LUKAS 7:33 - Rengah Jian

³³ Barei'-okoo' irah anak kenat nah ka'ah, uban hun Yohanes Batis tuai rai, ngelayau éh kelaset awah, ngan bé' éh mesep baa' agun, boh ka'ah bara' iah kelunan palui awah.

LUKAS 7:33 Iomraidhean Croise

MATIUS 10:25

Jian kelunan éh pekalai nah sukup kenin hun néh omok jam barei' éh kejam guru néh nah. Kenat péh tong kelunan ripen hun néh omok pekua' barei' pengeja'au néh kepéh. Hun néh pengeja'au tong lamin nateng réh balei' Beelsebul, makin péh la'ah kekat irah éh tong lamin néh pelapah sa'at ngaran réh jin inah kepéh, ha' néh.

MATIUS 3:1

Tovoo' inah Yohanes Batis nebaraa' kelunan tong ahang tana' tong tana' Yudea.

MATIUS 3:4

La'ah pakai Yohanes nah senuai jin bulun unta, ngan jeret é'éng néh kulit ka'an, éh penguman néh karah ngan nyak layuk.

MARKUS 1:6

La'ah pakai Yohanes bulun ka'an unta, ngan jeret é'éng néh, kulit ka'an, la'ah penguman néh karah ngan nyak layuk.

LUKAS 1:15

Inah kepéh anak inah iah éh ja'au ngaran tong ta'an Tuhan. La'ah mai éh mesep baa' agun ngan ineu' ineu' éh maneu' kelunan mavuk. Jin lohoo' néh Iah pu'un penoo' neu' Sahéé' Ni'ai.

LUKAS 7:32

Irah barei' anak éh seminga' tong jalan pebelih, ha' jelua' irah anak pané ngan bakéh réh, ka' ha' réh, Améé' lepah ngeloréé barei' irah tong kawin bang bé' keh sayau, améé' pu'un ngeradau barei' hun kelunan matai bang bé' keh mangaa', bé' ka'ah keloo' pemung seminga' ngan améé', ha' jelua' irah anak nah.

LUKAS 7:34

La'ah Anak Kelunan, pu'un kuman ngan pu'un mesep, boh ka'ah bara', Na'at kelunan inah, iah kuman nyahan ngan mesep baa' agun, ngan pebakéh ngan kelunan éh alaa' sukai ngan kelunan penyala' péh, ha' keh.

YOHANES 10:20

Ka' ha' jelua' réh, kelunan inah nasek balei' ngan tuleu'. Uban ineu' keh keloo' menéng ha' Néh, ha' réh.

YOHANES 8:48

Ka' ha' irah Yahudi ngan Yésus kepéh, teneng mu'un ha' améé' bara' ke' kelunan Samaria rai, pu'un Ke' nasek balei', ha' réh.

YOHANES 8:52

Ka' ha' irah Yahudi kepéh, Nah, hun iteu' kejam mé' mu'un, Ka'au nasek balei'. Abraham ngan irah Nabi Tuhan, pu'un réh lepah matai, bang ha' Ko' nah, séé'-séé' éh mihau ha' tebaraa' Ké' bé' éh omok matai.

PENGANEU' LAWAH 2:13

Bang kelunan éh jah pesanyaa irah éh ngelan nah, ka' ha' réh, Mavuk irah iteu' tu de', ha' réh.