LUKAS 7:38 - Rengah Jian

³⁸ La'ah redo inah nekedéng tong likot Yésus ngan mangaa' mu'un, palaa' baa' maten néh iah memasa' gem Yésus. Boh éh mitit éh palaa' bok néh ngan marek gem Néh, boh éh mujek tawan éh jian ba'oo' nah tong gem Néh kepéh.

LUKAS 7:38 Iomraidhean Croise

MATIUS 5:4

Murung kenin kekat kelunan éh besau kenin, Allah omok papung réh kepéh.

LUKAS 22:62

Boh Péterus musit ngan mangaa' mu'un-mu'un besau kenin.

LUKAS 6:21

Murung kenin ka'ah éh la'au' hun iteu' ka'ah juk beso kepéh Murung kenin ka'ah éh mangaa' hun iteu' ka'ah juk mala' kepéh

LUKAS 7:37

Tong leboo' inah pu'un jah redo éh sa'at barék. Hun redo inah menéng ha' réh bara' Yésus pu'un tong lamin kelunan Parisi inah, tai éh tavin Yésus sinah. Pu'un éh mihin jah tajau si'ik éh penoo' neu' tawan éh jian ba'oo' éh barei' anyuu'.

LUKAS 7:39

Hun kelunan Parisi éh tebai Yésus kuman nah na'at redo inah maneu' kenat iah ngedalem éh, ka' kelem néh, Eii, kineu' Yésus kejeraa' redo inah maneu' éh kenat, hun Néh mu'un iah nabi Tuhan adang Néh jam redo inah sa'at barék, kelem néh.

YOHANES 11:2

Meriam nah éh mosoo' anyuu' éh jian ba'oo' tong gem Yésus ngan mitit éh kepéh palaa' bok néh rai. Laserus éh sakit nah padéé' néh.

YAKUB 4:9

Jian keh besau kenin ngan mangaa', mai keh mala', mangaa' keh, mai keh murung kenin bang besau kenin.