LUKAS 7:37 - Rengah Jian

³⁷ Tong leboo' inah pu'un jah redo éh sa'at barék. Hun redo inah menéng ha' réh bara' Yésus pu'un tong lamin kelunan Parisi inah, tai éh tavin Yésus sinah. Pu'un éh mihin jah tajau si'ik éh penoo' neu' tawan éh jian ba'oo' éh barei' anyuu'.

LUKAS 7:37 Iomraidhean Croise

MATIUS 21:31

La'ah ha' Yésus neteng réh, séé' jin rawah anak iteu' éh kivu sohoo' tamen roh, ha' néh. Ha' réh mipa éh, Anak néh tuken, ha' réh. La'ah ha' Yésus, Kelunan éh alaa' sukai ngan irah redo éh petuyang, irah inah éh pu'un tai lem nihau Allah saa' tenah jin ka'ah.

LUKAS 18:13

Kelunan éh alaa' sukai bé' éh tai danii', bé' éh na'at kebau tong seruga, bang néh tepap kebah néh awah. Ka' ha' néh, O Allah, Ko' pika akeu', akeu' iteu' kelunan éh penyala' awah, ha' sebayang néh.

LUKAS 19:7

La'ah kelunan pinaa' éh na'at éh kenat, leko réh, selem-selem réh pané, ka' ha' réh, Kelunan inah tai mokoo' tong lamin kelunan penyala', ha' réh.

LUKAS 5:30

Kelunan Parisi ngan irah guru éh nebaraa' tong Surat Musa, leko réh na'at éh kenat, boh réh pané ngan irah bakéh Yésus nah. Ha' réh, Uban ineu' ka'ah pelelong ngan kelunan éh alaa' sukai ngan kelunan penyala', ha' réh.

LUKAS 5:32

Bé' Akeu' tuai tong tana' iteu' Ké' tebai kelunan éh seruh iah kelunan éh jian, bang Akeu' tuai ke' Ké' tebai kelunan penyala' dokoo' réh omok piso jin penyala' réh, ha' Néh.

LUKAS 7:34

La'ah Anak Kelunan, pu'un kuman ngan pu'un mesep, boh ka'ah bara', Na'at kelunan inah, iah kuman nyahan ngan mesep baa' agun, ngan pebakéh ngan kelunan éh alaa' sukai ngan kelunan penyala' péh, ha' keh.

LUKAS 7:36

La'ah pu'un jah kelunan Parisi tebai Yésus tai kuman tong lamin néh, inah Yésus tai kuman tong lamin néh.

YOHANES 11:2

Meriam nah éh mosoo' anyuu' éh jian ba'oo' tong gem Yésus ngan mitit éh kepéh palaa' bok néh rai. Laserus éh sakit nah padéé' néh.

YOHANES 9:24

Jah koléé' kepéh irah Parisi tebai kelunan inah ngan neteng éh kepéh, ka' ha' réh, Jian ke' mejing Allah ngan bara' mu'un, mai ke' kenyo, adang kelunan éh benara' ko' inah kelunan penyala', ha' réh.

YOHANES 9:31

Bé' Allah pu'un menéng ha' kelunan penyala', uleu' jam éh kenat, bang adang Allah pu'un menéng ha' kelunan éh seva' Éh ngan éh kivu kekat sohoo' Néh.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

1 TIMOTIUS 1:15

Teneng mu'un ha' iteu' ngan tekep kelunan alaa' éh ngan ngelan éh, ka' éh, Kristus Yésus tuai tong tana' teu' ke' Néh omok purip kelunan. La'ah akeu' éh pelapah sa'at jin kekat kelunan béé éh pu'un penyala'.

1 TIMOTIUS 1:9

Bang jian irah nesen sohoo' inah bé' éh tulat kelunan éh Jian, bang tulat kelunan sa'at ngan éh ngelapah sohoo', kelunan éh bé' jam Allah ngan kelunan penyala', kelunan éh bé' keloo' sebayang ngan éh kivu urip tana', kelunan éh mematai tamen ngan tinen ngan mematai kelunan.

1 PÉTERUS 4:18

Uban pu'un éh barei' ha' dalem surat Allah, ka' éh, Hun kelunan éh ngelan ma'an alaa' urip, kineu' éh tong kelunan éh bé' ngelan ngan éh maneu' penyala' péh?