:27

Boh pengeja'au inah pika éh ngan bet kekat utang néh ngan ngelepu éh.

MATIUS 18:34

Merek mu'un pengeja'au néh ngan néh. Pu'un éh nyohoo' réh mena' éh tong lamin tutup avéé' néh mematai kekat utang néh, ha' Yésus ngan réh.

MATIUS 6:12

La'ah jian ke' mega' kekat kesa'at améé' barei'-okoo' améé' mega' kesa'at irah éh pu'un ngesa'at améé'.

LUKAS 7:43

Ha' Simon mipa éh, Akeu' seruh iah éh pu'un utang éh pelapah pinaa' nah, ha' Néh. Ha' Yésus kepéh, Oo', mu'un, teneng ha' ko' inah, ha' néh.

SURAT PAULUS NGAN SIDANG RUM 3:24

Bang naneu' penika Allah nah awah, kekat kelunan omok alaa' pengepemung ngan Allah ke' néh omok jian kepéh, neu' Allah mena' Anak Néh, dokoo' naneu' dahaa' Néh éh pega', pu'un jalan ke' Tuhan omok mega' penyala' réh naneu' pengelan réh tong Yésus.

SURAT PAULUS NGAN SIDANG RUM 5:6

Uban lem lu' to lemoo' ngan bé' omok piso jin kesa'at lu', tovoo' jaka' éh kevéléé' Allah ke' Kristus matai ngeliwah uleu' kelunan éh sa'at.

GALATIA 3:10

Kelunan éh seruh iah omok ngepayoo' kenin Allah neu' néh kivu sohoo' lem Surat Musa, ukum Tuhan teneng tong iah. Uban pu'un jah ha' lem Surat Allah bara' ka', séé'-séé' éh bé' ngelayau kivu kekat éh lepah senurat dalem Surat Musa, pu'un Allah ngukum éh, ha' Néh.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

ÉPESUS 4:32

Bang jian keh dawai kenin, nolong petolong, pika pepika, pekua' Allah dalem Kristus pu'un pika ngan mega' penyala' lu'.

KOLOSÉ 3:13

Hun séé'-séé' éh pu'un tengéé' kenin ngan bakéh néh, jian réh pata pepika kepéh. Mai mihau penyala' néh lem kenin ko', pekua' Tuhan mega' penyala' lu'.