LUKAS 7:39 - Rengah Jian

³⁹ Hun kelunan Parisi éh tebai Yésus kuman nah na'at redo inah maneu' kenat iah ngedalem éh, ka' kelem néh, Eii, kineu' Yésus kejeraa' redo inah maneu' éh kenat, hun Néh mu'un iah nabi Tuhan adang Néh jam redo inah sa'at barék, kelem néh.

LUKAS 7:39 Iomraidhean Croise

MATIUS 20:16

La'ah ha' Yésus, Irah éh saa' murin pu'un réh tai saa' tenah, ngan irah éh saa' tenah pu'un réh tai saa' murin kepéh, ha' néh.

MATIUS 21:11

Irah pinaa' éh kivu éh tai leboo' Yérusalem nah mipa ha' réh, ka' ha' réh, Jah nabi, Yésus ngaran néh, éh jin leboo' Nasaret tong tana' Galilia, ha' réh.

MARKUS 7:21

Uban kenin nah, inah jalan kekat arong penyeruh, pu'un éh jin lem kenin, hun néh kenin néh mihin éh maneu' jian péh, ngan hun kenin néh éh mihin éh maneu' sa'at péh, barei' nekau' ngan mematai kelunan péh.

LUKAS 12:17

La'ah iah seruh dalem kenin néh, ka' kelem néh, Tusah mu'un ku' ieng ke' jalan ké' modoo' kekat parai ké' iteu'. Ineu' éh tekep ké' maneu', kelem néh.

LUKAS 15:2

Uban kelunan inah pu'un tai tavin Yésus kenat, inah kelunan Parisi ngan irah guru éh nebaraa' tong sohoo' lem Surat Musa selem-selem maneu' Yésus. Ka' ha' réh, Kelunan iteu' alaa' irah kelunan éh sa'at pah avéé' Néh pemung kuman ngan réh, ha' réh.

LUKAS 16:3

Boh lakei' inah seruh lem kenin néh, Kineu' akeu' kepéh da'. Lakei' ja'au inah juk bet akeu' jin kereja' inah, hun néh kenat kineu' ku' kepéh. Bé' akeu' gahang nyakun tana' dat, kenat péh menyaa' ku' ngabit kelunan awah dat.

LUKAS 18:4

Avéé' lebéé' péh redo inah menyat kenat, bé' lakei' inah keloo' nolong éh. La'o inah kepéh boh lakei' inah seruh, kelem néh, Na' péh akeu' bé' medai tong Allah ngan bé' pegunah kelunan,

LUKAS 3:8

Jian keh maneu' barék keh teneng, inah éh pepoléng keh lepah nelikut jin kekat kesa'at keh. Boh keh omok kelap jin ukum inah. Mai keh bara' ka', Abraham éh tepun améé', ha'. Mai keh ngelan tong inah. Uban Allah pu'un penyukat Néh, bateu' péh ke' Néh suai malui anak, éh anak-ayam Abraham, omok éh.

LUKAS 7:16

Kekat kelunan pinaa' nah medai, irah pu'un mejing Allah. Ha' réh, Pu'un jah nabi belah tam siteu', ja'au mu'un penyukat Néh, ngan inah kepéh, Allah pu'un tuai ngan pepoléng penika Néh ngan kelunan éh anah nah, ha' réh.

LUKAS 7:37

Tong leboo' inah pu'un jah redo éh sa'at barék. Hun redo inah menéng ha' réh bara' Yésus pu'un tong lamin kelunan Parisi inah, tai éh tavin Yésus sinah. Pu'un éh mihin jah tajau si'ik éh penoo' neu' tawan éh jian ba'oo' éh barei' anyuu'.

LUKAS 7:38

La'ah redo inah nekedéng tong likot Yésus ngan mangaa' mu'un, palaa' baa' maten néh iah memasa' gem Yésus. Boh éh mitit éh palaa' bok néh ngan marek gem Néh, boh éh mujek tawan éh jian ba'oo' nah tong gem Néh kepéh.

LUKAS 7:40

Boh Yésus pané ngan néh kepéh, ha' Néh, Simon, pu'un jah ha' si'ik éh juk benara' Ké' ngan ko', ha' Néh. Ha' Simon, O Guru, hun néh kenat ko' bara' éh, ha' Simon.

YOHANES 4:19

La'ah ka' ha' redo inah kepéh, O lakei' ja'au, kejam ké' Ka'au éh jah nabi.

YOHANES 7:12

Kelunan pinaa' pané selem-selem tong Yésus, ka' ha' jelua' réh, Kelunan inah jian éh, ha' réh. Ka' ha' jelua' kepéh, Bé', kelunan petawang awah ine', ha' réh.

YOHANES 9:24

Jah koléé' kepéh irah Parisi tebai kelunan inah ngan neteng éh kepéh, ka' ha' réh, Jian ke' mejing Allah ngan bara' mu'un, mai ke' kenyo, adang kelunan éh benara' ko' inah kelunan penyala', ha' réh.